Kredia ndaj privatit, rritje me 35% në Qershor/ Transporti, industria përpunuese, hoteleria/restorantet, dhe `real estate` kryesojnë vrullin
Huaja e re drejt sektorit privat jofinanciar gjatë Qershorit fiksohet pranë rreth 20 miliardë lekëve, në rritje të ndjeshme krahasuar me të njëjtën periudhë të një viti më parë, kur fiksohej pranë rreth 15 miliardë lekëve. Në terma nominal rritja është pranë 35%. Shifrat tregojnë se krahasuar me vitet paraardhëse, kjo është shifra më e lartë që prej Qershorit të vitit 2020, kur kredia e re për sektorin privat fiksohej në 21.1 miliardë lekë. Ky vit mban ende rekordin historik për këtë tregues, të paktën që prej vitit 2016.
Por, ajo që bie në sy nga shifrat është huaja e re sipas sektorëve, ku spikasin disa prej tyre. Transporti dhe magazinimi si sektor kanë marrë rreth 2.7 miliardë lekë kredi të re gjatë muajit Qershor. Kjo shifër gjatë viteve të kaluara ka qenë disa herë më e ulët. Në Qershor të vitit 2022 fiksohej pranë vetëm 149 milionë lekëve, ndërkohë që rekordi i mëparshëm ishte ai i Qershorit të vitit 2019, me rreth 469 milionë lekë kredi të re për sektorin në një muaj. Mesatarja historike e periudhës ndërkohë fiksohet pranë 257 milionë lekëve, çka do të thotë se Qershori i këtij viti regjistron një rritje prej më shumë se 10 herë. Në Gusht 2020 ndërkohë regjistrohet rekordi absolut, nëse në analizë marrim çdo muaj, jo vetëm qershorin, prej diçka më shumë se 4 miliardë lekë. Qershori i këtij viti vjen direkt në vend të dytë.
Një tjetër sektor që regjistron rritje të ndjeshme të kreditimit gjatë Qershorit është ai i industrisë përpunuese, me rreth 3.1 miliardë lekë gjatë muajit të gjashtë të vitit, në rritje të ndjeshme krahasuar me një vit më parë, kur kjo shifër ishte pranë 2.1 miliardë lekëve. Me rreth 3.7 miliardë lekë, rekordin vijon ta mbajë muaji Qershor i vitit 2019. Për këtë sektor duket se ka dhënë efekt zhvlerësimi i euros, duke ndikuar në të ardhurat dhe likuiditetin e prodhuesve dhe eksportuese. Kjo mungesë likuiditeti duket se është reflektuar në një rritje domethënëse të huamarrjes nga sektori bankar në vend.
Me rreth 1.3 miliardë lekë kredi të re gjatë Qershorit, rritje të konsiderueshme regjistron edhe sektori i “Akomodimit dhe shërbimit ushqimor”. Në këtë rast kemi të bëjmë me një rekord historik, pasi asnjëherë ma parë kjo periudhë e vitit nuk ka regjistruar një shifër më të lartë. Rekordi i mëparshëm mbahej nga viti i kaluar, me diçka më shumë se 800 milionë lekë.
Shëndetësia është gjithashtu një sektor me rritje të ndjeshme të kreditimit gjatë Qershorit, edhe pse mbetet në vlera të ulta krahasuar me sektorët që dominojnë portofolin e kredisë, duke marrë vetëm 640 milionë lekë kredi të re në një muaj. Edhe sektorë si “Aktivitete financiare dhe të sigurimit”, si dhe “Aktivitete të pasurive të paluajtshme regjistrojnë rritje të ndjeshme, ndërkohë që në rënie janë “Industria nxjerrëse”, “Energjia elektrike” si dhe “Tregtia, me shumë dhe pakicë”.
Sondazh
Shqipëria, 7.5% më e motorizuar se në 2021-shin/ “Benzi” vijon kryesimin si më i pëlqyeri, "Audi" dhe "Toyota" me rritjen më të lartë
Viti 2022 ka shënuar rritje të mjeteve rrugore që qarkullojnë në Republikën e Shqipërisë, të regjistruar me status “Aktiv". Sipas shifrave numri gjithsej i......
As BSH nuk e ndal dot kolapsin e euros/ Rezerva ndërkombëtare, rekord në Qershor. U blenë 600 milionë euro në një muaj
Banka e Shqipërisë ka blerë rreth 600 milionë euro gjatë muajit Qershor, në përpjekje për të stabilizuar kursin e këmbimit mes monedhës së përbashkët europiane......
Transporti ruan momentin pozitiv/ Rreth 11% më shumë mallra në tremujorin e dytë të vitit, pasagjerët me 31% rritje
Shifrat e transportit të mallrave vijojnë në një trajektore të qëndrueshme edhe për tremujorin e dytë të këtij viti si pasojë e rënies së çmimeve. Pas një......
Gara e turizmit, si pozicionohet Shqipëria? 2.7 të huaj për banor, këtë vit mund t`ia kalojë Greqisë dhe Malit të Zi
Gjatë vitit të kaluar në total në Shqipëri kanë hyrë rreth 7.5 milionë shtetas të huaj, duke thyer një rekord të ri historik. Ky vit ndërkohë premton shifra......
Ndryshimet klimatike, shqiptarët më të “frikësuarit” e rajonit/ Barometri i Ballkanit: 65% e mendojnë si kërcënues për shëndetin e tyre, të parët në rajon
Shqiptarët duket të jenë më të shqetësuarit në rajon sa i përket ndryshimeve klimatike, vihet re në gjetjet e Barometrit të Ballkanit për vitin 2023, të......
Jo vetëm euro në kolaps/ Në 46 ditë, 5 valutat kryesore humbën deri në 14% të vlerës. “Udhëheq” dollari amerikan
Euro ka prekur në tregun tonë valutor atë nivel që shifrat e paralajmëronin prej muajsh; “barazinë” me Lekun, pra 1 euro konvertohen në vetëm 100 lekë, dhe......
60% e shqiptarëve s`bëjnë dot pushime/ Kemi `boom` turistësh të huaj, por vetë jemi më të pamundurit në rajon
Në një kohë që turistët nga vendet e tjera të botës duket se janë dyndur në Shqipëri gjatë këtij viti, dhe sidomos gjatë sezonit të verës, siç e konfirmojnë......
Shqiptarët, të `vuajturit` e rajonit/ Barometri i Ballkanit: Qytetarët në Shqipëri më të pakënaqur se fqinjët
Në një kohë që niveli i përgjithshëm i kënaqësisë dhe perceptimit të situatave sociale dhe ekonomike të shqiptarëve nuk ka ndryshuar shumë me një vit më parë,......
