Rritet akciza për duhanin me 250 lekë/kg - Në 2027-ën aplikohet kalendar i ri, çmime më të larta
Duhanpirësit po përballen me çmime të rritura të paketave. Rritja vjen si rrjedhoje e kalendarit të akcizës për duhanin i cili është miratuar në vitin 2022, dhe parashikonte një skedul 5-vjeçar për ndryshimin e saj progresiv, me qëllim dekurajimin e duhan pirjes në vend.
Janari 2026 është viti i fundit që aplikohet ky kalendar dhe akciza për duhanin rritet mesatarisht 250 lekë për kg, çka reflektohet edhe në çmimin final të shitjes, me rreth 20-30 lekë.
Deri më 31 dhjetor 2025, detyrimi i akcizës për cigaret apo purot që përmbajnë duhan ishte 7500 lekë / 1000 fije cigare, ndërsa nga 1 janari 2026 akciza rritet në 7750 lekë/1000 fije cigare.
Ndërsa në Strategjinë Afatmesme të të Ardhurave 2024-2027 është parashikuar hartimi i një kalendari të ri për rritjen e nivelit të akcizës së duhanit dhe nën produkteve të tij për periudhën 2027 e në vijim.
Në dokument argumentohet se në vendin tonë, për disa mallra të akcizueshme sikurse janë duhanet, nuk aplikohet skema e kombinuar e taksimit që përfshin edhe një tarifë specifike akcize për njësi produkti, por edhe një tarifë me përqindje akcize mbi çmimin e shitjes së produktit.
Hartimi i një kalendari të ri për rritjen e nivelit të akcizës së duhanit dhe nën produkteve të tij për periudhën 2027 e në vijim, ka qëllim përafrimin me nivelin e akcizës që aplikohet në BE duke synuar dhe një unifikim të nivelit te akcizës ndërmjet duhanit dhe nënprodukteve të tij.
Një në katër të rritur në Shqipëri konsumojnë duhan apo e thënë ndryshe 25 për qind e popullsisë madhore, duke i shkaktuar vetes dëme shëndetësore dhe ekonomike. Referuar një studimi të bërë nga organizata e shoqërisë civile DSA (Development Solutions Associates), vendi ynë ka nivel të lartë duhanpirjeje me pothuajse gjysmën e meshkujve apo 42 për qind dhe 7 % në radhët e femrave.
Akciza zë rreth 11% të të ardhurave tatimore vjetore. Rreth 35% e të ardhurave nga akciza sigurohen nga nënproduktet e duhanit.
Ritestimi i patentës, 13.1% e shoferëve rifitojnë lejen - DPSHTRR: Vetëm drejtuesit e përgatitur rikthehen në qarkullim
Rifitimi i lejes së drejtimit mbetet një sfidë për shumë drejtues mjetesh. Shifrat zyrtare tregojnë se jo të gjithë janë të përgatitur për t’u rikthyer në......
Prezantohet parku eolik i Tropojës - Me kapacitet të pritshëm prej 600 MW, po zhvillohet nga kompania amerikane CWP
Kryeministri Edi Rama, së bashku me Zv.Kryeministren, njëherësh Ministër i Infrastrukturës dhe Energjisë, Belinda Balluku, prezantojnë investimin e parkut......
Portë hyrëse energjie për Evropën Juglindore - Greqia pret zhvillime të rëndësishme për gazin e lëngshëm
Brenda këtij viti priten zhvillime të rëndësishme drejt sigurimit të rolit të Greqisë si porta energjetike e Evropës Juglindore dhe në veçanti, si një pikë......
Qarkullimi i mjeteve vijon normalisht në të gjitha akset - ARRSH: Në zonat malore duhen goma dimërore
Autoriteti Rrugor Shqiptar ka bërë të ditur se gjatë orëve të natës nuk janë regjistruar reshje shiu, apo dëbore. Kushtet atmosferike janë të qëndrueshme,......
Bakri po bëhet si ari - Priten mega-marrëveshje në industri
Ethet e bakrit po hapin derën për mega-marrëveshje në industri, ndërsa lojtarët gjigantë luftojnë për të rritur më tej pjesët e tyre të tregut, ndërsa......
Kursi i këmbimit/ Dollari amerikan humbet pikë. Forcohet Franga zvicerane!
Dollari amerikan e ka nisur javën negativisht pasi ka humbur pikë gjatë kësaj fundjave duke u blerë sot me 82.1 lekë dhe duke u shitur me 83.3 lekë krahasuar......
Nga shkeljet e IA, te kërcënimet gjeopolitike - Ja çfarë pritet nga siguria kibernetike në vitin 2026
Në vitin 2025, Evropa u përball me një valë sulmesh kibernetike: nga ndërprerjet në aeroporte dhe akuzat për sabotim zgjedhor deri te falsifikimi i GPS-it në......
Apple kryeson tregun global të telefonave inteligjentë - Me 20% të pjesëmarrjes në vitin 2025. Samsung, i dyti me 19%
Dërgesat globale të telefonave inteligjentë në 2025-ën u rritën me 2% në bazë vjetore, të nxitura nga kërkesa më e fortë dhe momenti ekonomik në tregjet në......
