Rikthimi i Virusit të Nilit në Shqipëri, Ministria e Shëndetësisë: Qendroni të qetë, por vigjilentë
Pas më shumë se një dekadë, në Shqipëri është rikthyer Virusi i Nilit Perëndimor. Deri më tani, numri i të infektuarve ka arritur në 17 ndërsa janë shënuar edhe 3 viktima.
Ministria e Shëndetësisë iu ka bërë thirrje qytetarëve të qëndrojnë të qetë, por vigjilentë dhe të bëjnë kujdes duke përdorur elementë për largimin e mushkonjave.
“Çdo individ apo biznes duhet të pastrojë mbeturinat apo plehrat që janë përthithëse të këtyre mushkonjave duke favorizuar dhe shtimin e tyre. Higjena dhe kujdesi personal duhet t’i bashkohet procesit të dezinsektimit” deklaroi Silvana Bino.
Infeksioni nga virusi i Nilit Perëndimor transmetohet kryesisht nga pickimet e mushkonjave të infektuara. 80% e njerëzve të infektuar nuk shfaqin simptoma, ndërsa 20% përjetojnë ethe dhe dhimbje.
Vetëm 1% zhvillojnë forma të rënda. MSHMS sëbashku me ISHP dhe Operatorin e Kujdesit Shëndetësor ka marrë masat duke kryer procesin e dezinsektimit dhe kryen monitorimin etomologjik periodik në të gjithë vendin. Mbroni veten dhe familjen tuaj!
Si transmetohet infeksioni nga virusi i Nilit Perëndimor?
Infeksioni te njeriu është kryesisht rezultat i pickimeve nga mushkonjat e infektuara, të cilat infektohen kur ushqehen me zogj të infektuar. Virusi qëndron në natyrë nëpërmjet një cikli transmetimi mushkonja-zogj-mushkonja. Zogjtë janë rezervuarët bartës të virusit. Kuajt, njësoj si njerëzit, janë bartës që pavaresisht se ata infektohen, nuk e përhapin direkt infeksionin. Deri më sot, nuk ka ndodhur asnjë transmetim i virusit nga njeriu tek njeriu përmes kontaktit rastësor apo nepermjet mushkonjave, dhe nuk është raportuar asnjë transmetim i virusit të Nilit Perëndimor te punonjësit e kujdesit shëndetësor kur janë zbatuar masa parandaluese standarde të kontrollit të infeksionit.
Çfarë shenjash ka infeksioni nga virusi i Nilit Perëndimor?
Infeksioni me virusin e Nilit Perëndimor është pa shenja në rreth 80% të njerëzve të infektuar. Vetëm rreth 20% e njerëzve të infektuar me virusin e Nilit Perëndimor zhvillojnë sëmundjen. Kur shfaqen shenjat ato përfshijnë: ethe, dhimbje koke, lodhje, dhimbje trupore, të përziera, të vjella, herë pas here skuqje të lëkurës dhe fryrje të gjëndrave limfatike.
Shenjat e sëmundjes së rëndë (si encefaliti, meningiti ose paraliza flakside akute) përfshijnë: dhimbje koke, temperaturë të lartë, ngurtësim të qafës, mpirje, çorientim, gjendje kome, dridhje, konvulsione, dobësi muskulore dhe paralizë.dhe shfaqen vetem ne 1% te personave te infektuar.
Forma të rënda të sëmundjes mund të shfaqen te njerëzit e çdo moshe, por personat mbi moshën 60 vjeç dhe personat me imunitet të ulët janë më të rrezikuar. Periudha e inkubacionit është zakonisht 3 ditë deri në 14 ditë.
Si vendoset diagnoza?
Virusi i Nilit Perëndimor mund të diagnostikohet me një sërë testesh duke analizuar lëngun e trunoshpinor,urinen, gjakun apo mostrat e serumit të marra nga pacientët e infektuar nga virusi i Nilit Perëndimor, në periudhën kur paraqesin shenja klinike.
Trajtimi
Nuk ka trajtim specifik për pacientët me sëmundjen që prek sistemin nervor, shkaktuar nga virusi i Nilit Perëndimor. Trajtimi është vetëm mbështetës dhe simptomatik.
Parandalimi
Kufizimi i rrezikut të infektimit te njerëzit
Në mungesë të një vaksine, e vetmja mënyrë për të zvogëluar infektimin e njerëzve është rritja e ndërgjegjësimit mbi faktorët e rrezikut, dhe edukimi i njerëzve për masat që duhet të ndërmarrin për të zvogëluar ekspozimin ndaj virusit.
Kontrolli i mushkonjave
Parandalimi efektiv i infeksionit nga virusi i Nilit Perëndimor te njeriu varet nga programet e kontrollit të integruar të mushkonjave në zonat ku ndeshet virusi.
Parandalimi i infeksionit në mjediset e kujdesit shëndetësor
Punonjësit e kujdesit shëndetësor që kujdesen për pacientët që dyshohet ose që konfirmohet se kanë infeksion të virusit të Nilit Perëndimor, ose që trajtojnë mostra prej tyre, duhet të zbatojnë masat e pergjithshmetë kontrollit të infeksionit.
Parandalimi i transmetimit të virusit në kuaj dhe zogj.
Meqenëse shpërthimet e virusit të Nilit Perëndimor në kafshë i paraprijnë infektimit të rasteve në njerëz, krijimi i një sistemi mbikëqyrës të shëndetit të kafshëve për zbulimin e rasteve të reja në zogj dhe kuaj, është thelbësor për paralajmërimin e hershëm të autoriteteve të shëndetit publik dhe veterinar.
Sondazh
E pavërteta e nitrateve tek perimet!
Shumë njerëz janë mësuar tashmë me aparate të vogla shtëpiake dhe të besueshme që bëjnë matje të sakta për funksionet jetike si ato të sheqerit në gjak,......
Eurozona sheh rënie në fushën e ndërtimit pasi kërkesa vijon të mbetet e dobët!
Edel Strazimiri / SCAN Industria e ndërtimit në eurozonë po vuan nga kërkesa e dobët që ka çuar në një sërë humbjesh të vendeve të punës dhe masa për......
“Bindni emigrantët që të rikthehen!” - Banka Botërore: Potencial për zhvillimin e teknologjisë në vend
Ledina Elezi/SCAN Profesionistët le të largohen, por nxitini më pas që të rikthehen, me qëllim që dijet e marra nga shtetet e huaja t'i zbatojnë në......
Organizohet për të tretin vit Panairi i Librit në Green Coast - Pjesëmarrje e lartë nga pushues vendas dhe të huaj
Adelina Onuzi/ SCAN Është organizuar për të tretin vit radhazi Panairi i Librit në Green Coast, në bashkëpunim me shtëpinë botuese “Albas”. Panairi i......
Ofertave turistike më të lira? - 3.63 mln shqiptarë, pushime jashtë vendit në 6 muaj
Hamit Yzeiraj/ Scan Numri i shqiptarëve që kanë zgjedhur të kalojnë pushimet jashtë vendit ka arritur nivele të larta. Sipas Instituit të Statistikave......
ATP miraton 13 dosje të reja aplikimi - Në total, fondi financiar arrin vlerën e 19.4 milionë lekëve
Diamila Leka/ Scan Agjencia e Trajtimit të Pronave ka përfunduar procesin e shqyrtimit administrativ të disa prej aplikimeve për kompesimin 100%......
Kampi i emigrantëve në Gjadër, gati më 1 shtator - “La Repubblica”: Më 20 gusht, testimi nga inxhinierët ushtarakë italianë
Ledina Elezi/SCAN Kampi në Gjadër të Lezhës për pritjen e emigrantëve, të cilët shpëtohen në Detin Mesdhe dhe kërkojnë azil në Itali, pritet të jetë......
Rrugët prioritare që po financohen - Raporti i MIE: Investimet zënë 37% të shpenzimeve kapitale
Ola Mitre /SCAN Investimet në rrugë zënë peshën kryesore të shpenzimeve kapitale në buxhetin e Ministrisë së Infrastruktrës dhe Energjisë, me 37% të......
