Sezoni "fatlum" i strukturave akomoduese/ U rritën me 7.6% në vitin 2022, rajoni i qendrës 'strehoi' më shumë turistë
Numri i lartë i vizitorëve të huaj që zgjodhën vendin tonë për të pushuar ka nxitur sipërmarrësit të investojnë në sektorin e hotelerisë duke rritur kështu numrin e bizneseve që kanë aktivitet kryesor akomodimin.
‘Scan Intel’ ka analizuar të dhënat e “Vjetarit Rajonal Statistikor” për të kuptuar qasjen e secilit qark në Shqipëri përsa i përket hotelerisë dhe kushteve të akomodimit për vendasit dhe të huajt. Analiza merr në shqyrtim të dhënat e vitit 2020 deri në vitin 2022.
Në shifra konkrete, gjatë kësaj periudhe në të gjithë vendin funksionuan mesatarisht 1,502 struktura akomoduese, duke konstatuar kështu një rritje me 7.6% krahasimisht me vitin 2020. Por si paraqitet situata në 12 qarqet e vendit? Referuar së njëjtës periudhë kohore, pra vitit 2020-2022 qarku me numrin më të lartë të strukturave akomoduese që përfshijnë hotele, motele, kampe, bujtina etj, rezulton të jetë qarku i Tiranës, më pas ai i Vlorës, Shkodrës dhe Durrësit. Ndërkohë, më pak turistë kanë pritur dhe strehuar qarku i Fierit, Kukësit dhe Dibrës, megjithëse ky i fundit regjistron rritjen vjetore më të lartë me 83.3%, krahasuar me vitin 2020.
Nga ana tjetër, përsa i përket numrit mesatar të dhomave të disponueshme sipas rajonit, shifrat tregojnë se disponibiliteti më i lartë ka qenë në rajonin e Qendrës me 292,403 dhoma përkatësisht, më pas renditet rajoni i Jugut me 217,200 dhoma dhe rajoni i Veriut me 185,679 dhoma të disponueshme. Rajoni i Qendrës kryeson mbi dy rajonet e tjera edhe përsa i përket numrit të shtretërve. Numri mesatar i shtretërve të disponueshëm për vizitorë gjatë vitit 2022 në këtë rajon ishte afërsisht 628,000 dhe norma e shfrytëzimit të tyre ishte 20.5%. Krahasuar me rajonin e Veriut dhe Jugut kjo normë regjistrohet si norma më e lartë.
Por si u shfrytëzuan këto dhoma nga turistët qofshin këta të huaj apo edhe vendas? Efektiviteti më i lartë i menaxhimit dhe zënies së dhomave u arrit në rajonin e Qendrës dhe atë të Jugut, ku janë rezervuar rreth 20% e dhomave në secilin rajon respektivisht. Ndërkohë, në rajonin e Veriut janë pronotuar 16% e dhomave.
Sondazh
Dhjetori konfirmon zbutjen e inflacionit/ Norma arriti pranë 4.8%, por zarzavatet akoma me rritje dyshifrore
Gjatë muajit të fundit të vitit të kaluar, inflacioni ka vijuar tendencat rritëse, duke u ngjitur pranë 4%, sinjalizojnë shifrat më të fundit nga Instituti i......
Shqiptarët, mes Tiranës dhe qyteteve bregdetare/ Vetëm tre qarqe me shtesë pozitive, pjesa tjetër po "tkurren"
Migrimi i brendshëm është një fenomen shoqëror përmes të cilit njerëzit zhvendosen nga vendi i tyre i origjinës në një vend tjetër brenda të njëjtit shtet.......
Në Shqipëri, gati 1 në 4 banorë është pensionist/ Gjirokastra më e plakura, Kukësi dhe Tirana janë qarqet më të reja
Treguesit demografikë flasin për rënie të numrit të lindjeve dhe plakje të popullsisë së vendit nga viti në vit, duke prodhuar kështu më shumë pensionistë.......
Energjia e rinovueshme, 44% e totalit/ Rritet krahasuar me vitin 2021, mbetemi të parët në rajon
Publikimi i “Agjencisë Europiane të Statistikave” mbi statistikat e energjisë së rinovueshme tregon se energjia që vjen nga burimet e rinovueshme paraqitet në......
Depozitat i rikthehen rënies/ Tkurren në Nëntor me 10 miliardë lekë, "përgjegjëse" janë kursimet në valutë
Sipas të dhënave zyrtare të publikuara nga Banka e Shqipërisë paraja e gjerë i është rikthyer rënies në muajin Nëntor të këtj viti, pas një rritje në Tetor. Në......
"Gara e kuzhinës" si renditet Shqipëria? “TasteAtlas”: E 90-ta në botë, vlerësohemi me 3.9 yje. Italia mban 'kurorën'
“TasteAtlas”, një udhëzues me përvojë për ushqimin tradicional që mbledh receta autentike, komente të kritikëve të ushqimit dhe artikuj kërkimor rreth......
Më pak lodra se një vit më parë/ Bie importi me 7% gjatë 11-mujorit, Kina zë rreth 84% të peshës
Periudha e festave ndikon në importin e produkteve të caktuara dhe sidomos në tregun e lodrave dhe produkteve piroteknike. Tregu i tyre pëson një rritje të......
PBB ngjitet me 3.46% në tremujorin e tretë/ "Adminstrata Publike " dhe "Real Estate" stimuluan rritjen ekonomike
Ekonomia në vendin tonë përgjatë vitit 2023 pati një performancë pozitive që u stimulua nga rritja e të ardhurave në sektorët kryesorë të saj, megjithëse është......
