Dhjetori konfirmon zbutjen e inflacionit/ Norma arriti pranë 4.8%, por zarzavatet akoma me rritje dyshifrore
Gjatë muajit të fundit të vitit të kaluar, inflacioni ka vijuar tendencat rritëse, duke u ngjitur pranë 4%, sinjalizojnë shifrat më të fundit nga Instituti i Statistikave. Kujtojmë se përgjatë vitit 2023, trajektorja rënëse e inflacionit ka nisur që prej muajit Mars, kur zbriti pranë 5.3%, pas një serie të gjatë muajsh në rritje për të ardhur në muajin Tetor ku norma e inflacionit ishte edhe më e ulta për vitin 2023. Në Tetor norma e inflacionit arriti në 3.8%, por gjatë muajit Nëntor dhe Dhjetor të vitit 2023 tendenca ishte në rritje. Në harkun kohor të një viti duket se çmimet po normalizohen pasi po të rikujtojmë normën e inflacionin në muajin Dhjetor të vitit 2022, ky ndryshim ishte 7.4%. Ndryshimi mujor i indeksit të çmimeve të konsumit në muajin Dhjetor 2023, krahasuar me Nëntor 2023 është 0.5%. Përgjatë të gjithë vitit 2023, norma e inflacionit fiksohet pranë 4.8%, nga 6.7% që ishte gjatë vitit pararendës. Megjithëse në rënie, duket se inflacioni në vendin tonë po zbutet më ngadalë se në vendet e Europës duke kaluar mbi mesataren e Bashkimit Europian.
Kontributin kryesor në rritjen e çmimeve përgjatë dhjetorit e kanë dhënë “ushqimet dhe pijet joalkoolike”, me 2.38 pikë përqindje, ndjekur nga grupi “Qira, ujë, lëndë djegëse dhe energji”, me 0.51 pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” ndikuan me 0.34 pikë përqindje, grupi “Pije alkoolike dhe duhan” me 0.21 pikë përqindje, ndërsa grupi “Hotele, kafene dhe restorante” me 0.20 pikë përqindje. Nga të dhënat duket se vetëm çmimet e grupit “Transporti” kanë kontribuar negativisht me 0.21 pikë përqindje.
Krahasuar me muajin Dhjetor 2022, rritja më e madhe e çmimeve vërehet në grupin “Ushqime dhe pije joalkoolike” me 6.7%, pasuar nga grupet “Argëtim dhe kulturë” me 5.4%, “Mobilje, pajisje shtëpie dhe mirëmbajtje e shtëpisë” me 4.6%, “Hotele, kafene dhe restorante” me 4.4%, “Pije alkoolike dhe duhan” me 4.3%. Po ashtu grupi “Mallra dhe shërbime të ndryshme” u rrit me 3.4%, “Veshje dhe këpucë” me 3.0%, “Qira, ujë, lëndë djegëse dhe energji” me 2.6%, “Shërbimi arsimor” me 2.3%, “Shëndeti” me 1.2% dhe “Komunikimi” me 0.3%. Nga ana tjetër, çmimet e grupit “Transporti” shënuan ulje me 3.3%. Brenda grupit të ushqimeve çmimet e nëngrupit “zarzavate përfshirë patatet” u rritën me 20.8%, pasuar nga nëngrupet “fruta” me 10.9%, “qumësht, djathë dhe vezë” me 6.7%, “mish” me 5.5%, “sheqer, recel, mjaltë, çokollata dhe mbëlsira” me 2.7%, “peshk” me 2.4%, etj.
Nga analiza e detajuar e shifrave ndërkohë, rezulton se në Dhjetor të vitit 2023, grupi “Argëtim dhe Kulturë” dhe grupi “Shëndetësi” kanë regjistruar nivel më të lartë çmimesh se një vit më parë. Në dhjetor të vitit 2022 çmimet për grupin “Argëtim dhe Kulturë” rriteshin me 1.3%, ndërsa në dhjetor të vitit 2023 norma e inflacionit për këtë grup regjistrohet në 5.4%. Sa i përket shëndetësisë, në dhjetor të vitit 2022 çmimet rriteshin me 1.1%, ndërsa në dhjetor të vitit 2023 norma e inflacionit për këtë grup regjistrohet në 1.2%.
Sondazh
Shqiptarët, mes Tiranës dhe qyteteve bregdetare/ Vetëm tre qarqe me shtesë pozitive, pjesa tjetër po "tkurren"
Migrimi i brendshëm është një fenomen shoqëror përmes të cilit njerëzit zhvendosen nga vendi i tyre i origjinës në një vend tjetër brenda të njëjtit shtet.......
Në Shqipëri, gati 1 në 4 banorë është pensionist/ Gjirokastra më e plakura, Kukësi dhe Tirana janë qarqet më të reja
Treguesit demografikë flasin për rënie të numrit të lindjeve dhe plakje të popullsisë së vendit nga viti në vit, duke prodhuar kështu më shumë pensionistë.......
Energjia e rinovueshme, 44% e totalit/ Rritet krahasuar me vitin 2021, mbetemi të parët në rajon
Publikimi i “Agjencisë Europiane të Statistikave” mbi statistikat e energjisë së rinovueshme tregon se energjia që vjen nga burimet e rinovueshme paraqitet në......
Depozitat i rikthehen rënies/ Tkurren në Nëntor me 10 miliardë lekë, "përgjegjëse" janë kursimet në valutë
Sipas të dhënave zyrtare të publikuara nga Banka e Shqipërisë paraja e gjerë i është rikthyer rënies në muajin Nëntor të këtj viti, pas një rritje në Tetor. Në......
"Gara e kuzhinës" si renditet Shqipëria? “TasteAtlas”: E 90-ta në botë, vlerësohemi me 3.9 yje. Italia mban 'kurorën'
“TasteAtlas”, një udhëzues me përvojë për ushqimin tradicional që mbledh receta autentike, komente të kritikëve të ushqimit dhe artikuj kërkimor rreth......
Më pak lodra se një vit më parë/ Bie importi me 7% gjatë 11-mujorit, Kina zë rreth 84% të peshës
Periudha e festave ndikon në importin e produkteve të caktuara dhe sidomos në tregun e lodrave dhe produkteve piroteknike. Tregu i tyre pëson një rritje të......
PBB ngjitet me 3.46% në tremujorin e tretë/ "Adminstrata Publike " dhe "Real Estate" stimuluan rritjen ekonomike
Ekonomia në vendin tonë përgjatë vitit 2023 pati një performancë pozitive që u stimulua nga rritja e të ardhurave në sektorët kryesorë të saj, megjithëse është......
Mjetet për pasagjerë, cili qark kryeson?/ Durrësi ka numrin më të lartë për banorë, Dibra me rritjen më të lartë vjetore
Historiku i statistikave të mjeteve rrugore reflekton një rritje të numrit të automjeteve në vendin tonë nga viti në vit, duke na lënë të kptojmë se Shqipëria......
