Qeveria ashpërson rregullat - Miliona euro investime për të blerë pronat me kontrata “1 euro”
Pronat shtetërore të dhëna me tarifën simbolike “1 euro” do të jenë subjekt i rregullave më të forta për investimet, punësimin dhe kalimin në pronësi private. Dy udhëzime të Ministrisë së Ekonomisë dhe Inovacionit, ndryshojnë procedurat për dhënien me qira dhe enfiteozë të pasurive shtetërore, si dhe mënyrën e vlerësimit, privatizimit dhe shitjes së tyre.
Sipas rregullave të reja, subjektet që kanë marrë prona shtetërore mbi 500 metra katrorë me kontrata qiraje, ose enfiteoze me tarifën “1 euro/kontrata” mund të kërkojnë blerjen e pronës. Por, kjo mundësi kushtëzohet nga realizimi i një niveli të lartë investimesh.
Subjekti duhet të ketë realizuar brenda afatit kontraktor investime mbi 5 milionë euro, si dhe investime në një vlerë më të lartë se 750 për qind e vlerës së pronës shtetërore që kërkohet të blihet. Përmbushja e këtyre kritereve duhet të dokumentohet përmes provave kontraktore, financiare dhe teknike.
Edhe nëse subjekti arrin të blejë pronën, detyrimi për investimin nuk konsiderohet i përfunduar. Investitori duhet të realizojë të gjithë investimin e parashikuar në planin e biznesit dhe kontratën e mëparshme të qirasë ose enfiteozës. Ky detyrim do të jetë pjesë e kontratës së shitjes dhe do të regjistrohet si kufizim në kartelën e pasurisë. Nëse investimi nuk realizohet, shteti mund të ndërhyjë edhe pas privatizimit.
Ministria e Ekonomisë mund të zgjidhë në mënyrë të njëanshme kontratën e shitjes, duke rikthyer pronën në pronësi të shtetit. Në këtë rast, sipas rregullave të reja, shteti ka të drejtë të mbajë edhe shumën që blerësi ka paguar për blerjen e pronës.
Një tjetër kufizim lidhet me shitjen apo transferimin e pronës. Blerësi nuk mund t’ia tjetërsojë pasurinë një pale të tretë deri në realizimin e plotë të investimit të detyrueshëm. Ky ndalim përbën hipotekë ligjore mbi pasurinë dhe do të pasqyrohet në regjistrin kadastral.
Rregulla të veçanta vendosen edhe për subjektet që vazhdojnë të operojnë me kontrata qiraje ose enfiteoze “1 euro”. Nëse investimi i përcaktuar në kontratë nuk realizohet, subjekti penalizohet me 10% të vlerës së investimit të parealizuar. Por penaliteti nuk ndalet vetëm te investimet.
Subjektet do të penalizohen edhe nëse nuk realizojnë numrin e vendeve të punës që kanë marrë përsipër. Për çdo vend pune të parealizuar, penaliteti është 50 mijë lekë. Numri i vendeve të punës do të përcaktohet mbi bazën e mesatares vjetore të punonjësve të deklaruar pranë administratës tatimore.
Banesat pa leje në tokë private - Si do të bëhet legalizimi? Detyrim për marrëveshje noteriale
Qeveria parashikon ti japë zgjidhje legalizimit të banesave pa leje të ndërtuara në tokë private të palëve të treta, duke përcaktuar procesin se di do të......
BE përplaset për energjinë - Parlamenti Europian kërkon afate më të shkurtra dhe miratim automatik për projektet
Parlamenti Europian po kërkon rregulla më të forta dhe të unifikuara për dhënien e lejeve për projektet energjetike, duke synuar të përshpejtojë ndërtimin e......
Triliona euro “flenë” në banka - Kursimet e BE-së humbasin vlerë. Brukseli kërkon t’i kthejë në investime
Miliarda euro të familjeve europiane po qëndrojnë të papërdorura në llogari bankare, ndërsa inflacioni po gërryen gradualisht vlerën e tyre. Sipas një analize......
Europa do mbetet pa IA - Lagarde paralajmëron për varësinë nga teknologjia amerikane
Europa përballet me një rrezik të paprecedentë nëse humbet aksesin te teknologjia e inteligjencës artificiale, paralajmëroi presidentja e Bankës Qendrore......
QKB thellon bashkëpunimin me Italinë - Shërbime më të shpejta dhe digjitale për biznesin
Qendra Kombëtare e Biznesit ka pritur në Tiranë një delegacion të InfoCamere, shoqëria informatike e Dhomave të Tregtisë Italiane, në kuadër të forcimit të......
Siguri për sistemin financiar - Banka Qendrore e Kosovës, likuiditet shtesë në euro për raste emergjente
Banka Qendrore e Kosovës ka marrë konfirmimin për përfshirjen në mekanizmin e avancuar EUREP të Bankës Qendrore Europiane, një instrument që u mundëson......
Vuçiç ndryshon strategji - Mes protestave studentore njofton dorëheqjen dhe kandidon për kryeministër
Presidenti i Serbisë, Aleksandar Vuçiç, ka njoftuar se do të largohet nga posti më 27 shtator dhe do të kandidojë për kryeministër në zgjedhjet e parakohshme......
Danimarka kërkon punëtorë - Shqipëria dhe Maqedonia e Veriut, mes 16 vendeve të përzgjedhura për rekrutim
Danimarka do të hapë nga 1 janari 2027 një skemë të re punësimi për shtetasit e 16 vendeve jashtë Bashkimit Evropian, mes tyre Shqipëria dhe Maqedonia e......
