Akciza rrit “fuqinë” në buxhetin e shtetit - 2024-ra shënon të ardhura rekord në 5 vitet e fundit
Të ardhurat që buxheti i shtetit mbledh nga produktet e akcizës janë rritur nga viti në vit. Të dhënat zyrtare të Ministrisë së Financave, tregojnë se përgjatë periudhës Janar-Prill 2024 të ardhurat nga akciza janë realizuar në masën 17.7 miliardë lekë, 1.7 miliardë lekë ose 10.4% më shumë se një vit më parë.
Por nëse do të bëjmë një analizë ndër vite për të njëjtën periudhë, vihet re së të hyrat në buxhet nga ky zë janë rritur në mënyrë progresive në 5 vitet e fundit, ku në 2020 regjistroheshin në 12.6 miliard lekë , duke arritur në shifrën rekord të 17.7 miliardë lekëve gjatë 4 mujorit të parë të këtij viti.
Rritja e të ardhurave nga akciza ka ndodhur për shkak të disa arsyeve. Së pari është rritur djeshëm ndër vite importi i produkteve të akcizës si karburanti, kafeja, birra dhe duhani, për shkak edhe të zhvillimeve pozitive të sezonit të turizmit, ku vitin e kaluar u arrit një bum vizitorësh në afro 10 milionë, çka ka sjellë dhe rritjen e konsumit të këtyre produkteve. Duke shtuar këtu edhe prodhimin vendas të verës, birrës dhe pijeve alkoolike.
Nga ana tjetër, në janar të 2023-shit, qeveria vendosi të unifikojë akcizën në nivelin prej 710 lekë/Hl për prodhuesit e birrës dhe pijeve alkoolike vendase dhe të huaja. Prodhimi i vendit para ndryshimeve fiskale ka qenë i tarifuar me 360 lekë/HL për prodhuesit nën 200,000 Hl, ndërsa për prodhimin mbi këtë nivel akciza ishte 710 lekë.
Duke qenë se shumica e fabrikave nuk e arrijnë pragun në 200 mijë HL, ka bërë që e gjithë kjo kategori të paguajë thuajse dyfishin e vlerës për më shumë se një vit, çka është reflektuar në të ardhura. Vendimmarrje e cila është paditur nga grupet e interesit dhe aktualisht është marrë në shqyrtim nga Gjykata Kushtetuese, ku dhe është zhvilluar seanca e parë.
Nga ana tjetër për produktet e duhanit, për periudhën 2022-2026 aplikohet rritje çdo vit, sipas një skedulimi të caktuar, të parashikuar në ligjin e akcizave. Të gjitha këto faktorë kanë bërë që akciza të zërë gjithnjë e më shumë peshë në të ardhurat buxhetore.
Elisabeta Dosku/ SCAN
Sondazh
Planet e menaxhimit të zonave të mbrojtura - AKZM hap tenderët për Malin e Tomorrit dhe Liqenin e Shkodrës
Me një fond limit prej 25 mln lekë, Agjencia Kombëtare e Zonave të Mbrojtura ka hapur 2 tenderë për hartimin e Planit të Integruar të Menaxhimit të Parkut......
Nga inxhinierët, te ekonomistët. Tregu kërkon punonjës - AKPA për një muaj liston 1544 kërkesa pune. Cilat kategori dominojnë?
Mungesa e fuqisë punëtore tashmë po e shenjëstron edhe Shqipërinë. Por jo vetëm forca e krahut, vendet vakante të punës po shpallen edhe për “trurin”. Referuar......
Raporti gjinor, sa femra ka për 100 meshkuj? - Në Shqipëri mbizotëron gjinia femërore. Malta ka mungesa
Në vitin 2023, në Bashkimin Europian kishte 229 milionë femra dhe 219 milionë meshkuj. Kjo korrespondon me një raport prej 104.6 femra për 100 meshkuj, që do......
Shqipëria forcon tregtinë e jashtme me rajonin - Eksportet u rritën me të gjitha vendet, përveç Malit të Zi dhe Kosovës
Të dhënat e tregtisë së jashtme për muajin prill të këtij viti tregojnë një rritje të importeve dhe eksporteve si në vlerë, ashtu edhe në peshë. Referuar......
Pastrimi i parave, ulen rastet e dyshimta - Raporti i AIF: Bankat dhe noterët, subjektet që raportojnë më tepër
Në vitin 2023 u shënua një ulje e raportimeve për aktivitete të dyshimta që lidhen me pastrimin e parave dhe financimin e terrorizmit. Sipas raportit vjetor të......
Ndërtimi i korridorit adriatiko-jonian - Nga projektimi, te ndërtimi. Fazat ku ndodhen segmentet në territorin shqiptar
Korridori Adriatiko-Jonian është konsideruar si një nga prioritetet e qeverisë shqiptare, teksa ndërtimi i segmenteve të tij është në faza të ndryshme, ku disa......
1.4 trilionë dollarë investime nga miliarderët japonezë - Bankat dhe brokerat në Japoni po i drejtohen menaxhimit të pasurisë
Ultra të pasurit japonezë do të investojnë 1.4 trilionë dollarë më shumë deri në 2030, duke kontribuar kështu me 30% në rritjen e vlerës së aktiviteteve. Sipas......
Marrëveshjet kufitare të Britanisë së Madhe pas Brexit do të kushtojnë 6 miliardë dollarë!
Qeveria britanike vlerëson se do të shpenzojë të paktën 4.7 miliardë paund (6 miliardë dollarë) për zbatimin e marrëveshjeve kufitare pas Brexit, pas vonesave......
