Ligji për zonat e mbrojtura miratohet mes protestash - Aktivistët mjedisorë: Nuk ndalemi! Reagon delegacioni i BE dhe Rama
Protestuesit: Mos e voto ligjin! Mos e voto ligjin! Zhgarravisni zyrën, jo natyrën! Zhgarravisni zyrën, jo natyrën!
Teksa aktivistët mjedisorë dhe qytetarët protestonin para parlamentit, deputetët e maxhorancës ngritën kartonat për të miratuar ndryshimet në ligjin “Për zonat e mbrojtura”.
Lindita Nikolla: 74 vota pro, asnjë kundër, asnjë abstenim, miratohet!
Që prej kohës kur 12 deputetë propozuan ndryshimet e deri te qëndrimi i qeverisë, organizatat e shoqërisë civile kanë argumentuar se ligji i ri i hap rrugën ndërtimeve brenda çdo parku kombëtar, peizazhi apo monumenti natyror, duke shkatërruar këto territore. Ndërkaq, pas miratmit të ligjit ata thanë se rezistenca do të vazhdojë, duke moj lejuar ndërtimet brenda pasurive kombëtare.
Qeveria posoriti ligjin. Ne nuk do ta harrojmë që lojtarët e vërtetë të kësaj loje të pistë janë qeveria. Është pikërisht ky kryeministër, që sot duke qenë edhe kryetar i KKT-së bëhet pronar i zonave të mbrojtura. Nuk kemi për t’i lënë në asnjë vend, që të ndërtojnë sepse ajo është pasuria jonë, nuk është pasuria e tyre. Do të na kenë këtu, në çdo betejë, në çdo llogore, qofshin këto juridike, por edhe protestash”, - tha Taulant Bino, president i Shoqatës Ornitologjike të Shqipërisë.
“Është shkatërruar trashëgimia jonë kulturore në shumë qytete dhe ne jemi dëshmitarë, edhe këtu në Tiranë. E njëta gjë do të bëhet edhe me trashëgiminë natyrore. Atyre duhet t’iu vijë turp që kanë ngritur kartonat jeshilë kaq shpejt sepse e kanë me ngut për të shkatërruar zonat e mbrojtura. Ne e dimë që pas kartonave jeshilë, bullodzerë do të shkojnë në zonat e mbrojtura, por ne do jemi edhe aty dhe do të rezitojmë”, - tha Olsi Nika, drejtor ekzekutiv i EcoAlbania.
“Deputetët pa integritet, pa identitet e kanë votuar sot ligjin, pavarësisht se këtu jemi ne që protestojmë. Qeveria i ka dalë kundër Bashkimit Evropian për të ndaluar këtë ligj. Është një shpërfillje totale ndaj marrëveshjeve ndërkomëbatre, ndaj të ardhmes tonë evropiane”, - tha Joni Vorpsi nga PPNEA.
Pas seancës plenare, ministrja e Turizmit dhe Mjedisit, Mirela Kumbaro mbrojti ligjin e miratuar.
“Nuk do të preket sipërfaqja e territoreve të zonave të mbrojtura në versionin final dhe unë dua të falenderoj deputetët që i morën në konsideratë edhe sugjerimet, dhe opinionin e qeverisë që nuk do të ketë ndarje të territoreve të zonave të mbrojtura me bashkitë”, - tha ministrja e Turizmit dhe Mjedisit Mirela Kumbaro.
Pas miratimit reagoi edhe delegacioni i Bashkimit Evropian në Shqipëri, që në një postim në rrjetet sociale nënvizoi se në kuadrin e negociatave të anëtarësimit, miratimi i ligjeve mbi çështje që mbulohen nga legjislacioni i BE-së presupozon konsultim publik të mirëfilltë dhe gjithëpërfshirës, si dhe një proces të parashikueshëm dhe transparent. “Delegacioni i BE-së do të ndjekë me shumë vëmendje zbatimin e dispozitave të reja ligjore për zonat e mbrojtura, sipas kuadrit ligjor të BE-së për mbrojtjen e mjedisit dhe angazhimet ndërkombëtare të Shqipërisë”, - thuhej ndër të tjera në reagim. Përgjigjen e dha kryeministri Edi Rama, sipas të cilit në 10 vitet e fundit është bërë një përparim shembullor në mbrojtje të biodiversitetit dhe sot jemi të parët në rajon për sasinë e zonave të mbrojtura. Sipas Ramës, ndryshimet e sotme e forcojnë bazën e rrugës sonë ambicioze për zhvillim të qendrueshëm në harmoni me bukurinë mahnitëse të Shqipërisë.
Ola Mitre / SCAN
Sondazh
Inflacioni në Shqipëri mbi mesataren e BE-së - Sipas metodës së Eurostat, në Janar 2024 çmimet u rritën me 4%
Sipas të dhënave të publikuara nga Instituti i Statistikave, Indeksi i Harmonizuar i Çmimeve të Konsumit për muajin Janar të vitit 2024 në Shqipëri, fiksohet......
Garancia për fasonët, “çelësi i ndezjes së motorëve” - Prençe: “Made in Albania” do jetë krenaria jonë
Akti normativ i ndryshimit të buxhetit për t’i dhënë 4 miliardë lekë biznesit të industrisë përpunuese fason, është cilësuar si çelësi i ndezjes së motorëve......
Rritet energjia diellore e prodhuar në vend - Gjatë vitit 2023 u gjenerua rreth 80 mijë mWh, 60% më shumë se vjet
Energjia e prodhuar nga centralet fotovoltaike regjistroi rritje gjatë vitit 2023, në raport me një vit më parë. Sipas të dhënave zyrtare, në total u gjeneruar......
Kompanitë amerikane, interes për energjinë e turizmin - Mullaj: Janë sektorë me potencial të lartë për investim
Investimet amerikane në Shqipëri janë rritur ndjeshëm vit pas viti, por potencialet janë edhe më të mëdha. Në një intervistë për SCAN TV, Drejtori Ekzekutiv i......
Ndahet nga jeta kolegia e gazetarisë ekonomike, Afërdita Selimaj
Një nga emrat më të njohur të gazetarisë ekonomike në Shqipëri, Afërdita Selimaj është ndarë nga jeta pas një sëmundje të rëndë. Afërdita Selimaj e nisi......
Paligjshmëria në kufi/ Sekuestrohen 20 mijë euro, 15 mijë paund dhe 1490 paketa me cigare!
Shërbimet e Policisë Kufitare bëjnë me dije se janë goditur 3 raste të mosdeklarimit të parave ose mallrave dhe si pasojë është arrestuar 1 shtetas, janë......
Sa të huaj jetojnë në Shqipëri? - Rreth 18 mijë me leje qëndrimi, kryesojnë italianët dhe turqit
Në fund të vitit 2022, numri i të huajve me leje qëndrimi në Shqipëri rezultoi 18,151 banorë, duke shënuar një rritje me 21.6%, krahasuar me një vit më parë.......
Sa kushtoi shërbimi i borxhit publik në vitin 2023? - Pagesat për principal u rritën në 53,2 miliardë lekë, nga 38.3 miliardë një vit më parë
Ndërsa borxhi publik është ulur gjatë tremujorit të fundit 2023, si në terma nominalë, ashtu edhe në raport me Produktin e Brendshëm Bruto rritje kanë shënuar......
