Kritikat për draftin e Kodit të ri Penal - Manja: Komentet do reflektohen. Rakipi: Ja bazat e ndërtimit dhe masat
Ministri i Drejtësisë, Ulsi Manja, ka deklaruar se të gjitha komentet dhe analizat për Kodin e ri Penal janë mbajtur shënim dhe do të merren parasysh deri në miratimin e tij. Sipas ministrit, deri në fund të vitit do të zhvillohen edhe 25 tryeza diskutimi.
“Kemi mbajtur shënim komentet, analizat, sugjerimet dhe shqetësimet, por nga momenti i publikimit të draftit në faqen e ministrisë dhe dhënies së linkut nga sekretariati, deri tani kanë ardhur një numër i vogël komentesh, ndërkohë që disa organizata të shoqërisë civile kanë kërkuar të jenë pjesë e procesit të konsultimit publik. Edhe pse të gjitha këto direktiva janë reflektuar në draftin e ri, duke qenë se, në kuadrin e përmbushjes së piketave të ndërmjetme për negociatat me BE, kemi si afat fundin e tetorit, për këtë grup veprash konsultimi publik do të zhvillohet veçmas nga konsultimi për draftin. Këto ndryshime do të reflektohen në Kodin Penal aktual dhe do të jenë pjesë e draftit të ri kur të kalojë në axhendën parlamentare,” u shpreh ministri Manja.
Nga ana tjetër, drejtuesi i grupit të punës për hartimin e draftit, Arben Rakipi, u shpreh për bazat e ndërtimit të masave të dënimit në Kodin e ri Penal.
“Është paraqitur me ngjyra mjaft pesimiste dhe ka krijuar përshtypjen se represiviteti është fjala e parë e këtij projekti. E kuptoj shumë mirë efektet që mund të krijojë. Burimi i parë është Kodi aktual dhe burimi i dytë, praktika gjyqësore. Burim tjetër janë vepra të ngjashme të penalizuara në legjislacione të ndryshme. Burim tjetër janë direktivat, si edhe eksperienca e anëtarëve të grupit. Në shumatorin e kësaj praktike mund të dalim në një konkluzion të caktuar,” tha Rakipi.
Drafti i është përcjellë për mendim edhe disa ekspertëve italianë, të cilët e kanë përmbyllur opinionin e tyre, i cili është vënë në dispozicion të grupit të punës. Deri më tani janë zhvilluar 40 takime me ekspertë të fushave të ndryshme me qëllim diskutimin teknik nen për nen të draftit.
Rekord pagesash elektronike në 2025 - BSH: Shqiptarët po përdorin më shumë “kanalet” online për të shlyer fatura
Shlyerja e faturave të energjisë elektrike, ujit, të telefonit, gjobave të policisë, pagesave të kartës së kreditit, taksave, dhe blerjet e tjera, po kryhen......
“Nikel në pjeshkë me origjinë nga Shqipëria” – Kroacia bllokon dhe asgjëson mbi 5500 kg produkt!
Autoriteti Kombëtar i Ushqimit njofton se më datë 22.08.2025, Shqipëria është njoftuar nga Sistemi RASFF, në kategorinë Njoftim për refuzim në kufi me numër......
Lehtësohet tregtia e bizneseve me BE - Sistemi i ri i tranzitit. Ulet koha e pritjes në kufi, më shumë siguri
Bizneset shqiptare do të kenë më shumë lehtësi në tregtinë me vendet e Bashkimin Evropian, duke përfituar ulje në kohën e pritjes dhe të burokracive. Në......
Nga fabrika më shtrenjtë, nga dogana më lirë/ Çmimet në kontrast në tremujorin e dytë. Të prodhimit rriten, importet zbuten
Në tremujorin e dytë 2025, çmime janë dukshëm më të larta në prodhimin vendas sesa në import. Indeksi i Çmimeve të Prodhimit është 129.7, ndërsa ai i çmimeve......
Bizneset do i vetëmenaxhojnë mbetjet - Do financojnë grumbullimin e riciklimin. Gjoba të “kripura” nëse s’përmbushen
Çdo subjekt prodhues, që zhvillon, prodhon, përpunon, trajton, shet ose importon produkte që gjenerojnë mbetje pas përdorimit do të ketë detyrime për t’i......
Zero komision për pagesat elektronike deri 40 mijë lekë - BSH miraton rregulloret e reja të sistemeve të pagesave AIPS dhe AECH
Pagesat elektronike deri në 40,000 lekë do të jenë pa komision për qytetarët. Banka e Shqipërisë sapo ka miratuar rregulloret e reja për sistemet e pagesave......
Punonjësit, në kërkim të mirëqenies financiare - SHBA, dyfishohet numri i personave që kërkojnë ndihmë në këtë sektor
Ndërsa rreth 7 nga 10 punonjës (68%) mbeten optimistë për të ardhmen e tyre financiare gjatë tre viteve të ardhshme, shumë prej tyre kërkojnë këshilla për......
Zgjerimi i autostradës Tiranë-Durrës - Tenderi për fazën III mbyllet pa ankesa, i hapet rruga zgjedhjes së kompanisë
Tenderi për fazën e tretë të zgjerimit të autostradës Tiranë – Durrës është mbyllur pa ankesa, duke i hapur rrugë përzgjedhjes së kompanisë fituese dhe......
