Ndërtime brenda zonave të mbrojtura - Projektvendimet: Do të lejohen në rastet kur subjekti pajiset me leje nga KKT
Pas miratimit të ndryshimeve në ligjin “Për zonat e mbrojtura”, Ministria e Turizmit dhe Mjedisit ka hartuar projektvendimet për 9 peizazhe të mbrojtur, duke përcaktuar aktivitetet që lejohen apo jo të zhvillohen brenda këtyre territoreve, që kanë vlera të larta natyrore.
Në secilin prej dokumenteve të nxjerrë për konsultim publik, përcaktohet se qëllimi është ruajtja dhe mbrojtja e vlerave peizazhistike të zonës së mbrojtur mjedisore dhe përbërësve të rëndësishëm të biodiversitetit dhe të natyrës në to.
Megjithatë, tashmë brenda këtyre zonave mund të zhvillohet veprimtari të tilla si ndërtime, trajtimi i ujërave të zeza në ferma, ndërtimi i kanaleve lundruese, autostradave, zonave urbane, si dhe veprimtari të ngjashme me këto, në rastet kur subjekti pajiset me leje nga Këshilli Kombëtar i Territorit.
Me ligjin e vjetër këto aktivitete kanë qenë të ndaluara për t’u zhvilluar brenda zonave të mbrojtura për shkak të dëmeve të pakthyeshme që sjellin në mjedis. Ndryshimet e ligjit u propozuan nga 12 deputetë të Partisë Socialiste, por gjithsesi varianti final i miratuar në muajin shkurt të këtij viti mbajti në konsideratë propozimet e bëra nga qeveria.
Ai u miratua mes protestash nga ana e organizatave të shoqërisë civile, që kundërshtuan ndryshimet që në momentin që ato u propozuan, pikërisht për faktin se po i hapej rrugë ndërtimeve.
Projektvendimet e Ministrisë së Turizmit dhe Mjedisit janë hartuar për peizazhet e mbrojtur: Pishë Poro – Nartë, Bredhi i Drenovës - Sinicë, Lumi Buna – Velipojë, Liqeni i Pogradecit, Rrushkull, Kuturman – Qafë Bushi, Krastë – Verjon dhe Guri i Nikës – Valamarë. Ndërkohë që, organizatat mjedisore dhe deputetët e Partisë Demokartike kanë deklaruar se do ta dërgojnë çështjen në Gjykatën Kushtetuese, për të kërkuar shfuqizimin e ligjit.
Ola Mitre / SCAN
Sondazh
1.2 milionë prona pajisen me kod unik - Marrin fund ecejaket për adresat, gjoba për bashkitë që nuk zbatojnë ligjin
Shqipëria ashtu si çdo shtet i Evropës tashmë do të kenë një sistem të mirëfilltë adresash, duke i dhënë fund ecejakeve të deritanishme dhe mungesës së......
Kosova, partneri kryesor për eksportet - Në rritje edhe me Maqedoninë e Veriut, në rritje. Serbia kryeson importet
Sipas të dhënave të INSTAT, në muajin maj të këtij viti, Shqipëria realizoi me vendet e rajonit, Serbinë, Kosovën, Malin e Zi, Maqedoninë e Veriut dhe Bosnje......
Tatimet paralajmërojnë bankat për llogaritë e dyshimta - “Respektoni formatin e raportimit, ose gjobë. Afat deri më 31 gusht”
Administrata tatimore u ka bërë apel bankave të qe respektojnë formatin e raportimit për llogaritë e dyshimta, në të kundërt paralajmëron penalizim. Sipas......
“Ristrukturohet” Fondi Shqiptar për Zhvillimin e Diasporës - Financime të reja, tashmë vetëm nga Ministria e Jashtme
Fondi Shqiptar për Zhvillimin e Diasporës do të ristrukturohet, me qëllim që t'i hapet rruga financimeve të reja për diasporën. Është publikuar për konsultim......
Si mund të privatizohet prona shtetërore nga privatët? - Ligji i ri përcakton mënyrat se me çfarë mund të shkëmbehen
Tashmë pronat shtetërore mund të kthehn në pronë private përmes ndryshimeve të ligjit “Për privatizimin dhe dhënien në përdorim të shoqërive tregtare dhe......
Cilat janë taksat më të çuditshme në botë?!
Taksat janë një pjesë e pashmangshme dhe disa nga taksat më të zakonshme përfshijnë tatimin mbi të ardhurat, taksat e dividendit, taksat mbi pronën dhe taksat......
Solstici veror: Energjia diellore do të arrijë kulmin me 1/5 e energjisë elektrike në botë për 1 orë!
Adhuruesit e diellit kanë një arsye tjetër për të festuar sot, pasi energjia diellore është vendosur të arrijë kulmin me një të pestën e energjisë elektrike në......
Lejet dhe planifikimi i projekteve energjetike - Komuniteti i Energjisë miraton udhëzime të reja, përfshihet dhe Shqipëria
Sekretariati i Komunitetit të Energjisë ka publikuar udhëzimet e reja të Politikës për Dhënien e Lejeve dhe Planifikimin e Projekteve të Energjisë për të......
