Nafta në bujqësi, shpallen 1277 fituesit e parë/ Sa para’ do të përfitojnë fermerët sipas kulturës bujqësore?
Agjencia për Zhvillimin Bujqësor dhe Rural ka publikuar listën emrave të 1277 përfituesve të parë të naftës për punime të mekanizuara në bujqësi.
Sipas procedurës së aplikimit që kanë bërë fermerët, aplikantët kanë vetëdeklaruar kulturat bujqësore të mbjella ose të parashikuara për të mbjellë, sipas përcaktimeve të formularit të aplikimit on line. Çdo parcelë, sipas dokumentacionit të pronësisë apo përdorimit, plotësohet me kulturën/kulturat përkatëse të mbjellë ose që parashikohen të mbillen.
Por sa para do t’u jepen përfituesve? Vlera e saktë që përfitojnë aplikantët fitues, është e kategorizuar me vendim qeverie sipas kulturës së mbjellë, ndërsa maksimumi i mbështetjes arrin deri në 186 euro për hektarë.
Sa i takon kultivimit të bimëve të arave, do të jepen 18,582 lekë/ha për kulturat pranverore si misër, fasule, luledielli, sojë, sorgum. 12,714 lekë/ha për bimët e lashta si grurë, tërshërë, thekër, elb, foragjerë njëvjeçarë, industriale (patate, duhan, panxhar, pambuk. Dhe 8,802 lekë/ha për foragjerë shumëvjeçarë, bimë aromatike-mjekësore.
Në grupin e drufrutorëve, do të jepet pagesë për naftën për kultivimin e mollëve me 18,582/ ha, 15,648 lekë/ha për të gjitha llojet e frutave, ulli, agrume dhe vreshta si dhe 13,692 lekë/ha për arra, bajame, lajthi dhe gështenja të kultivuara si dhe 16,626 lekë/ha për të gjithë fidanët e bimëve farore, bërthamore dhe arrore.
Sa i takon grupit të tretë, kultivimit të perimeve, pagesat për naftën variojnë nga 14,670 lekë/ha për të gjitha llojet e perimeve të fushës sezoni i parë, përfshi shalqi, pjepër, luleshtrydhe dhe 16,626 lekë/ha për të gjitha perimet e serës, sezoni i parë.
Fermerët përfitojnë deri në 100% të vlerës, me sipërfaqe deri në 10 ha, sipas përllogaritjeve të bëra. Për sipërfaqen mbi 10 ha, masa e përfitimit zvogëlohet me 50%, përjashtuar rastet e aplikantëve me status “Grup fermerësh” ose “SHBB”.
Të gjitha aplikimet e kryera nëpërmjet e-Albania dhe që janë shpallur fituese, i janë nënshtruar procesit të kontrollit administrativ, që shqyrton përputhjet e vetëdeklarimeve, në lidhje me parcelat, sipërfaqet, kulturat dhe dokumentacionin që i mbështet këto deklarime.
Vitin e kaluar nga kjo skemë kanë përfituar mbi 52 mijë fermerë në të gjithë vendin.
Kryeministri Rama: Aty ku vihen zjarre do ndalohet dhënia e lejeve të ndërtimit për 30 vjet
Kryeministri Edi Rama në prazantimin e një kapitulli të ri për emergjencat civile, ka bërë të qartë se bazuar në rastet e shpeshta të zjarrvënieve të......
Kapitull i ri për emergjencat civile, Rama: Zjarrfikësit në skemën e rritjes së pagave të Forcave të Armatosura
Kryeministri Edi Rama në prazantimin e një kapitulli të ri për emergjencat civile, tha se ndër masat më kryesore për të menaxhuar zjarret do të jetë edhe......
Kapitull i ri për emergjencat civile, Koçiu: Komandë e qendërzuar në rast të rreziqeve nga zjarret
Kryeministri Edi Rama dhe ministrat Vengu, Kociu dhe Demo, po prazantojnë këtë të shtunë nisjen e një kapitulli të ri për emergjencat civile. Sipas......
Kapitull i ri për emergjencat civile, Vengu: Pjesë e transformimit inovacioni dhe teknologjia
Kryeministri Edi Rama dhe ministrat Vengu, Kociu dhe Demo, po prazantojnë këtë të shtunë nisjen e një kapitulli të ri për emergjencat civile. Sipas......
ISUV ngjitet në standardet e BE-së/ Salla: 1,945 analiza të certifikuara për sigurinë ushqimore deri në 2029
Ministri i Bujqësisë dhe Zhvillimit Rural, z. Andis Salla, zhvilloi sot një vizitë në ambientet e Institutit të Sigurisë Ushqimore dhe Veterinarisë......
Rivlerësimi i pasurive të paluajtshme, Ministri Malaj takon ndërtuesit dhe shoqata e biznesit
Nën drejtimin e Ministrit Petrit Malaj, u zhvilluan sot në ambientet e Ministrisë së Financave disa takime me grupet e interesit për konsultimin publik të......
3 milionë euro kosto për zgjedhjet në 6 bashki - Celibashi: Mbi 992 mijë votues, po diskutohet votim elektronik në njësinë 10
Zgjedhjet e pjesshme vendore që do të zhvillohen në 6 bashki të vendit më 9 Nëntor 2025 do të kenë një kosto prej rreth 3 milionë eurosh. Në një dalje për......
“Ndërtuesit, detyrim hapësirat për fëmijët” - Rama: Çdo ndërtim që do shkelë lejet mbi 2% do konfiskohet për interes publik
Gjatë konferencës për mediat, Kryeministri Edi Rama, u shpreh se për ndryshimin e destinacionit ka edhe masë që është monetare në rast se ndryshimi është......
