Rama: Dyfishuam mbështetjen ekonomike për 11 mijë të rinj me aftësi të kufizuara
Kryeministri Edi Rama deklaroi sot se 11 mijë fëmijë dhe të rinj me aftësi të kufizuara përfitojnë nga vendimi i qeverisë për dyfishimin e mbështetjes ekonomike.
Bashkë me ministren e Shëndetësisë dhe Mirëqenies Sociale, Evis Sala, kryeministri Edi Rama zhvilloi sot një bashkëbisedim në Qendrën Sociale “Jonathan”, mbi dyfishimin e mbështetjes ekonomike të fëmijëve e të rinjve me aftësi të kufizuar, si dhe për garancitë e reja shëndetësore e shoqërore për kujdestarët e tyre.
“Me shumë dashuri dhe shpresë zgjodhëm këtë vend për të folur pak më gjerë për vendimin e marrë para pak javësh, kur qeveria realizoi dyfishimin e mbështetjes për të gjithë fëmijët që janë me aftësi të veçanta”, tha Rama.
Sipas tij, “prej një kohe të gjatë mbështetja për këta fëmijë ishte bërë realisht e pamjaftueshme”.
“Jo se është e mjaftueshme, por ishte bërë realisht e pamjaftueshme duke pasur parasysh dhe kostot e jetesës dhe vështirësitë e tjera. Ne premtuan dyfishimin e mbështetjes për ta dhe sot është realitet”, tha Rama.
Rama u ndal edhe te vendimi për pagesën e sigurimeve shëndetësore e shoqërore për kujdestarët e tyre.
“Një nënë që i përkushtohet një fëmije me aftësi të veçanta e ka të pamundur të punojë normalisht. Duke qenë se nuk shkon dot në punë përballet me problemin e mungesës së sigurimeve shoqërore dhe shëndetësore, gjë që e cenon padrejtësisht edhe mundësinë për të marrë një pension të merituar nesër, apo për të pasur akses në sistemin shëndetësor ashtu si duhet”, tha Rama.
Ndaj, kryeministri theksoi se buxheti i shtetit do të paguajë sigurimet shoqërore dhe shëndetësore për të gjitha nënat, njësoj sikur ato të ishin në punë.
“Është e rëndësishme të kuptohet se ne nuk jemi jashtë realitetit asnjëherë, dhe nuk jemi të pavëmendshëm për kërkesat e vazhdueshme që vijnë nga grupet shoqërore. Jemi këtu për të bërë më shumë dhe jo për të fjetur mbi dafinat e arritjeve dhe sukseseve të pamohueshme në shumë drejtime”, tha Rama.
Kryeministri siguroi se Shqipëria ka një sistem të besueshëm të mbrojtjes shoqërore sepse tashmë është më funksional, më efikas dhe më i shpejtë.
“Çfarë arrihet është diçka që bëhet shkuar dhe e ardhmja nuk është në funksion të së shkuarës. Na duhet e shkuara për të mos harruar nga jemi nisur, sepse kush nuk e ka para syve nga është nisur e ka të pamundur të arrijë aty ku do. Por nga ana tjetër jetojmë në një kohë kur gjithmonë e më shumë njerëzit në këtë fazë të re zhvillimi kanë pritshmëri dhe ballafaqohen me to”, shtoi Rama.
Banka e Shqipërisë shton blerjet e euros - Në tremujorin e parë, ndërhyrjet në tregun e brendshëm valutor arritën në 139.6 mln euro
Banka e Shqipërisë ka blerë 139.6 milionë euro në tregun e brendshëm gjatë tremujorit të parë të vitit, me qëllim rritjen e rezervës valutore dhe......
Tatimet: Mbi 15 mijë tatimpagues përfitojnë nga fshirja automatike e detyrimeve, shuhen 28.8 milionë euro
Procesi i fshirjes automatike të detyrimeve tatimore, në zbatim të Ligjit të Faljes, vijon në të gjithë vendin, bën të ditur Drejtoria e Përgjithshme e......
Rama: Shqipëria e para në Ballkanin Perëndimor për performancën mjedisore, reflektimi për mbrojtjen e natyrës mbetet i domosdoshëm
Në një komunikim publik, Kryeministri Edi Rama deklaroi se Shqipëria është renditur e para në Ballkanin Perëndimor për performancën mjedisore sipas raportit......
BE gjobit AliExpress me 550 mln euro - Akuzohet për mallra të paligjshme dhe të falsifikuara
Komisioni Evropian gjobiti të hënën kompaninë AliExpress me 550 milionë euro për dështimin në vlerësimin dhe zbutjen e duhur të rreziqeve të lidhura me......
Fluks i lartë udhëtarësh në Portin e Durrësit - Ministri Karakaçi inspekton masat e marra
Ministri i Infrastrukturës dhe Energjisë, Enea Karakaçi, inspektoi masat e marra për përballimin e fluksit të udhëtarëve gjatë muajve të verës në Portin e......
Shqipëria, ndër vendet me më shumë turistë/ Mirëpresim 5 vizitorë për banor, duke u renditur të 6-tët në botë
Vitet e fundit, Shqipëria e ka rritur ndjeshëm turizmin, duke arritur të krijojë emrin e saj në hartën turistike evropiane dhe botërore. Sipas të dhënave......
Më pak vreshta, por rrushi “reziston”/ Rendimenti më i lartë mban prodhimin në “këmbë”. Fieri kryeson vendin
Shqipëria po humbet gjithnjë e më shumë sipërfaqe të mbjella me vreshta, por prodhimi i rrushit nuk po bie me të njëjtin ritëm. Rendimenti më i lartë për......
Bujqësia po goditet nga moti ekstrem - “Super El Niño” dhe i nxehti ekstrem në Europë mund të rrisin çmimet
Tregjet po e nënvlerësojnë ndikimin e paqëndrueshmërisë së klimës në të gjitha klasat e aseteve, në një kohë që i nxehti ekstrem ka përfshirë Europën dhe......
