Pabarazia e kursimeve, kush i ka lekët? Reth 5% e shqiptarëve janë 18 herë më të pasur se pjesa tjetër
Në fund të vitit 2024, vlera e depozitave të sigurueshme që përfitojnë nga skema e sigurimit të depozitave arriti 1.59 trilionë lekë, duke përfaqësuar 94.5% të totalit të depozitave. Krahasuar me një vit më parë këto depozita u rritën me 5.2 %, ndërsa rritja në vlerë absolute është 78.9 mld lekë.
Ndërkohë, shifrat e Agjencisë së Sigurimit të Depozitave tregojnë edhe ndarjen e depozitave sipas vlerës së tyre, nën 100 lekë, nga 100 lekë deri në 2.5 milionë lekë, si dhe mbi 2.5 milionë lekë, pra mbi mbulimin e agjencisë. Individët më të pasur të vendit, pra ata që kanë depozita mbi 2.5 mln lekë numërojnë 125,875 llogari në total, ndërsa ata me një shumë që varion nga 100 lekë deri në 2.5 mln lekë janë plot 1,711,695. Në total janë rreth 2.78 milionë depozita.
Por kontrasti i vërtetë shfaqet kur i shohim këto shifra në vlerë.
Shuma e depozitave mbi 2.5 mln lekë gjatë vitit të kaluar fiksohet në 739.5 mld lekë, duke zënë kështu 58% të totalit, ndërkohë që shuma e depozitave mes 100-2.5 mln lekëve fiksohet në 535.9 mld lekë, duke zënë kështu 42% të totalit të depozitave të individëve në sektorin bankar në vendin tonë.
Në fundin e vitit 2024, depozitat me shuma deri në 2.5 mln lekë shënuan një rritje vjetore prej 5.2%. Ndërkohë, depozitat me shuma mbi nivelin e mbulimit, krahasuar me fundin e vitit 2023 janë rritur në vlerë absolute me rreth 41 mld lekë, ose 5.9%, duke ndikuar në rritjen vjetore prej 5.6% të depozitave të sigurueshme të individëve.
Shifrat tregojnë kështu se, 5% e depozitave të individëve në vendin tonë përfaqësojnë më shumë se gjysmën e parave të individëve në banka, ose më saktë, 58% të tyre. “Scan Intel” ka bërë një analizë ndryshe për të parë më qartë përmasat e pabarazisë. Rreth 125,875 llogaritë bankare që përfaqësojnë 5%-shin më të pasur të shqiptarëve zotërojnë gjithsej 739.5 miliardë lekë, çka përkthehet në një mesatare prej 5.87 milionë lekësh për llogari.
Ndërkohë, pjesa tjetër me shuma nga 100 lekë deri në 2.5 milionë lekë mbajnë gjithsej 535.9 miliardë lekë, ose mesatarisht vetëm 313 mijë lekë për llogari. Kjo do të thotë se çdo individ nga 5%-shi i pasur ka mesatarisht 18 herë më shumë para në bankë sesa të tjerët.
Sondazh
Musk “mbyll rubinetin” e financimeve për politikën - Donatori më i madh i Trump paraljamëron shkurtim shpenzimesh
Miliarderi Elon Musk njoftoi se do të ulë ndjeshëm shpenzimet e tij politike, duke u fokusuar më shumë te bizneset që ka në pronësi. Ai ka qenë një ndër......
Mbrojtja amerikane, Trump prezanton “Kupolën e Artë” - Mburoja prej 175 mld USD do të bllokojë kërcënimet e huaja
Kreu i Shtëpisë së Bardhë, Donald Trump, ka shpallur një projekt mbrojtës hapësinor prej 175 miliardë dollarësh, të quajtur “Kupola e Artë”. Ky sistem synon......
Investimet në hyrje të Shkodrës - Rama: Muzeu i Lundrimit, hapësirë unike kushtuar trashëgimisë dhe historisë
Pas nënshkrimit të kontratës kanë nisur punimet për ndërtimin e Muzeut të Lundrimit në hyrje të Shkodrës. Përmes një postimi në rrjetet sociale, kryeministri......
Cilat gjoba do të falen? Zbardhet vendimi - Hyn në fuqi akti, procedurat që ndiqen dhe kush përfiton
Të gjitha gjobat e vendosura ndaj qytetarëve dhe bizneseve në 10 vitet e fundit dhe që nuk janë ekzekutuar, do të falen. Vendimi i qeverisë është botuar në......
Strehimi në shifra, më pak fonde në 2024 - Sa familje në nevojë u mbështetën në vitin e kaluar?
Në një kohë kur strehimi mbetet një ndër sfidat më të mëdha sociale, programi kombëtar “Strehimi”, ka arritur të mbështesë mbi 22 mijë familje në nevojë,......
Në rrugët e Shqipërisë bëjnë “paradë” makinat e vjetra - DPSHTRR: Janar- Prill 2025, mbi 21 mijë mjete s’kaluan kontrollin teknik
Drejtoria e Përgjithshme e Shërbimeve të Transportit Rrugor ka publikuar të dhënat për periudhën janar- prill 2025 në lidhje me shërbimin e kontrollit teknik......
Eksportet bujqësore/ Denaj: Janë 4-fishuar brenda një dekade!
Ministrja e Bujqësisë dhe Zhvillimit Rural, Anila Denaj, deklaroi sot se eksportet bujqësore shqiptare kanë shënuar një rritje të ndjeshme, duke arritur në......
Kompanitë evropiane “ringrihen” mes tensioneve tregtare - Fitimet e korporatave priten të rriten me 2.3% në tremujorin e parë
Fitimet e korporatave evropiane pritet të rriten me 2.3% në tremujorin e parë, duke tejkaluar pritshmëritë e analistëve. Më shumë se gjysma e kompanive kanë......
