Pushimet në Greqi janë të “ndaluara” për grekët - Një në dy persona nuk do të shkojë askund këtë verë
Greqia renditet listën e dhjetë vendeve që tërheqin më shumë turistë këtë sezon veror, si dhe është vemdi që është rimëkëmbur më shpejt nga pasojat e pandemisë. Por grekët vetë duket se ecin në drejtimin e kundërt pasi e kanë të pamundur që të bëjnë pushime në vendin e tyre.
Sa herë që turizmi grek ecën me ritmin e duhur, mundësitë për grekët që yë pushojnë në rezortet turistike më popullore të vendit, vecanërisht nëpër isjij, pakësohen ndjeshëm. Kjo për shkak të të ardhurave të tyre të kufizuara dhe cmimeve të kripura të shërbimeve që përfshijnë të gjithë paketën e pushimeve: udhëtimin, qëndrimin, ngrënien dhe zbavitjen.
Sezoni aktual veror, i cili u hap në muajin maj, shoqërohet me faturën më të lartë ndonjëherë të pushimeve. Me të dhënat e publikuara nga kompanitë e hotelerive, rezulton se paketa bazë e pushimeve është rritur mesatarisht me të paktën 15 deri në 20% në krahasim me vitin e kaluar.
Në këtë kontekst dhe nisur nga zbarkimi masiv i turistëve të huaj në destinacionet e njohura, shumica e grekëve do të duhet të fusin duart “thellë në xhepa” ose të qëndrojnë në shtëpi për të katërtën verë radhazi. Kujtohet se në vitin 2020 pandemia i detyroi të gjithë të qëndronin në shtëpi, në vitin 2021 ata që shkuan me pushime ishin të paktë, ndërsa vitin e kaluar dhe këtë vit përpikmëria e kombinuar me disponueshmërinë e akomodimit dolën si rregullatorë kryesorë për pushimet e grekëve.
Tashmë, bazuar në të dhënat e para nga organizatat e konsumatorëve, këtë vit një në dy grekë nuk do të bëjë pushime, ndërsa edhe ata që do të udhëtojnë drejt një destinacioni të caktuar do të detyrohen të ulin shpenzimet dhe ditët e qëndrimit.
Grekët, të cilët tradicionalisht presin momentin e fundit për të vendosur se ku do të shkojnë me pushime, këtë vit e kanë më të vështirë se kurrë jo vetëm të gjejnë një destinacion, por mbi të gjitha të përballojnë koston e pushimeve. Shumica e dhomave të hotelit mbi 80% janë prenotuar më herët nga vjeshta nga operatorët turistikë, ndërsa dhomat e mbetura 20% janë në dispozicion direkt nga hotelierët me çmime jo të caktuara.
Hotelet po shënojnë kërkesë të paprecedentë, ndërkohë që akomodimet e tjera turistike, si shtëpitë e pushimit dhe apartamentet me qira afatshkurtër, shfaqin frekuencë të lartë për periudhën nga 15 korriku deri më 27 gusht. Bazuar në platformat më të mëdha ndërkombëtare të qirasë së akomodimit turistik, për periudhën prej 15 korriku i dytë deri më 13 gusht, 80% e akomodimit të të gjitha llojeve të listuara në to nuk ka disponueshmëri! Gjithashtu, për javën e 15 gushtit, dhomat e disponueshme kanë shumë pak akomodime: 1 në 10.
Edhe zgjidhja e zakonshme e pushimeve me makinë, të cilës i drejtohen ata që nuk kanë mundësi të përballojnë biletat e tragetit apo avionit, këtë vit ende shqetëson shumë njerëz, pasi çmimet e karburanteve mbeten të larta, ndërsa kostot e tarifave do të llogariten edhe në kostot e udhëtimit.
Dorina Kurtaj / SCAN
Sondazh
Turizmi nuk e ndal ritmin - 95% më shumë netë qëndrime në hotele nga të huajt gjatë Prillit
Shifrat e strukturave akomoduese të publikuara nga “Instituti i Statistikave” tregojnë se turizmi në vend ka patur një ecuri mjaft pozitive përgjatë katër......
Raporti i WMO: Ngrohja globale në Europë po përparon më shpejt se sa pritej!
Sipas raportit vjetor të Organizatës Botërore Meteorologjike dhe rrjetit Europian Copernicus, temperatura mesatare në kontinentin e vjetër është 2.3 gradë më e......
Nafta, e qëndrueshme pranë 76 USD - Mbështetet nga ulja e interesave të kredive në Kinë
Nafta Brent e Londrës po tregtohet e qëndrueshme në sesionin e sotëm, ndërsa nafta Bruto amerikane po qëndron në rënie me rreth 1%, për shkak se Banka Qendrore......
Tregu monetar, i qëndrueshëm - Investitorët presin inflacionin në Britani dhe takimin e Bankës së Anglisë
Dollari amerikan po qëndron në rritje të lehtë në sesionin e sotëm, ndërsa një ditë më parë preku nivelin më të lartë në 7 muajt e fundit përballë jenit......
Bursat europiane zgjerojnë humbjet - Investitorët, të shqetësuar për ngadalësimin e ekonomisë globale
Bursat europiane janë hapur në rënie edhe në sesionin e sotëm, pasi besimi i investitorëve vijon të jetë i dobët. Indeksi pan-Europian Stoxx 600 e ka nisur......
Importet e naftës ruse të BE-së bien me 90% si rezultat i ndalimeve gjithëpërfshirëse!
Si rezultat i ndalimeve gjithëpërfshirëse të vendosura si reagim ndaj luftës në Ukrainë, importet e bllokut të naftës ruse janë ulur me 90% në harkun kohor të......
Qeveria gjermane bie më në fund dakord për ligjin e emigracionit për punëtorët e kualifikuar!
Grupet parlamentare të SPD-së, të Gjelbërve dhe FDP-së kanë rënë dakord për ndryshimet e fundit në ligjin për imigrimin e punonjësve të kualifikuar. Siç......
Valutat kryesore sërish në 'të kuqe' – Dobësohen ndjeshëm Dollari, Franga dhe Paundi!
Dollari amerikan ka regjistruar sërish zbritje të ndjeshme të kuotës pas një rikuperimi të lehtë që pati ditën e hënë duke u blerë mëngjesin e sotëm me 97.9......
