Inflacioni rikthehet mbi 3%/ Ushqimet nxisin shtrenjtimin, transporti mbetet 11.4% më i kushtueshëm
Inflacioni në Shqipëri u përshpejtua gjatë muajit tetor, duke u rikthyer mbi objektivin prej 3% të Bankës së Shqipërisë. Sipas të dhënave të publikuara nga INSTAT, norma vjetore e inflacionit arriti në 3.4%, nga 2.9% që ishte regjistruar në shtator. Rritja është edhe më e dukshme në krahasim me tetorin e vitit të kaluar, kur inflacioni ishte 2.3%. Ndërkohë, në bazë mujore, çmimet e konsumit u rritën me 0.5%.
Ushqimet rezultojnë faktori kryesor që ka nxitur përshpejtimin e inflacionit, duke rënduar drejtpërdrejt mbi shpenzimet e përditshme të familjeve. Grupi “Ushqime dhe pije joalkoolike” kontribuoi me 1.36 pikë përqindje në inflacionin vjetor, nga 0.96 pikë përqindje në shtator. Kjo do të thotë se vetëm ushqimet shpjegojnë rreth 40% të normës së përgjithshme të inflacionit.
Pas ushqimeve renditet transporti, me një kontribut prej 0.73 pikë përqindje, ndërsa shpenzimet për qiranë, ujin, energjinë elektrike, gazin dhe karburantet e tjera ndikuan me 0.56 pikë përqindje. Së bashku, këto tri kategori kontribuuan me 2.65 pikë përqindje, ose rreth 78% të inflacionit vjetor të tetorit.
Megjithatë, transporti vijon të jetë kategoria me shtrenjtimin më të fortë në terma vjetorë. Krahasuar me tetorin 2025, çmimet në këtë grup janë rritur me 11.4%, ndonëse ritmi është ngadalësuar nga 12.4% në shtator. Në krahasim me muajin e mëparshëm, çmimet e transportit shënuan madje një ulje prej 1.4%.
Pas transportit, rritja më e madhe vjetore u regjistrua në grupin “Argëtim, sport dhe kulturë”, me 7.4%, ndërsa sigurimet dhe shërbimet financiare u shtrenjtuan me 4.4%. Çmimet e ushqimeve u rritën me 4%, kurse shpenzimet për banesën dhe shërbimet e lidhura me të me 2.8%.
Në bazë mujore, rritja më e madhe e çmimeve u regjistrua te veshjet dhe këpucët, me 1.5%, të ndjekura nga ushqimet dhe pijet joalkoolike me 1.2%. Në të kundërt, përveç transportit, ulje çmimesh me 0.1% u regjistrua edhe te restorantet dhe shërbimet e akomodimit.
Rritja e çmimeve në tregjet ndërkombëtare po ushtron presion gjithnjë e më të madh mbi inflacionin në Shqipëri, duke ndikuar në kostot e mallrave dhe produkteve që importohen nga jashtë. Megjithatë, forcimi i lekut kundrejt valutave të huaja ka shërbyer si një faktor mbrojtës, duke zbutur pjesërisht efektin e shtrenjtimit të importeve dhe duke frenuar përcjelljen e plotë të këtyre rritjeve te çmimet që paguajnë konsumatorët shqiptarë.
Energjia, mbrohen nevojtarët - Familjet në nevojë, kushte për ndërprerjen e dritave. Marrëveshje pagese sipas aftësisë paguese
Familjeve me statusin e klientit në nevojë nuk do t’u ndërpritet energjia elektrike për fatura të papaguara pa iu ofruar më parë mundësia për një marrëveshje......
BQE, dueli Holandë-Spanjë - Knot dhe de Cos, në garë për të zëvendësuar Lagarde
Vendet e eurozonës emëruan të premten dy veteranë të bankave qendrore për të pasuar Christine Lagarde në krye të Bankës Qendrore Evropiane, të dy luftëtarë me......
Mbi 6.3 mld euro mallra importe - 10-mujori, zgjerohet deficiti tregtar në Kosovë
Kosova ka importuar mallra në vlerë prej mbi 6.3 miliardë euro gjatë periudhës janar–tetor 2026, ndërsa eksportet arritën në 960 milionë euro. Sipas të......
Sa shpenzoi Kosova për energji? - U importuan 205 mln euro në 10 muaj. Kryesojnë Maqedonia e Veriut dhe Shqipëria
Kosova vazhdon të përballet me varësi të lartë nga importi i energjisë elektrike, duke regjistruar një deficit të konsiderueshëm në tregtinë e këtij sektori.......
Banesa sociale në Shkodër - Hapet tenderi 108 milionë lekë
Drejtoria e Përgjithshme e Mirëmbajtjes së Objekteve Publike ka shpallur një tender me fond limit prej 108 milionë e 484 mijë lekësh për krijimin e banesave......
Falimentimi i bankës digjitale/ Betohet presidenti i ri i Paraguajit, arrestohet ish presidenti Pena
Pedro Alliana u betua si presidenti i ri i Paraguait të premten, pikërisht kur autoritetet vunë paraardhësin e tij të shkarkuar Santiago Peña në arrest......
Marrëveshja Kosovë-BB/ Kurti: Deficiti tregtar një nga sfidat kryesore të ekonomisë së Kosovës
Kryeministri i Kosovës, Albin Kurti ka vlerësuar se deficiti tregtar vazhdon të përbëjë një nga sfidat kryesore për ekonominë e vendit, pavarësisht rritjes......
Shtimi i destinacioneve nga Rinasi/ Karakaçi: Zhvillimit i aviacionit, falë reformave të ndërmarra nga Qeveria Shqiptare
Ministri i Infrastrukturës dhe Energjisë, Enea Karakaçi, ishte sot në Aeroportin Ndërkombëtar të Tiranës “Nënë Tereza”, nga ku u shpreh mbi zhvillimet në......
