Pushteti vendor, 114.6 miliardë lekë buxhet në vitin 2027/ Rritje e transfertave për bashkitë
Mbështetja financiare për pushtetin vendor është një tjetër komponent i rëndësishëm i projektbuxhetit të vitit 2027. Buxheti vendor parashikohet në 114.6 miliardë lekë, me një rritje prej 2.4% krahasuar me vitin 2026, ndërsa transfertat nga Buxheti i Shtetit për njësitë e vetëqeverisjes vendore arrijnë në 49.4 miliardë lekë, ose 4% më shumë se një vit më parë. Në detaj, transferta e pakushtëzuar e përgjithshme parashikohet në 29.3 miliardë lekë, me rritje 5.2%, ndërsa transferta e pakushtëzuar sektoriale arrin në 19.9 miliardë lekë, me rritje 2.4%.
Gjatë prezantimit të projektbuxhetit në Komisionin parlamentar për Çështjet e Brendshme dhe të Mbrojtjes, ministri i Punëve të Brendshme, Ervin Demo, theksoi se këto financime synojnë të mbështesin funksionet e bashkive dhe përmirësimin e shërbimeve që ofrohen drejtpërdrejt për qytetarët.
“Në të gjithë treguesit financiarë të pushtetit vendor, ne vazhdojmë të kemi një rritje progresive, por ajo çfarë është më e rëndësishme është mbështetja që vazhdon dhe është për disa nga reformat kryesore të cilat do t'i bashkohen reformës territoriale. Së pari është digjitalizimi, që është një projekt i financuar nga Banka Botërore, që tashmë fillon implementimin në disa prej bashkive të vendit, duke filluar nga bashkia Tiranë, e cila do të garantojë digjitalizimin e shërbimeve vendore krahas atyre shërbimeve qeveritare, po i quajmë në nivel të qeverisë qendrore, por dhe shërbimet në nivel vendor, falë këtij projekti të financuar nga Banka Botërore. Ne shumë shpejt do të kemi një risi shumë të madhe përsa i përket shërbimeve vendore dhe mënyrës se si qytetari ndërvepron me bashkitë në vend.
Sipas ministrit Demo, AFMIS-i, që është një sistem i Ministrisë së Financave, por në fakt që ka një rol të rëndësishëm përsa i përket planifikimit, programimit për pushtetin vendor në tërësi, po ashtu i financuar nga Banka Botërore, është duke ecur me hapa të shpejtë. Ajo çfarë është e rëndësishme, sidomos për pjesën e pushtetit vendor nga pikëpamja politikëbërjes, është dashbord-i i cili do të krijohet nëpërmjet këtij sistemi për të kuptuar në kohë reale se si është situata financiare në çdo bashki të vendit. Dhe për të parë më mirë, jo vetëm alokimin e burimeve të qeverisë qendrore, por në të njëjtën kohë për të bërë politika edhe për t'i ardhur në ndihmë vetë bashkive në nivel lokal.
Referuar reformës administrativo-territoriale, ministri Demo u shpreh se efektet do të jenë pozitive, por do të jenë të shtrira në kohë. “Reforma hyn në fuqi pothuajse në mes të vitit buxhetor, pas zgjedhjeve lokale, vetvetiu viti 2027 do të jetë një vit tranzicioni për administratat, për buxhetet, sepse edhe buxhetet që ne tashmë do të alokojmë nëpërmjet buxhetit të shtetit, ato do të transferohen në një moment të caktuar te bashkitë e reja, dhe ne jemi të fokusuar që 2027 të jetë një vit që të eci me shpejtësi për sa i përket konsolidimit të bashkive të reja dhe të qenit gati për sa i përket planifikimeve që do të duhet të kenë për vitin 2028”, theksoi ministri i Brendshëm.
Pagesat e shpejta, sa kursejmë? - Sejko: Rreth 1.5% të PBB, ndërsa zëvendësimi i parasë fizike rreth 1 miliardë lekë në vit
Zhvillimi i pagesave të menjëhershme përmes projektit TIPS Clone pritet të sjellë rreth 38.7 miliardë kursime në vit. Kështu është shprehur Guvernatori i......
Pensione përjetë - Britania ndryshon skemën private, përfitojnë 17 milionë punonjës
Britania e Madhe po planifikon të ndryshojë mënyrën se si qytetarët përfitojnë nga pensionet private, duke vendosur si alternativë standarde një të ardhur të......
Trump fajëson Iranin - Presidenti pranon ndikimin e luftës në humbjen e republikanëve
Presidenti amerikan Donald Trump ka pranuar se lufta me Iranin ka ndikuar në rezultatin e zgjedhjeve të mesmandatit në SHBA, ku republikanët pësuan humbje,......
Goditje për Republikanët - Demokratët marrin Kongresin, votuesit ndëshkojnë politikat e Trump
Demokratët kanë siguruar kontrollin e Senatit dhe Dhomës së Përfaqësuesve në zgjedhjet e mesmandatit në SHBA, duke shënuar fitore të rëndësishme edhe në......
Investim në rrugët e Përmetit - Ndërhyrje në gjashtë akse rrugore me fond 30 mln lekë
Bashkia e Përmetit ka shpallur hapjen e garës për përmirësimin e infrastrukturës rrugore në territorin e saj. Fondi limit i parashikuar për këtë investim......
24 orë ujë në 2029-ën - Projektbuxheti / Për vitin 2027 synohen 22 orë furnizim në ditë, humbjet në rrjet në 57%
Mesatarisht 22 orë furnizim me ujë të pijshëm në ditë dhe humbje në rrjet në nivelin 57%. Këto janë objektivat e parashikuara për vitin 2027 në relacionin......
Takimi Edi Rama-Mark Rutte, rikonfirmohet mbajtja e Samitit të ardhshëm të NATO-s në Tiranë
Kryeministri Edi Rama ka patur sot një takim me Sekretarin e Përgjithshëm të NATO-s, Mark Rutte, në fokus të të cilit ishin sfidat aktuale të sigurisë......
Çelet Panairi Ndërkombëtar i Tiranës, pjesëmarrëse mbi 300 kompani vendase dhe të huaja
Është çelur Panairi Ndërkombëtar i Tiranës, i organizuar për të 32-tin vit radhazi nga gjigandi i panaireve Klik Ekspo Group. TIF 32 mbledh mbi 300 kompani......
