Rritet pesha e punonjësve me pagë minimale/ Tremujori i tretë sjell surpriza në tregun e punës
Tregu shqiptar i punës ka shënuar një ndryshim të qartë në strukturën e pagave gjatë dy viteve të fundit. Pagat më të ulëta janë tkurrur me ritme të shpejta, shtresat e mesme janë forcuar, ndërsa segmenti i pagave të larta po rritet vazhdimisht, edhe pse me hapa më të ngadaltë. Këto lëvizje flasin për një transformim të brendshëm të ekonomisë, të diktuar si nga presionet e tregut, ashtu edhe nga politikat e pagave.
Por, tremujori i tretë i vitit 2025 sjell një ndryshim interesant për segmentin e pagës minimale.
Në tre muajt e tretë të vitit vërehet një ulje e numrit të punonjësve me pagë minimale, krahasuar me një vit më parë, por krahasuar me tremujorin e dytë të po të njejtit vit pesha është rritur. Nga 12.4%, pesha është ngjitur në 12.7%. Kjo rritje e lehtë mund të lidhet me punësime sezonale ose me hyrje të reja në tregun e punës që nisin pikërisht nga niveli minimal i pagës.
Nga ana tjetër, krahasuar me tremujorin e dytë duket se kanë ngecur fashat e pagave nga 95 mijë lekë deri në 120 mijë lekë dhe nga 50 mijë lekë deri në 60 mijë lekë.
Ndërkohë është shtuar kategoria e punonjësve që marrin paga të larta. Kjo zhvendosje sugjeron një shpërndarje më të balancuar të të ardhurave dhe një strukturë pagash më të orientuar drejt niveleve të mesme dhe të larta.
Segmenti i të punësuarve që përfitojnë mbi 120,000 lekë në muaj po rritet në mënyrë të qëndrueshme. Nga nivelet rreth 9-10% në vitin 2023, ai ngjitet në 13-14% gjatë vitit 2024 dhe vazhdon të rritet lehtë në 2025 në 14.2%. Ky trend pasqyron kërkesën gjithnjë e më të madhe për profesionistë të kualifikuar dhe për pozicione që lidhen me sektorë me produktivitet më të lartë.
Megjithatë, kjo rritje tregon edhe një realitet tjetër, segmenti i pagave të larta ende mbetet i ngushtë. Shqipëria është larg krijimit të një tregu pune me një bazë të gjerë profesionistësh të paguar mirë, gjë që kufizon potencialin e shpejtë të zhvillimit ekonomik.
Kadastra, tërësisht digjitale në fund të 2026-ës - 10 shërbime të automatizuara dhe pagesë direkt nga e-Albania
Agjencia Shtetërore e Kadastrës pritet që në fund të vitit të ardhshëm të shndërrohet në një institucion tërësisht digjital. Drejtoresha e përgjithshme......
A dinë sipërmarrësit shqiptarë të gjurmojnë fondet europiane? - Sefa: Shumë pak biznese aksesojnë dhe menaxhojnë financimet e BE
Alokimi i fondeve nga Bashkimi Europian synon të ndihmojë bizneset shqiptare të rrisin standardet dhe të përshtaten me tregun europian. Por, sa të......
Plani 10-vjeçar i gazit - ERE shtyn sërish miratimin, kërkon nga ALBGAZ dokumente shtesë
Enti Rregullator i Energjisë ka shtyrë miratimin e planit 10-vjeçar të investimeve të shoqërisë shtetërore ALBGAZ, për shkak të mosplotësimit të plotë të......
Shqipëria, e ndarë në 3 rajone ekonomike - Analiza/ Zhvillim i pabarabartë, dominon qendra
Ekonomia shqiptare po ndahet në tre rajone, të cilat nuk kanë ritme të barabarta zhvillimi. Referuar një analize të bërë nga ALTAX, rritja kombëtare prej......
Paraja e shqiptarëve zhvendoset drejt titujve të shtetit - AMF: Fondet e investimeve numërojnë 41 mijë anëtarë. Asetet neto rriten me 11%
Gjatë këtij viti, shqiptarët kanë investuar më shumë para në tituj qeveritarë përmes fondeve të investimit sesa në 2024. Sipas të dhënave nga Autoriteti i......
Energjia, tarifat e reja të shpërndarjes - ERE miraton vendimin, i mban të pandryshuara deri në muajin prill
Enti Rregullator i Energjisë ka vendosur të lërë në fuqi tarifat aktuale të shërbimit të shpërndarjes së energjisë elektrike deri në prill të vitit 2026,......
E-qeverisja, në rritje gjatë vitit 2025/ Qytetarët marrin më shumë informacion online dhe rrisin shkarkimet e formularëve
Përdorimi i e-qeverisjes në Shqipëri ka shënuar rritje të konsiderueshme gjatë vitit 2025, teksa qytetarët po orientohen gjithnjë e më shumë drejt zgjidhjeve......
“Emigracioni mbetet një mundësi për Evropën” - Ministri spanjoll: Të dhënat reflektojnë kontribut pozitiv
Ministri i Ekonomisë i Spanjës, Carlos Cuerpo, deklaroi se emigracioni mbetet një mundësi ekonomike për Bashkimin Evropian, edhe pse debati rreth tij shpesh......
