Kreditimi, janari konfirmon ngadalësimin/ 14% rënie krahasuar me vjet. Por, në rritje kredia për blerje banese
Sipas shifrave të fundit të publikuara nga Banka e Shqipërisë, vihet re një ngadalësim i huave të reja të disbursuara gjatë muajit janar drejt individëve dhe korporatave jofinanciare private. Kështu, gjatë muajit janar flukset hyrëse të parasë në nivel huash të reja fiksohen në 16.55 miliardë lekë. Krahasuar me të njëjtën periudhë të një viti më parë, shohim që niveli i huave të reja gjithsej ka pësuar një rënie prej 14%, nga 19.21 miliardë lekë që llogaritej për janarin e 2022-shit. Vlera e huave të reja gjithsej për muajin e parë të vitit 2023 është shpërndarë midis biznesit, që ka marrë 9.9 miliardë lekë, 6,1 miliardë lekë ndërkohë janë marrë nga individët dhe 417 milonë të tjera nga korporatat jofinanciare publike.
Huatë e reja në lekë për individët mbizotërojnë ndaj asaj në valutë. Nga huatë e reja për financimin e individëve, 3.1 miliardë lekë ka qenë kredi e re në monedhën vendase, 2.9 miliardë lekë në euro dhe vetëm 1.05 milionë lekë në dollarë. Përsa i takon financimit të bizneseve, huatë e reja në monedhën vendase kanë qenë në vlerën 3.4 miliardë lekë, 6.5 miliardë lekë në euro dhe 9.6 milionë lekë në dollarë. Shohim në këtë mënyrë që korporatat private ose bizneset, ndyshe nga individët, vijojnë të preferojnë kreditë në euro, krahasuar me monedhën vendase.
Nëse ndalemi të shohim vlerën e huave për blerje banesash, vëmë re që ndonëse niveli i kreditimit në total ka rënë, vlera e huave të dhëna nga bankat për blerje banesash krahasuar me të njëjtën periudhë të një viti më parë ka regjistruar një rritje. Kështu, sipas shifrave zyrtare të publikuara nga Banka e Shqipërisë, nga 6.1 miliardë lekë të huave të reja për individë, 3.3 miliardë rezultojnë për blerje banese përgjatë muajit janar 2023, në të gjitha valutat, pra më shumë se gjysma. Krahasuar me të njëjtën periudhë të një viti më parë, kjo vlerë ishte 2.5 miliardë lekë, duke pësuar një rritje prej 31%.
Në vijim të vëzhgimit dhe interpretimit të të dhënave, mund të themi që ngadalësimi dhe tkurrja e vazhdueshme e kreditimit në muajt e fundit ka ardhur si pasojë e rritjes së normave të interesit dhe krizës së vazhduar të çmimeve.
Sondazh
13 mijë shqiptarë aplikuan për azil në 2022-shin/ Rriten me 16% krahasuar me vitin e kaluar. Kryesojmë rajonin
“Agjencia për Azil e Bashkimit Europian” (EUAA) ka publikuar të dhënat mbi numrin e aplikimeve për azil edhe për muajin dhjetor të vitit që lamë pas, duke e......
A ka prodhuar rezultat fqinjësia e mirë? Tregtia e jashtme me Malin e Zi, rritje modeste e shifrave në një dekadë e gjysëm
Nisur nga mbledhja e përbashkët mes qeverisë shqiptare dhe asaj të Malit të Zi, “Scan Intel” ka analizuar marrëdhenien tregtare të dy vendeve për të kuptuar se......
Janari solli €206 mln më shumë në banka/ Ndër rritjet më të larta në një dekadë. Por, në rënie për familjet
Depozitat në paranë e gjerë gjatë janarit janë rritur pranë një niveli të ri rekord, në 1.3 trilionë lekë, tregojnë shifrat më të fundit nga Banka e Shqipërisë......
Si e ka ndikuar lufta Shqipërinë? Analiza e “tortës” së importeve, ndryshimi i pozicioneve të Rusisë dhe Ukrainës pas 1 viti
Një vit nga lufta në Ukrainë shumë gjëra kanë ndryshuar në skenën globale, dhe sidomos ekonomia. Por si është prekur Shqipëria nga kjo luftë? “Scan Intel” ka......
Janari i 2023-shit, nivel rekord turistësh/ 833 mijë hyrje në një muaj, 20% më shumë se periudha e para pandemisë
Statistikat e lëvizjes së shtetasve për muajin e parë të këtij viti, të publikuar nga "Instituti i Statistikave", paraqesin një rritje të konsiderueshme të......
Inflacioni zbret në 7.1% sipas Eurostat/ Edhe në janar mbetemi mes vendeve me rritjen më të ulët në rajon dhe Europë
Instituti i Statistikave ka publikuar Indeksin e Harmonizuar të Çmimeve të Konsumit për muajin Janar të vitit 2023, që mat rritjen e çmimeve sipas metodës së......
1 në 5 shqiptarë banojnë mes lagështirës/ Eurostat: Shqipëria, ndër vendet me normën më të lartë në Europë dhe në rajon
Shqiptarët, në krahasim me familjet europiane, renditen ndër vendet e para sa i përket pronësisë së shtëpive të tyre, por renditen ndër të fundit sa i përket......
Vizitorët dhe netë qëndrimet prekin rekord/ Gjatë vitit që lamë pas, 1.5 milionë vizitorë nëpër hotele, "thyhet" edhe periudha para pandemisë
Të dhënat e “Strukturave Akomoduese” sa i përket numrit të vizitorëve nuk paraqiten pozitive vetëm për muajin dhjetor të vitit që lamë pas, por kanë thyer edhe......
