Më pak vreshta, por rrushi “reziston”/ Rendimenti më i lartë mban prodhimin në “këmbë”. Fieri kryeson vendin
Shqipëria po humbet gjithnjë e më shumë sipërfaqe të mbjella me vreshta, por prodhimi i rrushit nuk po bie me të njëjtin ritëm. Rendimenti më i lartë për hektar ka kompensuar një pjesë të tkurrjes së sipërfaqes, duke e mbajtur prodhimin kombëtar pothuajse në të njëjtin nivel me një vit më parë.
Të dhënat e Ministrisë së Bujqësisë, të përpunuara nga INSTAT, tregojnë se gjatë vitit 2025 në Shqipëri u prodhuan gjithsej 182,859 tonë rrush. Krahasuar me vitin 2024, kur prodhimi arrinte në 183 mijë tonë, është regjistruar një rënie e lehtë prej 0.3%, ose rreth 560 tonësh.
Pjesa më e madhe e prodhimit erdhi nga vreshtat, me 108.7 mijë tonë, ndërsa 74 mijë tonë u prodhuan nga pjergullat. Rrushi nga vreshtat përbënte rreth 59% të prodhimit të përgjithshëm, ndërsa ai nga pjergullat rreth 41%.
Ecuria e dy kategorive ishte e ndryshme. Prodhimi nga vreshtat u rrit lehtë me 0.2% krahasuar me vitin 2024, kur ishte 108.5 mijë tonë. Në të kundërt, prodhimi nga pjergullat ra me rreth 1%, nga 74.9 mijë në 74.1 mijë tonë.
Rritja e prodhimit nga vreshtat u arrit pavarësisht tkurrjes së ndjeshme të sipërfaqes së mbjellë. Në vitin 2025, sipërfaqja e përgjithshme e vreshtave zbriti në 9,385 hektarë, nga 9,845 hektarë një vit më parë, duke shënuar një rënie prej 4.7%.
Prodhimi u mbështet nga rendimenti më i lartë, i cili arriti në 121.5 kuintalë për hektar, nga 115.9 kuintalë në vitin 2024. Kjo përfaqëson një rritje prej afro 5% dhe është një nga nivelet më të larta të regjistruara gjatë viteve të fundit.
Tkurrja e vreshtave bëhet edhe më e dukshme në krahasimin afatgjatë. Në vitin 2018, Shqipëria kishte rret 11 mijë hektarë vreshta, rreth 1,400 hektarë më shumë se në vitin 2025. Brenda shtatë viteve, sipërfaqja është reduktuar me 13%.
Megjithatë, prodhimi nga vreshtat ka rënë shumë më pak. Nga 110 mijë tonë në vitin 2018, ai zbriti në 108.7 mijë tonë në vitin 2025, një rënie prej vetëm 1.6%. Kjo tregon se rritja e rendimentit ka zbutur efektin e humbjes së sipërfaqeve të mbjella.
Sipas qarqeve, Fieri ishte prodhuesi më i madh i rrushit në vend, me 40.5 mijë tonë, i ndjekur nga Elbasani me 30.4 mijë tonë. Vetëm këto dy qarqe siguruan së bashku afro 39% të prodhimit kombëtar.
Pas tyre renditen Berati, Tirana, Vlora dhe Durrësi. Prodhimi më i ulët u regjistrua në Kukës, dhe në Gjirokastër.
Bujqësia po goditet nga moti ekstrem - “Super El Niño” dhe i nxehti ekstrem në Europë mund të rrisin çmimet
Tregjet po e nënvlerësojnë ndikimin e paqëndrueshmërisë së klimës në të gjitha klasat e aseteve, në një kohë që i nxehti ekstrem ka përfshirë Europën dhe......
Bashkitë, mbi 300 euro shpenzime për banor - Si kanë ndryshuar të ardhurat dhe shpërndarja e tyre në dekadën e fundit
Në një dekadë të ardhurat e bashkive për banor kanë shënuar rritje të ndjeshme dhe përmirësim strukturor. Referuar raportit të Financave Vendore 2025, në......
Java nis pozitivisht për valutat kryesore – Forcohen Dollari, Franga dhe Paundi
Dollari amerikan e ka nisur këtë javë pozitivisht duke regjistruar kështu një rritje të lehtë të kuotës gjatë fundjavës duke u blerë mëngjesin e sotëm me......
Lidhja e Unazës Verilindore me Rrugën e Arbrit - ARRSH hap tenderin, rikonstruksion i plotë për rrugën “Myslym Keta”
Autoriteti Rrugor Shqiptar ka shpallur hapjen e tenderit për ndërtimin dhe rikonstruksionin e rrugës lidhëse të Unazës Verilindore me Rrugën e Arbrit. Fondi......
AAPSK rriti me 31.7% të ardhurat nga qiradhënia e pasurive të sekuestruara dhe të konfiskuara në gjysmën e parë të vitit 2026
Agjencia e Administrimit të Pasurive të Sekuestruara dhe Konfiskuara (AAPSK) vijon të shënojë rezultate pozitive në administrimin e aseteve të sekuestruara......
Nafta rritet përkohësisht në 90 USD për fuçi - Irani zotohet se “asnjë pikë naftë” nuk do të kalojë nëpër Hormuz
Tregu i naftës vijon të karakterizohet nga paqendrueshmëria, për shkak se konflikti mes Iranit dhe Shteteve të Bashkuara ka rritur shqetësimet për......
Shqipëria, mes shteteve me rritjen më të lartë të trafikut ajror/ 30.2% më shumë fluturime komerciale krahasuar me një vit më parë
Fluturimet komerciale në Shqipëri vijuan rritjen me ritme të larta edhe gjatë muajit qershor, duke e renditur vendin ndër performuesit më të mirë në Europë.......
Si ndryshuan eksportet në gjysmën e parë të vitit? Mineralet, metalet dhe makineritë kompensojnë rënien e tekstileve
Eksportet shqiptare e mbyllën gjashtëmujorin e parë të vitit me rritje, por zgjerimi vazhdon të mbështetet te një numër i kufizuar grupesh mallrash.......
