Ku prodhohen më shumë fruta në Shqipëri? Nga Korça, në Lushnjë dhe Elbasan. Ja cilat bashki kryesojnë
Prodhimi i frutave përbën një nga kategoritë më të rëndësishme të sektorit bujqësor, duke zënë një peshë të konsiderueshme në prodhimin vendas dhe në konsumin e përditshëm të qytetarëve. Por cilat janë bashkitë që kryesojnë në prodhimin e llojeve të ndryshme të frutave?
Për të analizuar këtë tregues,” Scan Intel”ka marrë në konsideratë të dhënat e INSTAT mbi prodhimet bujqësore. Të dhënat pasqyrojnë prodhimin për vitin 2025, të ndara sipas bashkive.
Korça vijon të mbajë rekordin për prodhimin e mollëve, me rreth 17.7 mijë ton, e ndjekur nga bashkia e Maliqit, me rreth 17.2 mijë ton. Në vendin e tretë renditet Devolli, ku prodhimi i mollëve arrin në gati 13 mijë ton. Në anën tjetër, në disa bashki prodhimi i mollëve është shumë më i kufizuar, veçanërisht në bashki më të vogla si Libohova, Dropulli dhe Saranda.
Sa i përket kumbullës, Elbasani kryeson prodhimin në vitin 2025, me 2,513 ton, duke u renditur i pari ndër bashkitë e vendit. Pas tij vijnë Pogradeci me 1,546 ton dhe Kruja me 1,512 ton, ndërsa prodhime të konsiderueshme raportohen edhe në Fier, Lushnjë dhe Cërrik.
Elbasani kryeson sërish edhe në prodhimin e qershive, me 2,868 ton, duke u shkëputur ndjeshëm nga bashkitë e tjera. Në vend të dytë renditet Pogradeci me 1,504 ton, ndërsa Berati zë vendin e tretë me 1,101 ton.Në skajin tjetër të renditjes qëndron Saranda, e cila raporton prodhimin më të ulët të qershive, ndërsa për disa bashki të tjera nuk ka të dhëna të raportuara.
Për fiqtë, Berati kryeson bindshëm renditjen në vend, me 5,438 ton të prodhuara gjatë vitit 2025. Pas tij renditet Shkodra me 1,708 ton, e ndjekur nga Elbasani me 1,346 ton dhe Fieri me 1,146 ton. Ndër bashkitë me prodhim të konsiderueshëm janë edhe Tirana dhe Lushnja, ndërsa në bashki të tjera prodhimi është në nivele më të ulëta.
Ndërsa për nektarinat dhe pjeshkët, kryeson Lushnja, me një prodhim prej 4,725 ton. Pas saj renditen Peqini me 2,756 ton, Fieri me 2,717 ton dhe Elbasani me 2,354 ton. Prodhim të konsiderueshëm kanë edhe Cërriku, Rrogozhina dhe Kuçova, ndërsa në pjesën tjetër të vendit prodhimi paraqitet më i shpërndarë dhe me diferenca të dukshme mes bashkive.
Më të vizituarat
Verifikim digjital për mallrat e akcizës, Shqipëria me sistem modern të pullave fiskale
Shqipëria kalon në një sistem modern me gjurmueshmëri, monitorim dhe verifikim digjital të produkteve subjekt akcize. Sipas një postimi në rrjetet sociale të......
Prodhimi i naftës nga Albpetrol: 4-mujori/ Kompania shtetërore nxori rreth 21 mijë ton, Gorisht-Kocul kryeson
Rreth 21 mijë ton naftë u prodhua nga kompania shtetërore Albpetrol gjatë 4 muajve të parë të këtij viti. Të dhënat e publikuara nga vetë kompania tregojnë......
Kontrolli i syve përpara nisjes së shkollës - Topi: Depistimi duhet të kryhet në moshë të hershme
Me afrimin e fillimit të vitit të ri shkollor, kontrollet shëndetësore të fëmijëve marrin një rëndësi të veçantë. Mes tyre është edhe vizita te okulisti,......
Ku prodhohen më shumë fruta në Shqipëri? Nga Korça, në Lushnjë dhe Elbasan. Ja cilat bashki kryesojnë
Prodhimi i frutave përbën një nga kategoritë më të rëndësishme të sektorit bujqësor, duke zënë një peshë të konsiderueshme në prodhimin vendas dhe në......
Më shumë dëme për kompanitë e sigurimit - AMF: U shtuan me 12% në 7 muaj. Bonus-malus ndikoi në produktet motorike
Tregu i sigurimeve në Shqipëri ka vijuar të zgjerohet gjatë shtatë muajve të parë të vitit, por pas kësaj ecurie qëndrojnë disa faktorë që kanë ndryshuar si......
Video
