PS zyrtarizon kandidatët për zgjedhjet e pjesshme në 6 bashki
Zgjedhjet e pjesshme të 9 nëntorit do të zhvillohen në gjashtë bashki të vendit: Tiranë, Vlorë, Tepelenë, Berat, Mat dhe Cërrik. Më shumë se 1 milion shqiptarë do të thirren në kutitë e votimit, prej të cilëve rreth 700 mijë vetëm në kryeqytet.
Pas Tiranës, ku prej ditësh është zyrtarizuar kandidatura e Ogerta Manastirliut, Kryesia e Partisë Socialiste ka vulosur edhe emrat e pesë kandidatëve të tjerë që do të përfaqësojnë mazhorancën në garën e 9 nëntorit.
Surpriza më e madhe vjen nga Vlora, ku socialistët kanë vendosur të kandidojnë deputeten e sapozgjedhur Brunilda Mersini. Ajo hyri në Kuvend pas zgjedhjeve të 11 majit 2025 dhe me këtë vendim pritet të heqë dorë nga mandati i saj parlamentar nëse fiton drejtimin e Bashkisë së Vlorës.
Në Tepelenë, kandidatura e miratuar është ajo e Gramoz Sakos, ish-kreu i Gardës së Republikës, që dha dorëheqjen nga posti në shkurt 2024.
Për Matin, Partia Socialiste ka përzgjedhur Altin Bojnin, financier me eksperiencë në disa institucione publike, përfshirë Postën Shqiptare dhe Drejtorinë e Burgut të Burrelit. Aktualisht ai drejton Shëndetin Publik në qark.
Në Berat, garën do ta përfaqësojë Ervin Ceca, kryetar i komanduar i bashkisë që prej marsit, pas dorëheqjes së Ervin Demos.
Ndërsa në Cërrik, kandidati socialist është Florenc Doka, që prej disa muajsh mban detyrën e kryetarit të komanduar pas emërimit të Andi Sallës si ministër në kabinetin qeveritar.
Mbledhja e Kryesisë së PS, e zhvilluar në orën 18:00, zgjati vetëm 20 minuta dhe u mbyll me prezantimin e plotë të kandidatëve nga drejtuesit politikë të qarqeve përkatëse.
Zgjedhjet e pjesshme të 9 nëntorit u shkaktuan nga vakancat në disa bashki të vendit: arrestimi i Erion Veliajt në Tiranë, dorëheqja e papritur e Ermal Dredhës në Vlorë, si dhe emërimi i Andi Sallës si ministër, bashkë me zgjedhjen si deputetë të Ervin Demos, Tërmet Peçit dhe Agron Malajt, që boshatisën drejtimin e bashkive Berat, Tepelenë dhe Mat.
Kandidatët e PS për zgjedhjet e pjesshme të 9 nëntorit:
Tiranë: Ogerta Manastirliu
Vlorë: Brunilda Mersini
Tepelenë: Gramoz Sako
Mat: Altin Bojni
Berat: Ervin Ceca
Cërrik: Florenc Doka
Walk 21, konferenca ndërkombëtare për politikat urbane - Rama: Vijon puna për lirimin e hapësirave publike
Walk21, është konferenca ndërkombëtare, e cila ka edicionin e saj të 25. Në këtë konferencë janë mbledhur ekspertë nga e gjithë bota, për të ndarë përvoja......
“Mur dronësh” për tu mbrojtur nga Rusia - Udhëheqësit e BE mbështesin planin, asetet ruse do ti jepen Ukrainës
Udhëheqësit e Bashkimit Evropian dhe të vendeve të tjera që aspirojnë integrimin në BE, u mblodhën në kryeqytetin e Danimarkës për të diskutuar forcimin e......
Shqipëria e 15-ta në botë për sigurinë kibernetike/ Vengu: Rrisim kapacitetet në fushën e sigurisë së informacionit!
Ministri i Mbrojtjes, Pirro Vengu, njoftoi se Shqipëria është renditur e 15-ta në Indeksin Kombëtar të Sigurisë Kibernetike. Ai theksoi se kjo arritje shton......
Dhuna ndaj grave, fokus tek fuqizimi ekonomik - Drafti i ri, për konsultim publik. Ngrihet një rrjet i koordinuar shërbimesh
Drafti i ri i hedhur për konsultim publik “Për parandalimin dhe mbrojtjen ndaj dhunës ndaj grave dhe dhunës në familje”, një dokument që përveç mbrojtjes......
Ulje e çmimit të energjisë? - Kreu i ERE, Ahmeti: Nuk përjashtohet mundësia, varet nga performanca e OSHEE
Kreu i Entit Rregullator të Energjisë, Petrit Ahmeti nuk përjashton mundësinë e uljes së çmimit të energjisë elektrike, në varësi të performancës financiare......
Çmimet Nobel në Fizikë/ Shkencëtarët amerikanë shpallen fitues për zbulimet në teknologjinë kuantike
Shkencëtarët John Clarke, Michel Devoret dhe John Martinis fituan Çmimin Nobel në Fizikë për vitin 2025, për “zbulimin e tunelimit kuantik makroskopik dhe......
Evropa, lider botëror në duhanpirje - Një në katër persona janë konsumues. Rajoni tejkalon Azinë Juglindore
Evropa regjistron shkallën më të lartë të përdorimit të duhanit në botë, duke kaluar Azinë Juglindore, sipas një raporti të publikuar nga Organizata Botërore......
“SEPA, gur themeli drejt infrastrukturës financiare evropiane” - Sejko: Faza e dytë, edukimi i përdoruesve dhe thellimi i digjitalizimit të pagesave
Kanë nisur zyrtarisht transaksionet e para me SEPA në Shqipëri. Në Bankën e Shqipërisë është mbajtur ceremonia e transaksionit të parë të vendit tonë në......
