Guvernatori i ri i Bankës së Kosovës - Kush është Ahmet Ismaili?
Parlamenti i Kosovës pas propozimit të Komisionit për Buxhet, Punë dhe Transfere, ka zgjedhur Ahmet Ismailin për postin e Guvernatorit të Bankës Qendrore të Kosovës - BQK.
Emërimi i tij duhet të bëhet nga Presidentja e vendit duke zyrtarizuar mandatin 5-vjeçar të Guvernatorit.
Ahmet Ismaili ka lindur në Podujevë, dhe studimet universitare i ka përfunduar në Universitetin e Prishtinës, në Drejtimin Banka dhe Financa të Fakultetit Ekonomik. Përtej studimeve universitare, Ismaili ka marrë edhe titullin doktor i shkencave ekonomike në drejtimin Banka dhe Financa, nga Fakulteti Ekonomik i Universitetit të Prishtinës.
Bazuar në CV-në e tij dhe profilin e tij në platformën LinkedIn, Guvernatori i ri i BQK-së ka mbi 18 vjet përvojë pune profesionale në nivele të larta drejtuese, si në industrinë private financiare, ashtu edhe në sektorin publik. Fillimisht, ai ka punuar si bankier në pozita të ndryshme përfshirë edhe pozita të larta menxheriale, si në sektorin bankar, ashtu edhe në atë të sigurimeve, duke vazhduar pastaj në role menaxhuese në sektorin publik.
Ismaili deri tani kishte postin e Drejtorit Menaxhues dhe Anëtarit të Bordit në Fondin e Kosovës për Efiçiencë të Energjisë. Kurse para këtij roli, ai ka mbajtur poste si ai i Drejtorit të Thesarit të Shtetit, për një mandat të plotë, ku paralelisht ka qenë edhe anëtar i Komitetit Kombëtar të Pagesave në BQK.
Ai ka shërbyer edhe si Anëtar Bordi dhe Anëtar i Komitetit të Auditimit në Fondin për Sigurimet Shëndetësore. Në këto role, Ismaili ka përfaqësuar Republikën e Kosovës në institucionet kryesore financiare ndërkombëtare, siç janë sesionet dhe takimet e Fondit Monetar Ndërkombëtar dhe Bankës Botërore, si dhe sesionet dhe takimet e Thesareve dhe Bankave Qendrore të shteteve të tjera, duke përfshirë rajonin, Europën dhe Shtetet e Bashkuara të Amerikës.
Guvernatori i ri është 39 vjeç, i martuar, ka tre fëmijë dhe jeton në Prishtinë bashkë me familjen.
Dorina Kurtaj / SCAN
Sondazh
E ardhmja e Ballkanit Perëndimor – Balluku: Energjia e pastër duhet të jetë fokusi i secilit prej shteteve!
Zëvendëskryeministrja e vendit, njëherësh Ministre e Infrastrukturës dhe Energjisë, Belinda Balluku mori pjesë në një koferencë të organizuar në Librarinë e......
Kompanitë greke po e rikthejnë vëmendjen nga Shqipëria - Belibassakis: Ka potencial të madh, ekzistojnë shumë sektorë tërheqës për investime
Kompanitë greke po rikthejnë vëmendjen për të investuar në Shqipëri, në sektorë të ndryshëm që cilësohen me potencial. Në një intervistë për televizionin Scan,......
721 shqiptarë hoqën dorë nga nënshtetësia - Dominon grupmosha e re, por rriten ndjeshëm të huajt që morën pasaportën shqiptare
Janë 125 persona azilkërkues që kanë hyrë në Shqipëri përgjatë vitit 2022, referuar të dhënave të Drejtorisë së Azilit të të Huajve dhe Shtetësisë, pranë......
Shqipëria, gati për të lënë listën gri për pastrimin e parave - Deralla: Janë plotësuar kriteret, sistemi bankar zhvillim pozitiv
Shqipëria duket se ka përmbushur kriteret për të dalë nga lista gri sa i takon parandalimit të pastrimit të parave. Drejtori i Departamentit të Mbikëqyrjes në......
Në cilët sektorë punësohen më shumë shqiptarët? - Bujqësia “akomodon” pjesën më të madhe të forcës së punës
Pavarësisht problematikave dhe vështirësive që has, sektori bujqësor është ai që mban “gjallë” punësimin në vend edhe pse pagesat janë ndër më të ulëtat në......
Iu hiqet ndihma ekonomike, por “përtojnë“ të punojnë! - Si u menaxhuan 16.500 qytetartë që u konsideruan të aftë për punë?
Ndihma ekonomike e dhënë nga shteti për individë ne moshë aktive pune është konsideruar si një pengesë për punësimin e tyre, ndaj është ndërmarrë një......
Një mision indian në Hënë – Cili është qëllimi i tij?
Nëse do të ketë sukses, do të ishte vendi i katërt në botë që ulet në satelitin tonë! India është gati të nisë misionin e saj të ardhshëm hënor. Platforma e......
Google akuzohet për vjedhje të dhënash nga miliona përdorues për të trajnuar mjetet e tij të AI!
Google u godit me një padi të re duke pretenduar se gjigandi i teknologjisë ka vjedhur të dhënat nga miliona përdorues pa pëlqimin e tyre dhe ka shkelur ligjet......
