Qytetarët, kredi rekord në Maj - 8.2 miliardë lekë. Kursejmë në euro, por marrim kredi në lekë!
Pas nëj ngadalësimi të lehtë gjatë Prillit, muaji Maj ka sjellë një rritje të kreditimit nga bankat në vendin tonë. Kredia e re gjatë majit fiksohet pranë 23.66 miliardë lekëve, që është edhe niveli më i lartë që prej majit të vitit 2016, kur kredia e re për ekonominë fiksohej pranë 24.1 miliardë lekëve. Krahasuar me Majin e një viti më parë ndërkohë, kredia e re është rritur me 9.4%, ndërkohë që 12 muaj më parë fiksohej pranë rreth 21.6 miliardë lekëve.
Kredia e re për biznesin ka regjistruar gjithashtu rritje gjatë Majit, me 13.4% në terma vjetorë, duke u ngjitur pranë 15.4 miliardë lekëve. Ky është niveli më i lartë që prej Majit të vitit 2019, kur kredia e re fiksohej në 17.2 miliardë lekë. Në muajin Maj të vitit të kaluar ndërkohë, vlera e kredisë së re në lekë ishte 13.5 miliardë lekë.
Sa i përket monedhës, kredia e re, si për biznesin, ashtu edhe për individët gjatë majit ka një rritje të ndjeshme në lekë, dhe rënie në euro, që është efekt jo i vetëm i konvertimit në lekë për arsye statistikore, por edhe i vetë goditjes që ka marrë monedha e përbashkët europiane në tregun vendas gjatë muajve të fundit.
Por, ajo që bie më së shumti në sy nga shifrat është kredia e re për individët, që ka prekur një rekord të ri historik, me plot 8.2 miliardë lekë kredi gjatë majit. Asnjëherë më parë në 7 vitet pararendëse kjo shifër nuk ka qënë mbi këto nivele. Rekordi i mëparshëm mbahej nga Maji i vitit të kaluar, pranë 7.7 miliardë lekëve. Këtë vit ndërkohë, rritja fiksohet pranë 7.3% krahasuar me vitin e mëparshëm.
Sa i përket kredisë për blerje banese për individët, në euro dhe në lekë në total fiksohet pranë 4.2 miliardë lekëve në Maj, shumë pranë rekordit historik të vendosur në Maj të vitit të kaluar, pranë 4.3 miliardë lekëve. Por, për kredinë e re për blerje banese në lekë kemi një rekord të ri historik, pranë 2.6 miliardë lekëve , në rritje me plot 23% në terma vjetorë. Kredia e re për blerje banese në euro ndërkohë ka rënë me 26.5% në terma vjetorë.
Shifrat e Majit nga Banka e Shqipërisë sa i përket depozitave tregonin një tendëncë të kundërt, që shqiptarët po kursenin më shumë në euro se sa në lekë, çka bie disi në paradoks me shifrat e kreditimit, që tregojnë rënie të kredisë në euro, dhe rritje të asaj në lekë. Pra, po kursejmë në euro dhe po marrim kredi në lekë.
Roel Korkuti / SCAN
Sondazh
Mbyllen sportelet e kadastrës – Rama: Mbaron regjimi 30 vjeçar i letrave, vulave dhe shefave!
Kryeministri vendit Edi Rama ka bërë me dije gjatë një konference të organizuar me Agjencinë Shtetërore të Kadastrës se nga e hëna 3 korrik sportelet e......
DIAGEO, biznesi kryesor në botë i pijeve premium, nga 1 korriku 2023 me partnerë të ri në Shqipëri
DIAGEO, biznesi kryesor në botë i pijeve premium, prodhuesi i Johnnie Walker, Gordon's, Smirnoff, Tanqueray, Baileys, Guinness dhe Captain Morgan nga 1 korriku......
Kurti: Plan 8-pikësh për zbutjen e gjendjes në veri!
Vetëm dy ditë pasi Komisioni Evropian i prezantoi Parlamentit Evropian masat ndëshkuese për Kosovën, kryeministri Albin Kurti paraqiti në Prishtinë një plan......
BE planifikon futjen e euros digjitale!
Më 28 qershor 2023, Komisionerja evropiane për Stabilitetin Financiar dhe Shërbimet Financiare, Mairead McGuinness, paraqiti propozimet për euron digjitale dhe......
900 milionë euro për makinat elektrike - Qeveria gjermane synon shtimin e stacioneve të karikimit
Gjermania do të shpenzojë deri në 900 milionë euro subvencione për të zgjeruar stacionet e karikimit të automjeteve elektrike për familjet dhe kompanitë.......
Rusia legalizon kriptovalutat- Kontrolle të ashpra për përdorimin
Kriptovalutat do të legalizohen dhe do të jenë subjekt i kontrolleve të rrepta në Rusi, pasi përdorimi i aseteve digjitale po rritet me shpejtësi, sipas......
6.300 euro punonjësve që të lindin fëmijë! - Kompanitë private në Kinë promovojnë familjet me shumë fëmijë
Agjencia kineze online e udhëtimeve “Trip.com” deklaroi se do të paguajë punonjësit e saj me më shumë se 6300 euro për cdo fëmijë që do të kenë duke filluar......
A e teproi Greqia me turizmin? - Ekuilibri mes flukseve të turistëve dhe cilësisë së jetesës së qytetarëve
Truku qëndron tek gjetja e një ekuilibri të mirë midis flukseve hyrëse turistike, të cilat janë padiskutim pozitive për ekonominë greke, dhe një standardi të......
