“Konferenca mbi prokurimet e hapura dhe të qëndrueshme në Europë” – Balluku: Kemi kryer reformën më të thellë të 10 viteve të fundit në dixhitalizmin e këtyre shërbimeve!
Zëvendëskryeministrja e vendit, njëherësh Ministër i Infrastrukturës dhe Energjisë, Belinda Balluku u shpreh sot gjatë Konferencës ndërkombëtare ‘Prokurimet e hapura dhe të qëndrueshme’ në Europë se “është kënaqësi e veçantë, por dhe një vlerësim shumë i rëndësishëm që Shqipëria është zgjedhur nga partnerët tanë ndërkombëtar që të jetë bashkë organizator dhe mikpritës i një konference kaq të rëndësishme”.
Sipas ministres BERZH, si një nga partnerët strategjik dhe financiarë të Qeverisë Shqiptare që ka qenë prezent, jo vetëm duke na mbështetur me paketat e kredive të buta që ofron, por nga ana tjetër duke u bërë dhe një partner në rrugëtimin tonë përsa i përket dijes, në të gjitha proceset e prokurimeve dhe të dizenjimeve të specifikimeve teknike, por edhe të ndarjes së eksperiencës që BERZH ka edhe në vend të tjera.
Balluku theksoi se sipas raportit vjetor të vitit 2022 të Komisionit Europian, Shqipëria ka bërë një përparim të mirë, veçanërisht sa i takon vijimit të procesit të miratimit të legjislacionit dytësor në zbatim të ligjit për prokurimin publik, etj..
Ministrja theksoi gjithashtu se tashmë vendi ynë ka një legjislacion modern me standarde europiane në fushën e prokurimit publik dhe ligji i ri për prokurimin publik i miratuar në vitin 2020, si dhe aktet e tjera nënligjore janë përafruar me 4 direktivat e Bashkimit Europian. “Kuadri ligjor pasqyron parimet themelore të traktatit të Bashkimit Europian për transparencën, trajtimin e barabartë, mosdiskrimimin, si dhe vlerën e parasë, ndërkohë padyshim konkurrencën e lirë, njohjen reciproke dhe proporcionalitetin,” tha ajo.
Balluku theksoi se gjatë 2 viteve të fundit Komisioni i Prokurimit Publik me mbështetjen e Qeverisë Shqiptare dhe padyshim të Kuvendit të Republikës së Shqipërisë ka kryer reformën më të thellë të 10 viteve të fundit në dixhitalizmin e këtyre shërbimeve. “Një analizë e realizuar nga komisioni publik tregon se kjo reformë i kursen çdo vit operatorëve ekonomikë mbi 50 mijë euro dhe ajo që është më e rëndësishme i kursen 6 mijë kilometra rrugë për dorëzimin e dokumenteve. Tashmë gjithçka mund të kryhet online. Në vitin 2023 mbi 50% e ankimuesve kanë zgjedhur të dorëzojnë ankesat online në krahasim me 40% që kishim në vitin e kaluar, pra në 2022 duke pasur parasysh që nuk është një detyrim ligjor, pra është një zgjedhje midis dorëzimit dixhital apo dorëzimit fizik.”
Të gjitha zhvillimet dhe arritjet në një fushë kaq të rëndësishme siç është ajo e prokurimit publik “kanë marrë vlerësime dhe nga partnerët tanë ndërkombëtarë,” tha Balluku duke shtuar se “kjo na bën të jemi besimplotë se jemi në rrugën e duhur për të ngritur një sistem të prokurimit publik të hapur, transparent dhe të qëndrueshëm, që prodhon konkurrencë të drejtë dhe të shtuar mes kompanive garuese nga një anë dhe siguron ofertën më cilësore për shtetin nga ana tjetër. Jemi të ndërgjegjshëm për punët që kemi përpara, por ne sfidat i marrim me optimizëm dhe kemi besim që do ta garantojmë gjithçka që ne kemi premtuar, sidomos për sa i përket prokurimit publik me standardet më të mira ndërkombëtare.”
Balluku u shpreh gjithashtu se “për Shqipërinë një sistem i qëndrueshëm dhe transparent i prokurimit publik është një sistem i cili kontribuon direkt në ekonominë e një vendi që ka dëshirë të rritet, që ka dëshirë të akomodohet dhe të trajtohet si një vend i barabartë me të gjitha vendet e tjera europiane.”
E . S / SCAN
Sondazh
Importet serbe në Kosovë, rreth 18 mln euro/muaj - Kush humb dhe fiton pas ndalimit të hyrjes së kamionëve me targa serbe në Kosovë
Radhë kamionësh në pikën kryesore kufitare të Merdares, pasi Kosova ndaloi të mërkurën mbrëma hyrjen në territorin e saj të të gjitha automjeteve me targa të......
Mbyllet miniera më e madhe e zinkut në Europë - Arsyet kryesore, rënia e çmimit në bursa dhe rritja e kostove të përgjithshme
Kompania suedeze e minierave Boliden ka njoftuar se do të pezullojë prodhimin në minierën e zinkut Tara në Irlandë, pa specifikuar se kur mund të rifillojë......
A ju bën të plakeni më shpejt drita blu e emetuar nga ekrani i celularit?!
Shpenzimi i shumë orëve - siç bëjnë pothuajse të gjithë - duke parë celularin, ditë e natë, vetëm por edhe në shoqëri, mund të na bëjë të plakemi më shpejt.......
BE “shpërbën” sektorin e reklamave të Google - Kompania dënohet për konkurrencë të padrejtë
Google u akuzua nga rregullatorët e BE-së për praktika anti-konkurruese në biznesin e saj të reklamave dixhitale, të cilat tani mund t'i duhet t’i shesë......
FED mban të pandryshuara normat e interesit - Powell: Shumë herët për të thënë se inflacioni po “tërhiqet”
Rezerva Federale e Shteteve të Bashkuara të Amerikës, mbajti të pandryshuar intervalin e synuar të normës së fondeve federale në 5 % në 5.25 %, pas një vale......
Të rinjtë injorojnë portalet në internet - Instagram, TikTok dhe Snapchat, burimi kryesor i lajmeve
Një raport vjetor i Reuters për Studimet e Gazetarisë tregon ndryshime në mënyrën se si njerëzit ndjekin lajmet. Sipas këtij hulumtimi, nga viti 2018 e deri më......
Macron kritikon BE për Inteligjencën Artificiale - Franca do të investojë 7 mld euro për zhvillimin kombëtar të Inteligjencës Artificiale
Presidenti francez Emmanuel Macron ka bërë të qartë qasjen e tij ndaj aktit të Inteligjencës Artificiale të miratuar një ditë më parë nga Parlamenti Europian.......
Këta ishuj të largët europianë do t'ju paguajnë 80,000 euro për të jetuar atje, por ka një ‘kleçkë’!
Nëse keni ëndërruar ndonjëherë të hiqni dorë nga gjithçka dhe të ‘rishpikni’ jetën tuaj në një ishull të largët, tani mund të jetë shansi juaj. Irlanda ka......
