Lehtësohen kreditë konsumatore për qytetarët - Bankat mbeten “konservatore” për biznese. Pritet më shumë financim në tremujorin e dytë
Bankat në Shqipëri nuk kanë ndryshuar kushtet për kreditimin e bizneseve në fillim të vitit 2026, ndërsa për qytetarët është bërë më e lehtë marrja e kredive për konsum.
Për bizneset, bankat nuk kanë bërë ndryshime të rëndësishme në politikat e kreditimit. Kjo do të thotë se kushtet, kriteret dhe rregullat për marrjen e një kredie kanë mbetur pothuajse të njëjta si në fund të vitit të kaluar. Edhe shkalla e miratimit të kredive është ruajtur në të njëjtat nivele. Megjithatë, bankat vazhdojnë të tregohen të kujdesshme dhe të kenë tolerancë të ulët ndaj rrezikut, pra janë selektive në dhënien e kredive.
Nga ana tjetër, kërkesa për kredi nga bizneset ka shënuar rritje, por kjo rritje vjen kryesisht nga bizneset e mëdha. Këto të fundit kanë kërkuar më shumë financim për të mbuluar investimet dhe nevojat e tyre për aktivitetin e përditshëm. Ndërsa bizneset e vogla dhe të mesme kanë treguar një kërkesë më të dobët për kredi.
Për individët, situata paraqitet më lehtësuese. Bankat kanë zbutur kushtet për kreditë konsumatore, duke e bërë më të lehtë marrjen e kredive për blerje, shpenzime apo nevoja personale. Kjo është reflektuar edhe në kushte më të favorshme, si shuma më të larta kredie apo afate më të gjata shlyerjeje. Ndërkohë, për kreditë për blerje banese, kushtet kanë mbetur kryesisht të pandryshuara.
Sa i përket kërkesës së individëve, ajo ka qenë e përzier. Ka pasur rritje të kërkesës për kredi konsumatore, ndërsa kërkesa për kredi për blerje banese ka rënë. Kjo lidhet kryesisht me disa vonesa në zbatimin e rregullave të reja dhe kufizime në tregun e pasurive të paluajtshme. Po ashtu, bankat kanë raportuar një rënie të lehtë të miratimit të kredive për individët, kryesisht për shkak të historikut të kreditit dhe gjendjes financiare të aplikantëve.
Në vijim, pritshmëritë janë më pozitive. Bankat planifikojnë të lehtësojnë më tej kushtet e kreditimit në tremujorin e dytë të vitit, sidomos për bizneset e vogla dhe të mesme, si dhe për individët, si në kreditë konsumatore ashtu edhe në ato për banesa. Në të njëjtën kohë, pritet që kërkesa për kredi të rritet si nga bizneset, ashtu edhe nga qytetarët.
Sistemi bankar mbetet i qëndrueshëm dhe konkurrues, ndërsa muajt në vijim pritet të sjellin më shumë mundësi financimi për ekonominë dhe për qytetarët.
Lehtësohen xhepat e qytetarëve - Ulen çmimet e prodhimeve bujqësore
Pas një rritjeje të fortë që u reflektua në mënyrë të drejtpërdrejtë në shportën e konsumatorit para pak javësh, çmimet e fruta-perimeve në tregjet e vendit......
Personat me aftësi të kufizuara, drejt tregut të punës - Kroj: Pavarësia ekonomike i bën të ndihen të përfshirë dhe të barabartë
Integrimi në tregun e punës i personave me aftësi të kufizuara është një nga elementët më të rëndësishëm të planit kombëtar të veprimit 2026-2030, të nxjerrë......
Kthimi nga investimi i qirave arrin deri në 6.4%/ Cilat janë zonat më fitimprurëse në Tiranë dhe bregdet?
Një ndër format e investimeve që shumë njerëz zgjedhin të bëjnë është edhe blerja e pronave për qira, duke marrë kështu një pjesë të parave të cilat kthejnë......
Digjitalizimi i ekonomisë në Shqipëri mbetet i pjesshëm - Bizneset adoptojnë ngadalë teknologjitë e reja, ndërsa përdorimi i IA është ende i kufizuar
Shqipëria po përparon në përdorimin e internetit dhe infrastrukturën digjitale, por mbetet pas në aftësitë digjitale dhe në përdorimin e teknologjisë nga......
Malaj në SHBA: Ekonomia shqiptare e qëndrueshme, menaxhimi i kujdesshëm fiskal ka forcuar financat publike
Ministri i Financave, Petrit Malaj, mori pjesë në Takimet e Pranverës të Fondit Monetar Ndërkombëtar dhe Grupit të Bankës Botërore, të cilat u zhvilluan në......
Çfarë blen Shqipëria nga gjigantët e eksporteve botërore? Nga makinat dhe pajisjet industriale, te karburantet dhe produktet farmaceutike
Dhjetë ekonomitë që dominojnë eksportet globale janë edhe ndër furnizuesit kryesorë të mallrave që hyjnë në tregun shqiptar. Sipas të dhënave të përpunuara......
Sa është shkalla e punësimit në Shqipëri? Krahasuar me të dhënat e eurostat, renditemi pranë mesatares europiane
Sipas të dhënave të publikuara nga Eurostat, tregu i punës në Bashkimin Evropian ka arritur një rekord të ri në vitin 2025. Plot 76.1% e popullsisë në moshë......
Energjia e erës u rrit me 40% vitin e kaluar - Shtesa rekord prej 165 GW, e udhëhequr nga Kina
Industria globale e energjisë së erës instaloi një rekord prej 165 gigavatësh kapacitet të ri vitin e kaluar, 40% më shumë se në vitin 2024 dhe kryesisht i......
