Hotelet mirëpresin 60.7% më shumë të huaj - Netë qëndrimet në Nëntor, rekord rritje me 80%
Muaji Nëntor i vitit 2023 ka rezultuar dukshëm më pozitiv sesa ai i një viti më parë përsa i përket turistëve të huaj dhe akomodimit të tyre në vendin tonë. Të dhënat e fundit të "Institutit të Statistikave" për strukturat akomoduese tregojnë se ka patur një rritje të konsiderueshme të shfrytëzimit të kapaciteteve. Kjo rritje është reflektuar si për vizitorët vendas, por dhe për të huajt.
‘Scan Intel’ ka analizuar të dhënat për të kuptuar se sa turistë të huaj zgjodhën Shqipërinë si destinacionin e tyre të pushimeve në muajin Nëntor. Shifrat konfirmojnë se rekordi dhe suksesi i turizmit vazhdon pasi gjatë këtij muaji vendi ynë u vizitua nga 111,865 turistë duke konstatuar kështu një rritje me 43.5%, në krahasim me Nëntorin e vitit të kaluar, pra vitit 2022.
Nëse analizojmë vizitorët sipas tipologjisë themi se në Nëntor të vitit 2023 Shqipërinë e vizituan rreth 63,700 të huaj dhe 48,200 vendas, ose 60.3% dhe 26% më shumë respektivisht. Krahasimisht me të njëjtën periudhë të një viti më parë edhe netëqëndrimet u rritën gjithsej me 79.8%. Në terma specifikë themi se numri i netë qëndrimeve nga vendasit është rritur me 55.7% dhe nga të huajt numri i netë qëndrimeve është rritur me 97.5%. Gjatë këtij muaji, norma e shfrytëzimit të dhomave është 12.7%, nga 9.7% që ishte në muajin Nëntor 2022. Ndërkohë, norma e shfrytëzimit të shtretërve është 16.2%, kundrejt 9.1% që ishte në muajin Nëntor të vitit të shkuar.
Përsa i përket rajonit ku janë akomoduar turistët duket se edhe në muajin Nëntor rajoni i Qendrës ka qenë më i “lakmuari” pasi u akomoduan gjithsej 58,215 vizitorë gjithsej prej të cilëve 67.3% e tyre ishin të huaj. Nga ana tjetër, 32.7% vizitorëve u akomoduan në rajonin e Veriut dhe Jugut.
Turistët e huaj në Shqipëri paraqiten diversë pasi vijnë nga vende të ndryshme të botës. Në muajin Nëntor na vizituan 10.7% turistë nga Kosova, 10.5% nga Italia, 4.6% nga Gjermania dhe 2.8% nga Mbretëria e Bashkuar.
Armela Duka / SCAN
Sondazh
Dollari e mbyll javën në rritje modeste ndaj lekut - Në tregjet ndërkombëtare realizon fitime javore prej rreth 1%
Tregu i brendshëm valutor e ka mbyllur edhe këtë javë me ndryshime të vogla, ndërsa vihet re një forcim i lehtë i dollarit amerikan, në raport me lekun.......
Njohje pensioni për mbi 3 mijë shqiptarë në Kroaci - Me cilat shtete ka marrëveshje Shqipëria për bashkimin e periudhave kontributive?
Mbi 3000 shtetas shqiptarë, të cilët jetojnë e punojnë në Kroaci, do të përfitojnë njohje të periudhave kontributive për efekt pensioni, por jo vetëm.......
Çfarë eksportuam më shumë në vitin 2023? - Industria fasone më e goditura. Me rënie paraqiten edhe lëndët djegëse
Rënia e ndjeshme e çmimeve, si për produktet e importit, ashtu edhe për ato të eksportit e ka mbyllur vitin 2023 me një `tkurrje` të ndjeshme të tregtisë së......
Bitcoin rikuperon një pjesë të humbjeve - Ngjitet në mbi 41,000 USD, por tendenca në rënie mund të rikthehet
Tregu i kriptomonedhave ka rifituar një pjesë të humbjeve të sesionit të kaluar, me bitcoin që u ngjit në mbi 41,000 dollarë, por megjithatë analistët mendojnë......
Nafta Brent e mbyll javën pranë 79 USD - Mbështetet nga tensionet në Lindjen e Mesme dhe i ftohti në SHBA
Nafta po tregtohet në rritje gjatë sesionit të sotëm duke zgjeruar fitimet e një dite më parë, si rrjedhojë e tensioneve gjeopolitike në Lindjen e Mesme dhe......
Mosmarrëveshjet e bizneseve, jashtë gjykatave - Manja: Epokë e re. Do u kursehet shqiptarëve kohë dhe shpenzime
Ministri i Drejtësisë, Ulsi Manja, ka prezantuar ligjin “Për Arbitrazhin në Republikën e Shqipërisë”. Ai e quajti këtë ligj të miratuar vitin e shkuar, epokë......
Rregulla të reja për zhdoganimet e mallrave në kufi - Digjitalizim total i procedurave për bizneset, ulet koha e pritjes
Në tre vitet e ardhshme qeveria shqiptare synon që të eliminojë ndjeshëm barrierat jo tarifore me të cilat përballen bizneset eksportuese si dhe të ulë kohën e......
Dekarbonizimi dhe siguria energjitike - Balluku në Athinë: 'Do të përfitojmë edhe nga projektet që po zhvillohen në vendet fqinje'
Zëvendëskryeministrja, njëherësh ministre e Infrastrukturës dhe Energjisë, Belinda Balluku ka qënë pjesmarrëse në zhvillimin e Ministerialit të Europës......
