Pastrimi i parave, ulen rastet e dyshimta - Raporti i AIF: Bankat dhe noterët, subjektet që raportojnë më tepër
Në vitin 2023 u shënua një ulje e raportimeve për aktivitete të dyshimta që lidhen me pastrimin e parave dhe financimin e terrorizmit. Sipas raportit vjetor të Agjencisë së Inteligjencës Financiare, subjektet kanë dërguar 1,728 raporte të aktivitetit të dyshimtë pranë kësaj agjencie, shifër që është ulur lehtë krahasuar me vitin 2022.
Bankat, noterët dhe shoqëritë e transfertave, përbëjnë numrin më të madh të subjekteve që kanë raportuar për aktivitete të dyshimta. Megjithatë, rastet e dyshimta për pastrim parash të raportuara nga noterët kanë pësuar një ulje të dukshme në krahasim me 2022-in duke shkuar nga 735 në 516 një vit më parë.
Investimi në pasuri të paluajtshme me vlera të larta, me burim të paqartë, të panjohur apo të pajustifikuar të fondeve; blerja e pasurive të luajtshme luksi si automjete në vlera të larta, bizhuteri, ora e të tjera, jo në përputhje me kapacitetin financiar të klientit; veprime, transaksione, investime për të cilat ka dyshime për mashtrime të mundshme, si dhe tërheqjet në vlera të larta, pa argumente të besueshme për arsyen e këtyre veprimeve, janë disa nga treguesit e aktiviteteve të dyshimta.
Agjencia e Inteligjencës Financiare analizon informacione dhe të dhëna lidhur me pastrimin e parave, vepra penale ose veprimtari kriminale që prodhojnë produkte të veprës penale dhe financim të terrorizmit, të cilat më pas i dërgon për hetime të mëtejshme në Prokuroritë e juridiksionit të përgjithshëm, SPAK apo Drejtorinë e Përgjithshme të Policisë së Shtetit, me qëllim parandalimin e tyre.
Shumica e rasteve i janë dërguar Policisë së Shtetit, si organi ligjzbatues kryesor në vend dhe i specializuar për kryerjen e veprimeve hetimore. Ndër rastet e dërguara në Prokurori, 57% e totalit janë dërguar në Prokurorinë e Posaçme dhe rreth 23% në Prokurorinë e Tiranës. Ndërkohë që 18 raste janë dërguar në Drejtorinë e Përgjithshme të Tatimeve në lidhje me dyshime për evazion fiskal, fshehje të ardhurash apo shkelje të tjera të legjislacionit tatimor.
Edhe për vitin 2023, numrin më të lartë të veprimtarive kriminale, për të cilat është bërë i mundur identifikimi i lidhjes me veprën e origjinës e zënë krimet në fushën narkotike, mashtrimi, rastet kur personat kanë pasur precedentë të mëparshëm kriminal apo procedim të mëparshëm.
Shqipëria doli nga lista gri e Task Forcës për Veprim Financiar, FATF dhe MONEYVAL në 2023-in. Ndërsa këtë vit pritet që të hartohet strategjia kombëtare për parandalimin e pastrimit të parave dhe financimit të terrorizmit 2024-2030 dhe synohet përafrimi i kuadrit ligjor shqiptar për parandalimin e tyre, me direktivat e BE dhe standardet më të mira ndërkombëtare.
Ledina Elezi/SCAN
Sondazh
Ndërtimi i korridorit adriatiko-jonian - Nga projektimi, te ndërtimi. Fazat ku ndodhen segmentet në territorin shqiptar
Korridori Adriatiko-Jonian është konsideruar si një nga prioritetet e qeverisë shqiptare, teksa ndërtimi i segmenteve të tij është në faza të ndryshme, ku disa......
1.4 trilionë dollarë investime nga miliarderët japonezë - Bankat dhe brokerat në Japoni po i drejtohen menaxhimit të pasurisë
Ultra të pasurit japonezë do të investojnë 1.4 trilionë dollarë më shumë deri në 2030, duke kontribuar kështu me 30% në rritjen e vlerës së aktiviteteve. Sipas......
Marrëveshjet kufitare të Britanisë së Madhe pas Brexit do të kushtojnë 6 miliardë dollarë!
Qeveria britanike vlerëson se do të shpenzojë të paktën 4.7 miliardë paund (6 miliardë dollarë) për zbatimin e marrëveshjeve kufitare pas Brexit, pas vonesave......
Shqetësimet për rritjen e borxhit global - Ish-shefi i BQE-së, Trichet, paralajmëron se sistemi financiar është i brishtë
Sistemi financiar botëror është sot më i brishtë se në kohën e falimentimit të Lehman Brothers, paralajmëron Jean-Claude Trichet, presidenti i parë i Bankës......
20 herë më e shpejtë se 5G? Japonia zbulon pajisjen e parë 6G në botë!
Teknologjia ka përparuar ndjeshëm ndërsa lidhja e internetit është përmirësuar në mbarë botën. Ai mundëson që pajisjet dhe aplikacionet tona të bëhen më......
Jeff Bezos rifillon turizmin hapësinor të ndërprerë në vitin 2022!
Kompania hapësinore e Jeff Bezos, Blue Origin nisi të dielën një ekuipazh prej gjashtë personash në hapësirë, duke rifilluar biznesin e saj qendror të turizmit......
Polonia investon 2.2 miliardë euro për përforcimin e kufirit me Rusinë dhe Bjellorusinë!
Polonia po investon rreth 2.2 miliardë euro për të rritur sigurinë dhe parandalimin përgjatë kufirit të saj me Rusinë dhe Bjellorusinë, njoftoi të shtunën......
Tregjet më të mira dhe më të këqija të pronave në Europë: Ku të investoni në 2024-ën?
Kur bëhet fjalë për investime në pasuri të paluajtshme, rendimenti ose yield-i i qirasë i përcaktuar si kthimi vjetor nga dhënia me qira e një prone është një......
