Euro “anulon” dy muaj/ Prek nivelin më të lartë prej 1 Qershorit, pranë 110 lekëve
Monedha e përbashkët europiane ka prekur nivelin më të lartë që prej datës 1 Qershor në tregun e brendshëm valutor, kundrejt Lekut. Kështu, sipas Bankës së Shqipërisë, këtë të enjte, euro ka prekur një nivel mesatar mes shitjes dhe blerjes prej 109.08 lekëve. Hera e fundit që euro këmbëhej pranë këtyre niveleve ka qenë data 1 Qershor e këtij viti. Shifrat zyrtare sinjalizojnë se në vetëm dy ditë tregtie euro ka fituar 3 pikë kundrejt lekut, ndërkohë që rritje ka krijuar edhe përgjatë ditës së enjte në tregun sekondar.
Nëse analizojmë shifrat kuptojmë se përgjatë gushtit, pra që prej datës 1 të muajit, ndër 18 ditët që ka pasur kurs zyrtar nag Banka e Shqipërisë, në 12 prej tyre, euro ka qenë me rritje, dhe në vetëm 6 prej tyre me rënie. Në total, mesatarisht gjatë gushtit euro ka fituar 0.35 pikë kundrejt lekut, ndërkohë që gjatë periudhës 17 Maj, kur filloi rënia edhe rënia e lirë e monedhës së përbashkët, e deri në fund të muajit Korrik, monedha humbiste mesatarisht çdo ditë rreth 0.16 pikë kundrejt lekut.
Më 20 Korrik euro prekur nivelin më të ulët historik në tregun tonë, prej rreth 100.5 lekësh mesatarsisht, ndërkohë që vetëm më 3 Gusht ka nisur trajektorja rritëse.
Pra, në vetëm pak ditë, euro ka rifutuar atë që humbi në diçka më shumë se dy muaj. Faktorët që kanë nxitur këtë tendencë të rritjes së monedhës së përbashkët europiane në tregun tonë mbeten disi të paqartë, sidomos duke pasur parasysh faktin se, ka ardhur në një periudhë të pazakontë, në kulm të sezonit turistik dhe me prurje të mëdha të valutës nga turistët. Një shpjegim mund të jenë ndërhyrjet në treg dhe me vlera të konsiderueshme nga aktorë të mëdhenj të tregut, çka ngre edhe pikëpyetje për qendrueshmërinë e kësaj trajektoreje.
Në një kohë që nga kjo zhvendosje e kursit të këmbimit mes euros dhe lekut kanë amortizuar disi humbjet eksportuesit dhe bizneset që pranojnë monedhë të huaj, si ato që operojnë në sektorin turistik, ngrihen pikepyetje të tjera mbi efektin që do të ketë forcimi i euros në normën e inflacionit në vendin tonë, në rast se kjo tendencë do të vijojë edhe më tej, dhe gjasat janë, që me mbarimin e sezonit turistik, euro të forcohet edhe më tej në “kurriz” të Lekut.
Sondazh
Shqipëria “shpërthen” edhe në `Google`/ Këtë vit është “gugëlluar” 2 herë më shumë se vitin e kaluar, kryeson Italia
“Shpërthimi” i turizmit këtë vit është vënë re si me perceptim të kujtdo, ashtu edhe nëpërmjet shifrave publike të hyrje daljeve të shtetasve të huaj, apo edhe......
Çmimet po afrohen drejt mesatares europiane/ Janë shtrenjtuar me 5% në qershor, në BE inflacioni në 6.1%
Instituti i Statistikave ka publikuar Indeksin e Harmonizuar të Çmimeve të Konsumit për muajin Korrik të vitit 2023, që mat rritjen e çmimeve sipas metodës së......
Nënçmimi i euros dhe inflacioni 'fundosin' eksportet/ Bien me 4% gjatë korrikut, ndikuan kryesisht materialet e ndërtimit
Të dhënat nga “Instituti i Statistikave” tregojnë se eksportet po ‘fundosen’ si pasojë e nënçmimit të euros, por edhe nga ndikimi i ritmeve më të ngadalta të......
Turizmi, rritja më e ulët e çmimeve ndër vite/ E thotë Instat, vetëm 1.5% janë shtrenjtuar hotelet, 2.7% argëtimi, 5.1% restorantet
Sipas shifrave më të fundit të Institutit të Statistikave mbi indeksin e çmimeve të konsumit, çmimet në sektorin e turizmit këtë sezon veror janë rritur me një......
Inflacioni, niveli më i ulët që nga nisja e krizës/ Pranë 4.2% në Korrik, ngadalësohen edhe ushqimet, por argëtimi thyen rekord
Inflacioni në vendin tonë ka prekur gjatë Korrikut nivelin më të ulët që prej nisjes së krizës së çmimeve në fillim të vitit 2022. Kështu, shifrat zyrtare nga......
Kredia ndaj privatit, rritje me 35% në Qershor/ Transporti, industria përpunuese, hoteleria/restorantet, dhe `real estate` kryesojnë vrullin
Huaja e re drejt sektorit privat jofinanciar gjatë Qershorit fiksohet pranë rreth 20 miliardë lekëve, në rritje të ndjeshme krahasuar me të njëjtën periudhë të......
Shqipëria, 7.5% më e motorizuar se në 2021-shin/ “Benzi” vijon kryesimin si më i pëlqyeri, "Audi" dhe "Toyota" me rritjen më të lartë
Viti 2022 ka shënuar rritje të mjeteve rrugore që qarkullojnë në Republikën e Shqipërisë, të regjistruar me status “Aktiv". Sipas shifrave numri gjithsej i......
As BSH nuk e ndal dot kolapsin e euros/ Rezerva ndërkombëtare, rekord në Qershor. U blenë 600 milionë euro në një muaj
Banka e Shqipërisë ka blerë rreth 600 milionë euro gjatë muajit Qershor, në përpjekje për të stabilizuar kursin e këmbimit mes monedhës së përbashkët europiane......
