Nis privatizimi i plotë i ish-ndërmarrjeve bujqësore - Ligji/ Kriteret dhe procedura për subjektet që kanë në përdorim këto objekte
Bizneseve që kanë në përdorim objekte të ish-ndërmarrjeve bujqësore, por nuk janë regjistruar në Agjencinë Shtetërore të Kadastrës dhe nuk janë pajisur me dokumente pronësie, do t’u jepet mundësia që të përfundojnë procesin e plotë, duke u bërë pronarë të ligjshëm. Ligji për “Për përfundimin e procesit të privatizimit të objekteve të ish-ndërmarrjeve bujqësore”, i cili finalizon këtë proces që zvarritet prej vitesh, është botuar në Fletoren Zyrtare dhe hyn në fuqi në mesin e muajit prill.
Sipas relacionit që shoqëron ligjin, rezultojnë rreth 1100 objekte, për të cilat nuk ka përfunduar procesi i privatizimit, objekte të cilat i përkasin ish- Ndërmarrjeve Bujqësore (NB) dhe ndërmarrjeve bujqësore të braktisura.
Konkretisht, nga ky ligj përfitojnë objekte për të cilat ka përfunduar procesi i vlerësimit, likuidimit dhe pajisjes me kontratë shitjeje nga ish-Agjencia Qendrore e Ristrukturimit dhe Privatizimit të Ndërmarrjeve Bujqësore; kur objekti figuron i regjistruar në regjistrat kadastralë dhe i tjetërsuar tek të tretët, edhe nëse nuk ka akt të origjinës së fitimit të pronësisë (akti i privatizimit/shitjes) apo ai nuk është në formën e kërkuar nga ligji (pa akt noterial); kur objekti figuron i regjistruar në regjistrat kadastralë në emër të përfituesit të privatizimit/shitjes edhe nëse dokumentacioni i privatizimit/shitjes nuk është i plotë apo nuk është në formën e kërkuar nga ligji (pa akt noterial); kur pasuritë, objekt (ndërtesë) dhe truall figurojnë të regjistruara në regjistrat kadastralë ende në pronësi të përfituesit të parë të tyre, përpara hyrjes në fuqi të këtij ligji, por akti i privatizimit/ shitjes nuk është sipas formës së kërkuar nga ligji (pa akt noterial).
Subjektet paraqesin në ministri kërkesën për përfundimin e procesit, e cila i kërkon Agjencisë Rajonale të Ekstensionit Bujqësor, sipas qarkut ku ndodhet objekti për të cilin është bërë kërkesa për përfundimin e procesit të privatizimit.
Agjencia përkatëse depoziton në ministri dokumentacionin dhe pas verifikimit që praktika është e plotë dhe në përputhje me legjislacionin vijohet me nënshkrimin e kontratës së shitjes me individin që ka filluar procesin e privatizimit ose, në rast të vdekjes së tij, me trashëgimtarët ligjorë ose testamentarë të tij.
Elisabeta Dosku/ SCAN
Sondazh
Avokati i Shtetit, shkarkim për shkeljet e paaftesine - Projektligji shton masa të reja, procedim disiplinor, pezullim, mbajtje deri 30% e rrogës
Një seri ndryshimesh në ligj ngarkojnë me përgjegjësi individuale Avokatin e Shtetit për shkeljet në detyrë dhe mundësojnë procedurat disiplinore ndaj tij edhe......
BE-ja zgjat planin e saj vullnetar të reduktimit të gazit prej 15% deri në mars 2024!
Kursimet janë bërë zyrtarisht pjesë e politikës energjetike të Bashkimit Europian. Ministrat e Energjisë nga 27 vendet anëtare vendosën të martën pasdite të......
Çfarë vendosi qeveria gjermane pas një maratone debati?
Në vendimet e koalicionit qeveritar të bëra publike sot parashikohet që ligji për klimën të zgjerohet në disa pika. Në ligjin aktual çdo sektor si energjia,......
Pagesa me këste dhe pa interes nga telefoni - Apple prezanton shërbimin “Pay Later”, për momentin vetëm në SHBA
Njoftimi u bë verën e kaluar, por tashmë është një realitet. Kompania Apple ka prezantuar, për momentin vetëm në Shtetet e Bashkuara, shërbimin Apple Pay......
Greqia vendos datën e zgjedhjeve parlamentare më 21 maj!
Kryeministri grek Kyriakos Mitsotakis njoftoi se zgjedhjet parlamentare do të zhvillohen më 21 maj. Ky njoftim vjen pas protestave të gjera kundër qeverisë të......
Rikuperon Dollari amerikan dhe Paundi britanik – Sa këmbehet sot monedha europiane?
Dollari amerikan ka rikuperuar pikë këtë mëngjes pasi në raport me dje është forcuar duke u blerë sot me 104.6 lekë dhe duke u shitur me 105.8 lekë sipas......
Ndihmën shtetërore e luajnë në baste! - Raporti në Britani, fenomeni është përhapur pas shtrenjtimit të kostos së jetesës
Britanikët me probleme me lojërat e fatit kanë vendosur në baste përfitimet e tyre shtetërore në një përpjekje për të mbuluar faturat e kripura, ndërsa kriza e......
Familjet italiane, gjithnjë e më shumë në krizë - Rreth 13% ka të ardhura të pamjaftueshme për të përballuar nevojat primare
Familjet italiane janë gjithnjë e më shumë në krizë. Rritja e kostos së jetesës gjatë vitit të fundit për shkak të shtrenjtimit të ushqimeve dhe shërbimeve po......
