Turizmi, rritja më e ulët e çmimeve ndër vite/ E thotë Instat, vetëm 1.5% janë shtrenjtuar hotelet, 2.7% argëtimi, 5.1% restorantet
Sipas shifrave më të fundit të Institutit të Statistikave mbi indeksin e çmimeve të konsumit, çmimet në sektorin e turizmit këtë sezon veror janë rritur me një hap më të ngadaltë se vitet e kaluara. Të dhënat i referohen muajit Korrik, duke përkuar kështu me kulmin e sezonit turistik. Çmimet e akomodimit, si një ndër zërat kryesorë në buxhetin e pushimeve për një familje, sipas Instat janë rritur me vetëm 1.5% gjatë muajit korrik, krahasuar me të njëjtën periudhë të një viti më parë. Kjo është rritja më e ulët që prej Korrikut të vitit 2017, kur çmimet ishin në stanjacion, pra zero ndryshim krahasuar me vitin e kaluar. Gjatë 2022-shit ndërkohë, në kulmin e krizës së çmimeve, shërbimet e akomodimit shtrenjtoheshin me 3.3% në terma vjetorë, në 2021-shin me 2.5%, 2020-ën me 3.7% dhe 2019-ën me plot 3.8%. Madje, rritja e çmimit për hotelet dhe akomodimin në tërësi këtë vit në Shqipëri rezulton të jetë ndjeshëm më e ulët edhe se mesatarja historike që prej vitit 2009, që fiksohet në 2.2%.
Thënë më shkurt, nëse një vit më parë, marrim si shembull një natë akomodimi në hotel që kushtonte 5000 lekë, sipas Instat, ky çmim është ngjitur pranë 5075 lekëve këtë vit, pra në rritje me vetëm 75 lekë, ose diçka më pak se një euro.
Edhe çmimet nëpër kafene dhe restorante janë rritur në Korrik me një hap më të ngadaltë se viti i kaluar, tregojnë shifrat e analizuara dhe përpunuara nga “Scan Intel”. Ky zë regjistrohet pranë 5.1% rritje, nga 6.3% që ishte rritja e çmimeve Korrikun e vitit të kaluar. Pavarësisht se rritja e çmimeve për këtë zë është më e ngadalatë se një vit më parë, vijon të mbetet ndjeshëm mbi mesataren historile. Shërbimet e transportit, si një zë tjetër që zë deri diku peshë gjatë pushimeve janë shtrenjtuar vetëm 1.9% këtë Korrik, ndjeshëm nën nivelin e dy viteve të kaluara, si dhe pranë mesatares historike, që fiksohet pranë 1.7%. Ky zë përshin transportin si shërbim dhe blerjen apo shërbimin ndaj mjeteve personale, dhe jo çmimin e karburantit, pasi ky zë është më vete. Edhe në këtë pjesë ka disa pikëpyetje sa i përket saktësisë së matjes, pasi gjatë kulmit të krizës së hidrokarbureve, rritja sipas Instat figuronte në nivele mjaft të ulta nga realiteti. Ndërkohë që çmimi i karburantit në vendin tonë u rrit deri në mbi 40% në tregun me pakicë, sipas instat, rritja e çmimeve për këtë zë nuk i kalonte 10%. Madje në Korrik 2022, çmimet e “lëndëve djegëse dhe energjisë” si zë më vete rriteshin vetëm me 4.5%, ndërkohë që nafta tregtohej me pakicë edhe mbi 240 lekë.
Në këtë analizë kemi marrë edhe dy zëra të tjerë që mund të lidhen direkt ose indirekt me pushimet dhe turizmin; pijet alkoolike dhe argëtimin e kulturën. Për këtë të fundit, rritja e çmimeve në Korrik fiksohet pranë 2.7%, lehtë mbi nivelin e vitit të kaluar, kur fiksohej në 1.8%. Sa i përket pijeve alkoolike, kemi një ngadalësim të ritmit të rritjes së çmimeve, pranë 3.2% këtë sezon veror, nga 4.7% një vit më parë, apo 3.4% gjatë 2021-shit.
Pra, sipas Instat, të paktën referuar muajit Korrik, rritja e çmimeve për shërbimet dhe mallrat kryesorë për pushime është thuajse e papërfillshme krahasuar me një vit më parë. Por, nga ana tjetër, të dhëna të tjera, si ato të Barometrit të Ballkanit nga Këshilli i Bashkëpunimit Rajonal (RCC) tregojnë se 60% e shqiptarëve nuk i përballojnë dot një javë pushime në vit. Ndërkohë, këtë vit Shqipëria është dyndur nga turistë të huaj, në rritje me 33% në gjysmën e parë të vitit, dhe deri në Dhjetor me shumë gjasa do të thyhet me diferencë të ndjeshme rekordi i mëparshëm historik, dhe një ndër faktorët kryesorë të këtij “boomi” është konkurrueshmëria e çmimeve të sektorit, sidomos krahasuar me vende si Kroacia, Greqia, apo edhe Italia.
Sondazh
Inflacioni, niveli më i ulët që nga nisja e krizës/ Pranë 4.2% në Korrik, ngadalësohen edhe ushqimet, por argëtimi thyen rekord
Inflacioni në vendin tonë ka prekur gjatë Korrikut nivelin më të ulët që prej nisjes së krizës së çmimeve në fillim të vitit 2022. Kështu, shifrat zyrtare nga......
Kredia ndaj privatit, rritje me 35% në Qershor/ Transporti, industria përpunuese, hoteleria/restorantet, dhe `real estate` kryesojnë vrullin
Huaja e re drejt sektorit privat jofinanciar gjatë Qershorit fiksohet pranë rreth 20 miliardë lekëve, në rritje të ndjeshme krahasuar me të njëjtën periudhë të......
Shqipëria, 7.5% më e motorizuar se në 2021-shin/ “Benzi” vijon kryesimin si më i pëlqyeri, "Audi" dhe "Toyota" me rritjen më të lartë
Viti 2022 ka shënuar rritje të mjeteve rrugore që qarkullojnë në Republikën e Shqipërisë, të regjistruar me status “Aktiv". Sipas shifrave numri gjithsej i......
As BSH nuk e ndal dot kolapsin e euros/ Rezerva ndërkombëtare, rekord në Qershor. U blenë 600 milionë euro në një muaj
Banka e Shqipërisë ka blerë rreth 600 milionë euro gjatë muajit Qershor, në përpjekje për të stabilizuar kursin e këmbimit mes monedhës së përbashkët europiane......
Transporti ruan momentin pozitiv/ Rreth 11% më shumë mallra në tremujorin e dytë të vitit, pasagjerët me 31% rritje
Shifrat e transportit të mallrave vijojnë në një trajektore të qëndrueshme edhe për tremujorin e dytë të këtij viti si pasojë e rënies së çmimeve. Pas një......
Gara e turizmit, si pozicionohet Shqipëria? 2.7 të huaj për banor, këtë vit mund t`ia kalojë Greqisë dhe Malit të Zi
Gjatë vitit të kaluar në total në Shqipëri kanë hyrë rreth 7.5 milionë shtetas të huaj, duke thyer një rekord të ri historik. Ky vit ndërkohë premton shifra......
Ndryshimet klimatike, shqiptarët më të “frikësuarit” e rajonit/ Barometri i Ballkanit: 65% e mendojnë si kërcënues për shëndetin e tyre, të parët në rajon
Shqiptarët duket të jenë më të shqetësuarit në rajon sa i përket ndryshimeve klimatike, vihet re në gjetjet e Barometrit të Ballkanit për vitin 2023, të......
Jo vetëm euro në kolaps/ Në 46 ditë, 5 valutat kryesore humbën deri në 14% të vlerës. “Udhëheq” dollari amerikan
Euro ka prekur në tregun tonë valutor atë nivel që shifrat e paralajmëronin prej muajsh; “barazinë” me Lekun, pra 1 euro konvertohen në vetëm 100 lekë, dhe......
