Shqipëri-SHBA, krah për krah/ Nufi pret ambasadorin e SHBA. Në fokus, infrastruktura dhe kapacitetet strategjike
Ministri i Mbrojtjes, Ermal Nufi, ka pritur në Tiranë ambasadorin e ri të Shteteve të Bashkuara të Amerikës në Shqipëri, Eric Wendt, në kuadër të angazhimit për forcimin e bashkëpunimit mes dy vendeve në fushën e mbrojtjes dhe sigurisë.
Përmes një reagimi në rrjetet sociale, Nufi i ka uruar mirëseardhjen ambasadorit Wendt, duke e cilësuar Shtetet e Bashkuara si një partner të pazëvendësueshëm për Shqipërinë në çështjet e mbrojtjes dhe sigurisë.
Sipas ministrit, Shqipëria kontribuon në këtë partneritet përmes pozicionit të saj strategjik, besueshmërisë dhe vullnetit për të bashkëpunuar me aleatët.
Në fokus të bashkëpunimit janë edhe infrastruktura dhe kapacitetet strategjike të Shqipërisë. Nufi ka veçuar Korridorin VIII, Porto Romanon, Bazën Ajrore të Kuçovës dhe kapacitetet për Mbështetjen e Vendit Pritës, të cilat, sipas tij, forcojnë arkitekturën e sigurisë dhe lëvizshmërinë e Aleancës në Evropën Juglindore.
Ministri ka theksuar gjithashtu kontributin e Shqipërisë në misionet dhe nismat ndërkombëtare për paqen dhe sigurinë, duke përmendur mbështetjen për Ukrainën, praninë e Forcave të Armatosura shqiptare në KFOR, si dhe pjesëmarrjen në iniciativa shumëkombëshe.
Në deklaratën e tij, Nufi ka përmendur edhe vendimin për pjesëmarrjen e Shqipërisë në Forcën Ndërkombëtare të Stabilizimit në Gaza. “Nga mbështetja për Ukrainën dhe prania në KFOR, tek shumë iniciativa shumëkombëshe, apo vendimi për pjesëmarrjen në Forcën Ndërkombëtare të Stabilizimit në Gaza – Shqipëria dëshmon se është tashmë një aleate e besuar dhe e aftë të kontribuojë për sigurinë dhe paqen”, është shprehur Nufi.
Në përfundim të mesazhit të tij, ministri theksoi rëndësinë e marrëdhënieve shqiptaro-amerikane, duke deklaruar: “Me Shtetet e Bashkuara, Shqipëria qëndron krah për krah – për lirinë, sigurinë dhe paqen”.
“Garazhi” i trenave/ Depoja e Durrësit kthehet në bazë moderne mirëmbajtjeje
Trenat që do të qarkullojnë në aksin Tiranë–Durrës–Rinas do të kenë në Durrës bazën e tyre kryesore të mirëmbajtjes. Depoja ekzistuese në zonën e Plazhit do......
Shumëkombëshet në “radar”/ Tatimet, raportim “vend për vend” dhe shkëmbim automatik të të dhënave
Administrata tatimore pritet të ketë akses më të gjerë në informacionin financiar të grupeve shumëkombëshe që ushtrojnë aktivitet në Shqipëri. Projektligji......
Energjia, ankesat bëhen online/ ERE, platformë ku qytetarët ndjekin në kohë reale çdo praktikë
Trajtimi i ankesave të konsumatorëve të energjisë dhe gazit pritet të kalojë nga Excel-i dhe komunikimet fizike në një sistem tërësisht digjital. Enti......
Investimet rrisin vlerën/ Çfarë pritet të ndodhë me pronat në jug?
Zona të caktuara në Vlorë, Tiranë dhe Himarë mund të përjetojnë rritje të ndjeshme të çmimeve të pronave në vitet e ardhshme. Sipas një studimi të Investropa,......
BE “hap derën” për Malin e Zi/ Von der Leyen: Anëtarësimi është i arritshëm në vitin 2028
Mali i Zi po avancon drejt Bashkimit Evropian dhe objektivi për t'u bërë pjesë e bllokut në vitin 2028 mbetet në qendër të agjendës së qeverisë në Podgoricë.......
Bulmeti, rekord nga jashtë/ Italia dhe Hungaria, furnizuesit kryesorë. Importet arrijnë kulmin në Gusht
Shqipëria ka regjistruar në gusht të vitit 2026 një rekord të ri historik në sasinë e importeve të produkteve të bulmetit, vezëve dhe mjaltit. Të dhënat e......
Pagesat, me rregulla të reja/ Përveç bankave, projektrregullorja e re e BSH përfshin edhe institucionet e pagesave
Dy projektrregullore të reja të Bankës së Shqipërisë parashikojnë ndryshime në mënyrën e funksionimit të sistemeve të pagesave AIPS dhe AIPS EURO, duke sjellë......
Çfarë ndryshon me pagesat? BSH përgatit projektrregulloren për transfertat e menjëhershme me TIPS Clone
Një sistem i ri për pagesat e menjëhershme pritet të ndryshojë mënyrën se si kryhen transfertat bankare në Shqipëri. Banka e Shqipërisë po përcakton rregullat......
