Gjermania mbyll dyert? - Kuota për punëtorët e Ballkanit përgjysmohet nga 2027
Gjermania planifikon të përgjysmojë kuotën vjetore për punësimin e qytetarëve nga Ballkani Perëndimor, duke e ulur nga 50 mijë në 25 mijë persona, duke nisur nga janari i vitit 2027. Ndryshimi prek gjashtë vendet e rajonit që përfitojnë nga skema e posaçme e punësimit në shtetin gjerman.
Sipas Agjencisë Federale të Punësimit, në shtator të vitit 2026, rreth 546 mijë shtetas të Shqipërisë, Kosovës, Serbisë, Bosnjë-Hercegovinës, Malit të Zi dhe Maqedonisë së Veriut ishin të punësuar në Gjermani dhe paguanin kontribute të sigurimeve shoqërore. Numri i tyre është rritur me rreth 170 mijë gjatë pesë viteve të fundit.
Rregullorja për Ballkanin Perëndimor, në fuqi që prej vitit 2016, u mundëson qytetarëve të këtyre vendeve të punojnë në Gjermani edhe në profesione që nuk kërkojnë domosdoshmërisht kualifikim formal. Megjithatë, kuota aktuale nuk ka mjaftuar për të përballuar të gjitha kërkesat. Ajo u tejkalua që në vitin 2025 dhe pritet të shterohet sërish përpara fundit të vitit 2026.
Agjencia Federale e Punësimit kërkon që kuota të mbetet në nivelin aktual prej 50 mijë personash. Vanessa Ahuja, anëtare e bordit të institucionit, thekson se skema ka ndihmuar integrimin e punëtorëve nga Ballkani në tregun gjerman. Sipas saj, 53% e punëtorëve të përfshirë në këtë program, rreth 287 mijë persona, janë të punësuar në pozicione që kërkojnë aftësi profesionale, ndërsa rreth 45% punojnë në profesione ku Gjermania ka mungesë të fuqisë punëtore.
Përgjysmimi i kuotës mund ta vështirësojë rekrutimin për kompanitë gjermane, veçanërisht në ndërtim, transport, logjistikë, gastronomi dhe kujdesin shëndetësor. Megjithatë, masa e planifikuar nuk nënkupton ndalimin e punësimit të qytetarëve të vendeve të rajonit, pasi do të vijojnë të ekzistojnë edhe rrugë të tjera ligjore për migrimin për punë.
Alberta zgjedh Kanadanë - 77% kundër ndarjes, Carney përshëndet votën për unitetin kombëtar
Krahina kanadeze e Albertës ka refuzuar me shumicë dërrmuese lëvizjen drejt pavarësisë, duke konfirmuar mbështetjen për qëndrimin brenda Kanadasë.......
Bumi i blerjeve online - Maqedonia Veriut shënon rekord. 530 milionë euro shpenzime në gjashtë muaj
Qytetarët e Maqedonisë së Veriut kanë shpenzuar mbi 530 milionë euro për blerje online gjatë gjashtë muajve të parë të vitit 2026. Sipas të dhënave të Bankës......
Nafta, SHBA merr kryesimin/ Importet në Shqipëri, Arabia Saudite humbet terren
Pas nisjes së konfliktit në Lindjen e Mesme, Shqipëria po paguan dukshëm më shumë për importet e lëndëve djegëse minerale, vajrave minerale dhe produkteve të......
Hartë e re e vlerës së tokës? - ASHK analizon mbi 33 mijë transaksione të kryera në 8 vite
Agjencia Shtetërore e Kadastrës po punon për përgatitjen e hartës së vlerës së tokës, proces i cili ka nisur gjatë vitit 2025, duke analizuar mijëra......
Rikonstruksion i rrugës “Pavarësia” - Investim 100 mln lekë në Qerret. Synohet përmirësimi i kushteve për turistët
Bashkia Kavajë ka shpallur hapjen e garës për rikonstruksionin e rrugës “Pavarësia e Kosovës”, në zonën bregdetare të Qerretit. Fondi limit për realizimin e......
Dënimi penal, ulje e moshës? - Rama: Po mendojmë masa më të forta ndaj të miturve
Në një takim me drejtorët e gjimnazeve të Tiranës, Kryeministri Edi Rama tha se qeveria po studion mundësinë e uljes së moshës për përgjegjësinë penale. Ai......
Protestat, Qeveria miraton shpërblimet për policinë, nga 269.120 lekë për 2750 efektivë
Qeveria në mbledhjen e saj të kësaj të hëne ka miratuar dhënie shpërblimi financiar në vlerën 269 120 lekë për 2 750 punonjës të Policisë së Shtetit të......
Europa synon Arktikun - Kabllo nënujore për të forcuar sigurinë digjitale mes tensioneve gjeopolitike
Bashkimi Europian po planifikon ndërtimin e një kablloje të sigurt nënujore që do të lidhë drejtpërdrejt Groenlandën me Europën, me synimin për ta zgjeruar......
