Shqipëria i rikthehet prodhimit të armëve - Pr/ligji, gati krijimi i shoqërisë shtetërore “KAYO sh.a.”
“Shqipëria është nga vendet e pakta në rajon që e ka të fjetur industrinë ushtarake. Ka nevojë për investime, investitorë, ndërmarrjet shtetërore i kemi në proces transformimi në Sh. A. për ta riaktivizuar përmes investimeve për të zhvilluar industri. Tani jemi edhe më të qartë për të negociuar. Ne duhet të ndryshojmë qasjen, nga “Shqipëria 1 euro” të “Shqipëria partnere”, tha ai.
Nëpërmjet kësaj deklarate rreth një muaj më parë, Ministri i Mbrojtjes, Niko Peleshi, i parapriu “rizgjimit” të industrisë se prodhimit të armëve ushtarake në Shqipëri. Ndërkohë, sapo ka dalë për konsultim publik projektligji “Për krijimin e shoqërisë shtetërore për prodhimin dhe tregtimin e armëve, municioneve, pajisjeve dhe teknologjive ushtarake”. Sipas Ministrisë së Mbrojtjes, që është edhe hartuesja e këtij dokumenti, projektligji ka për qëllim të shërbejë si akt themelimi për shoqërinë “KAYO sh.a”.
Nëpërmjet kësaj nisme bëhet e mundur krijimi i një strukture të re në formën e një shoqërie tregtare më të gjitha kapacitetet e nevojshme për të ndërvepruar në tregun e sotshëm kombëtar dhe ndërkombëtar. “Vetëm përmes një shoqërie të tillë mund të aktivizohen dhe funksionojnë mekanizmat e nevojshëm për rivitalizimin e kapaciteteve të trashëguara të industrisë ushtarake, -në kuadrin e dinamikave aktuale në ambientin ndërkombëtar strategjik të sigurisë, vendimet dhe standardet e NATO-s”, theksohet në relacionin e projektligjit.
Gjithashtu ky proces ka për qëllim të nxisë inovacionin dhe zhvillimin teknologjik në fushën e industrisë së mbrojtjes, nëpërmjet një bashkëpunimi të ngushtë me sektorin privat.
Sipas Ministrisë së Mbrojtjes, me anë të kësaj nisme ndërmerret hapi i parë drejt rivitalizimit të industrisë ushtarake. Në këtë mënyrë, Shqipëria forcon pozicionin e saj strategjik në rajon, duke u bërë një aktor më i rëndësishëm në fushën e mbrojtjes dhe sigurisë, e përqasur me objektivat e Aleancës së Atlantikut të Veriut.
Shqipëria ka trashëguar nga e kaluara një industri ushtarake e cila sot nuk ushtron veprimtarinë e saj dhe si rrjedhojë nuk mund t’i përgjigjet kërkesave të forcave tona të armatosura dhe prej vitesh këto kërkesa dhe nevoja plotësohen në tregun ndërkombëtar.
Ministria e Mbrojtjes gjykon se, Shqipëria, ashtu edhe si të gjitha vendet e tjera aleate, ka si detyrim të rrisë kapacitetet operacionale dhe nivelin e rezervës në municione dhe armatime, për t’iu përgjigjur ndryshimit të vazhdueshëm të situatës së sigurisë dhe mbështetur ekzekutimin e “familjes së planeve” të shkurajimit dhe mbrojtjes në zonën euroatlantike. Përveç një detyrimi të tillë, për kushtet aktuale, angazhimi në fuqizimin e një industrie të tillë dhe aftësia për të qenë konkurrent në këtë treg, mund të konsiderohet edhe si një aktivitet fitimprurës për ekonominë e vendit.
Në këtë mënyrë, përmes krijimit të një shoqërie shtetërore synohet shfrytëzimi i kapaciteteve industriale të trashëguara, sikurse edhe integrimi në proceset e punës edhe i teknologjive të reja dhe inovacioneve.
Shoqëria shtetërore që synohet të krijohet më këtë projektligj, do të ketë të gjitha kapacitetet e saj juridike dhe financiare për të funksionuar në përputhje me objektivat që i cakton ky projektligj për zhvillimin e industrisë ushtarake në vend.
Si përfundim, synimi strategjik për modernizimin e industrisë së mbrojtjes në përputhshmëri me standardet e NATO-s është jo vetëm i nevojshëm për të rritur kapacitetet mbrojtëse të Shqipërisë, por edhe për të forcuar pozicionin strategjik të vendit në rajon dhe në skenën ndërkombëtare të sigurisë, si dhe për të nxitur zhvillimin ekonomik.
Efektet fillestare të këtij projektligji në momentin e krijimit të kësaj Shoqërie janë në vlerën 300.000.000 (treqind milionë) lekë dhe do të përballohen nga fondi rezervë.
Dorian Koça/SCAN
Sondazh
Amnistia 3%, përfitimet për qytetarët dhe bizneset - Ekspertët: Reduktohet detyrimi tatimor, nxiten shitjet, luftohet informaliteti
Qeveria pritet që të rikthejë amnistinë për shtëpitë dhe pronat. Përmes një projektligji të depozituar në Kuvend nga deputetja e Partisë Socialiste Blerina......
Akciza rrit “fuqinë” në buxhetin e shtetit - 2024-ra shënon të ardhura rekord në 5 vitet e fundit
Të ardhurat që buxheti i shtetit mbledh nga produktet e akcizës janë rritur nga viti në vit. Të dhënat zyrtare të Ministrisë së Financave, tregojnë se......
Planet e menaxhimit të zonave të mbrojtura - AKZM hap tenderët për Malin e Tomorrit dhe Liqenin e Shkodrës
Me një fond limit prej 25 mln lekë, Agjencia Kombëtare e Zonave të Mbrojtura ka hapur 2 tenderë për hartimin e Planit të Integruar të Menaxhimit të Parkut......
Nga inxhinierët, te ekonomistët. Tregu kërkon punonjës - AKPA për një muaj liston 1544 kërkesa pune. Cilat kategori dominojnë?
Mungesa e fuqisë punëtore tashmë po e shenjëstron edhe Shqipërinë. Por jo vetëm forca e krahut, vendet vakante të punës po shpallen edhe për “trurin”. Referuar......
Raporti gjinor, sa femra ka për 100 meshkuj? - Në Shqipëri mbizotëron gjinia femërore. Malta ka mungesa
Në vitin 2023, në Bashkimin Europian kishte 229 milionë femra dhe 219 milionë meshkuj. Kjo korrespondon me një raport prej 104.6 femra për 100 meshkuj, që do......
Shqipëria forcon tregtinë e jashtme me rajonin - Eksportet u rritën me të gjitha vendet, përveç Malit të Zi dhe Kosovës
Të dhënat e tregtisë së jashtme për muajin prill të këtij viti tregojnë një rritje të importeve dhe eksporteve si në vlerë, ashtu edhe në peshë. Referuar......
Pastrimi i parave, ulen rastet e dyshimta - Raporti i AIF: Bankat dhe noterët, subjektet që raportojnë më tepër
Në vitin 2023 u shënua një ulje e raportimeve për aktivitete të dyshimta që lidhen me pastrimin e parave dhe financimin e terrorizmit. Sipas raportit vjetor të......
Ndërtimi i korridorit adriatiko-jonian - Nga projektimi, te ndërtimi. Fazat ku ndodhen segmentet në territorin shqiptar
Korridori Adriatiko-Jonian është konsideruar si një nga prioritetet e qeverisë shqiptare, teksa ndërtimi i segmenteve të tij është në faza të ndryshme, ku disa......
