Këshilli i Ministrave miraton projektligjin “Për tregjet e kripto-aseteve”, hartuar nga AMF harmonizuar me kuadrin evropian të financave digjitale
Këshilli i Ministrave, në mbledhjen e datës 2 tetor 2026 miratoi projektligjin “Për Tregjet e Kripto-Aseteve”, hartuar nga Autoriteti i Mbikëqyrjes Financiare. Projektligji synon të vendosë një kuadër të plotë rregullator për emetimin e kripto-aseteve dhe ofrimin e shërbimeve të lidhura me to, si dhe të sigurojë përafrimin e plotë të Shqipërisë me acquis të Bashkimit Evropian në fushën e financave digjitale. Në thelb, ai transpozon Rregulloren (BE) 2023/1114, të njohur si MiCA, dhe krijon një bazë të qartë ligjore për një treg që deri më sot ka qenë vetëm pjesërisht i mbuluar nga kuadri ekzistues.
Shtyllat kryesore të projektligjit janë transparenca, mbrojtja e investitorit, integriteti i tregut, mbikëqyrja efektive dhe harmonizimi me standardet evropiane. Projektligji rregullon jo vetëm emetimin e kripto-aseteve dhe tokenave të parasë elektronike, por edhe shërbime si operimi i platformave të tregtimit, kujdestaria, këmbimi, ekzekutimi dhe transmetimi i urdhrave, këshillimi, transfertat dhe administrimi i portofolit të kripto-aseteve. Ai vendos gjithashtu kërkesa të qarta për kapitalin minimal, qeverisjen korporative, menaxhimin e konfliktit të interesit, sigurinë kibernetike dhe operacionale, transparencën e dokumentit informues dhe masat kundër abuzimit me tregun dhe pastrimit të parave.
Projektligji i ri kalon nga një kuadër i fragmentuar në një regjim të plotë, funksional dhe të harmonizuar me standardet e BE-së në përputhje me rregulloren MiCA. Ky është dallimi kryesor pasi nuk kemi vetëm zgjerim të aktiviteteve të rregulluara, por ndërtohet një arkitekturë e re rregullatore që vendos në qendër sigurinë juridike, mbrojtjen e investitorit dhe mbikëqyrjen efektive të tregut.
Projektligji “Për Tregjet e Kripto-Aseteve” parashikon një regjim të diferencuar rregullator për kategoritë e ndryshme të kripto-aseteve, duke i trajtuar ato sipas natyrës së tyre, funksionit ekonomik dhe nivelit të rrezikut që paraqesin për investitorët, tregun dhe stabilitetin financiar.
Me projektligjin e ri në kuadër të përafrimit të Shqipërisë me Bashkimin Evropian, synohet krijimi i një kuadri më të qartë dhe të harmonizuar me standardet e BE-së. Në këtë mënyrë, licencimi i operatorëve në këtë sektor do të zhvillohet mbi një bazë ligjore dhe rregullatore më të avancuar, të sigurt dhe të konsoliduar.
Shqipëri-SHBA, krah për krah/ Nufi pret ambasadorin e SHBA. Në fokus, infrastruktura dhe kapacitetet strategjike
Ministri i Mbrojtjes, Ermal Nufi, ka pritur në Tiranë ambasadorin e ri të Shteteve të Bashkuara të Amerikës në Shqipëri, Eric Wendt, në kuadër të angazhimit......
“Garazhi” i trenave/ Depoja e Durrësit kthehet në bazë moderne mirëmbajtjeje
Trenat që do të qarkullojnë në aksin Tiranë–Durrës–Rinas do të kenë në Durrës bazën e tyre kryesore të mirëmbajtjes. Depoja ekzistuese në zonën e Plazhit do......
Shumëkombëshet në “radar”/ Tatimet, raportim “vend për vend” dhe shkëmbim automatik të të dhënave
Administrata tatimore pritet të ketë akses më të gjerë në informacionin financiar të grupeve shumëkombëshe që ushtrojnë aktivitet në Shqipëri. Projektligji......
Energjia, ankesat bëhen online/ ERE, platformë ku qytetarët ndjekin në kohë reale çdo praktikë
Trajtimi i ankesave të konsumatorëve të energjisë dhe gazit pritet të kalojë nga Excel-i dhe komunikimet fizike në një sistem tërësisht digjital. Enti......
Investimet rrisin vlerën/ Çfarë pritet të ndodhë me pronat në jug?
Zona të caktuara në Vlorë, Tiranë dhe Himarë mund të përjetojnë rritje të ndjeshme të çmimeve të pronave në vitet e ardhshme. Sipas një studimi të Investropa,......
BE “hap derën” për Malin e Zi/ Von der Leyen: Anëtarësimi është i arritshëm në vitin 2028
Mali i Zi po avancon drejt Bashkimit Evropian dhe objektivi për t'u bërë pjesë e bllokut në vitin 2028 mbetet në qendër të agjendës së qeverisë në Podgoricë.......
Bulmeti, rekord nga jashtë/ Italia dhe Hungaria, furnizuesit kryesorë. Importet arrijnë kulmin në Gusht
Shqipëria ka regjistruar në gusht të vitit 2026 një rekord të ri historik në sasinë e importeve të produkteve të bulmetit, vezëve dhe mjaltit. Të dhënat e......
Pagesat, me rregulla të reja/ Përveç bankave, projektrregullorja e re e BSH përfshin edhe institucionet e pagesave
Dy projektrregullore të reja të Bankës së Shqipërisë parashikojnë ndryshime në mënyrën e funksionimit të sistemeve të pagesave AIPS dhe AIPS EURO, duke sjellë......
