Rama-Balluku inspektojnë Thumanë-Kashar. Zv.Kryeministrja: Brenda qershorit kontrata për 3 segmentet e tjera. Shumë shpejt Milot-Balldren
Brenda muajit qershor do të hapet aksi i ri rrugor, Thumanë-Kashar që është aksi i parë i kategorisë A që ka Shqipëria. Ky aks është pjesë e Korridorit Blu.
Gjatë inspektimit në këtë autostradë me kryeministrin Edi Rama, zëvëndëskryeministrja dhe ministrja e Infrastrukturës Belinda Balluku bëri me dije se brenda këtij muaji do të ketë zhvillime të rëndësishme për segmentet e tjera të Korridorit Blu.
“I kemi thënë afatin firmës ndërtuese, që të jetë data 30 qershor. Jemi duke punuar me 12 shtruese. Pjesa më sfiduese që kemi tani është lidhja e nyjes së Kasharit, që është pjesa e fundit që jemi në fazw konstruksioni, ndërkohë që gjurma prej më shumë se 21 km ka përfunduar gjithë pjesën e stabilizantit. Sonte ne u futëm nga hyrja e Rinasit, pra mbikalimi nga Rinasi dhe këtu jemi në zonën e Laknasit në paralel dhe nga ana tjetër kemi Bërxullin. Me hapjen e kësaj (segmentit rrugor) realizohet dhe kthimi në Rinas dhe pastaj kemi hyrjen e Kasharit që shpërndan autostradën Tiranë-Durrës, duke pritur që këto ditë të jemi në përfundim të negociatës përsa i përket gjurmës tjetër, pra nga Kashari deri në Lekaj, duke e lidhur pastaj me gjithë gjurmën e re. Gjurma Kashar- Lekaj është tërësisht e re.” - shpjegoi zv/kryeministrja Balluku, e cila vijoi më tej me punët që po realizohen paralelisht.
Zëvëndëskryeministrja Balluku bëri me dije se janë tre kontrata që do të nënshkruhen këtë muaj për akset Kashar-Lekaj që është vazhdim i autostradës Thumanë-Kashar, aksi Lekaj-Fier si dhe aksi Thumanë-Milot.
Nënshkrimi i kontratave së shpejti i hap rrugë nisjes së punimeve. Ndërkohë, zëvëndëskryeministrja bëri me dije se po bëhet gati hapja e garës edhe për aksin Milot-Balldren për të nisur më pas edhe më aksin Balldren-Muriqan. Në këtë mënyrë, kompletohet edhe Korridori Blu.
“Tani janë 3 lote, 3 kontrata që lidhen në ditët në vazhdim para se të mbarojë muaji qershor, që janë Kashar- Lekaj, më pas Lekaj- Fier dhe ndërkohë vazhdojmë në veri të kësaj autostrade me Thumanë-Milot. Jemi gati për të hapur garën për Milot-Balldren, ndërkohë që këto 3 kontrata janë negociuar tashmë dhe janë gati t’u firmosur dhe për të filluar nga puna. Synimi ynë është që menjëherë pas asaj gare (Milot –Balldren) të hapet edhe gara për Balldren –Murriqan, duke e mbyllur kështu Korridorin Adriatiko-Jonian për pjesën e re, që ne kemi nisur. Milot -Balldren hapet në qershor, jemi gati me studimin e fizibilitetit dhe gjithçka tjetër. Duhet thënë që studimin e fizibilitetit ne e kemi pasur nga WBIF për të gjithë gjurmën. Në gjurmën e re që do të ndërtohet, pra nga Thumana në Milot kemi rrugët paralele për të ndërtuar.
Kjo është austostrada e parë e kategorisë A që kemi plotësisht dhe do të ndiqet edhe nga autostradat e tjera.
Ndërkohë kjo është ajo austostrada që do të dorëzohet me formën e plotë, pra jo thjeshtë me atë vijën e verdhë që janë vetëm në formën e kantierit, megjithatë do na duhet që të mbyllim dhe disa detaje të vogla. Duhet thënë që kemi pasur një gjeologji të mirë këtu, një gjeologji jo problematike. Nëse ecet me këto ritme besojmë që edhe ato segmente të tjera do t’i dorëzojmë brenda afateve më të shpejta.”- u shpreh Zv/kryeministrja dhe Ministrja e Infrastrukturës dhe Energjisë Belinda Balluku.
Paralelisht me Korridorin Blu do të vijojnë financimet për realizimin e Korridorit VIII Durrës - Pogradec, ku do të realizohet edhe lidhja me rrjetin europian të transportit Lindje - Perëndim, duke përmbyllur skeletin e infrastrukturës rrugore të Shqipërisë 2030, gati për t’u anëtarësuar në Bashkimin Europian
Sondazh
Ceno Klosi merr detyrën e zv. Ministrit në Ministrinë e Infrastrukturës dhe Energjisë
Pas gati tre vitesh në krye të Drejtorisë së Përgjithshme të Tatimeve, Ceno Klosi ka marrë një detyrë të re. Burime zyrtare konfirmojnë ai është emeruar......
Konferenca e Rrjetit Parlamentar “Gra të lira...”, Gjonaj: Shqipëria ka bërë përpjekje të vazhdueshme për të përmirësuar kuadrin ligjor dhe atë institucional
Në Tiranë është zhvilluar takimi e Rrjetit Parlamentar Gratë të Lira nga Dhuna dhe Komisionit për Barazi dhe MosDiskriminim, organizuar nga Kuvendi i......
Meloni, nga Shëngjini: Më 1 gusht hapen qendrat për emigrantët - Kryeministrja e Italisë: Krenare për zbatimin e marrëveshjes
Në datën 1 gusht do të jenë në funksion të plotë kampet e emigrantëve në Shëngjin dhe Gjadër. Kryeministrja italiane Giorgia Meloni dhe homologu i saj shqiptar......
Subvencionet nxisin formalizimin e sektorit bujqësor - Rreth 14.3% më shumë fermerë të regjistruar me NIPT
Numri i fermerëve të pajisur me NIPT në fund të vitit 2023, është 96,440 duke shënuar një rritje me 14.3% krahasuar me numrin e fermerëve të regjistruar një......
Në cilën fazë janë hetimet për bulmetin dhe ushqimet? - Koliqi: Çmimet janë rritur 38%. Biba: Vendimi kërkon kohë
Autoriteti i Konkurrencës është vendosur në qendër të kritikave nga deputetët e komisionit parlamentar të Ekonomisë dhe Financave, për shkak se nga 10......
Fjalimet e deputetëve do të zbardhen nga Inteligjenca Artificiale - Çdo ditë prodhohet mesatarisht 10 orë material audio
Fjalimet e deputetëve në Kuvendin e Shqipërisë do të zbardhen përmes inteligjencës artificiale. Projekti parashikon një platformë të re që transkripton të......
Mineralet shqiptare, 552 leje aktive në vitin 2023 - Gati 75% dominohet nga kromi dhe guri gëlqeror e mermeri
Numri i lejeve minerare mbeti thuajse i pandryshuar gjatë vitit 2023, në raport me një vit më parë. Sipas të dhënave nga Agjencia Kombëtare e Burimeve Natyrore......
Në cilin sektor u shtuan më shumë ndërmarrjet? - Ndërtimi mban rekord. Në tregti dhe bujqësi, rritja më e ulët e numrit të bizneseve
Numri i ndërmarrjeve aktive në fund të vitit 2023 rezulton të jetë rritur me 4.1%, krahasuar me një vit më parë, duke arritur në 130,338. Sipas të dhënave të......
