Frenojnë pagesat në euro me AIPS - BSH: Gushti uli vrullin e korrikut me vetëm 472 mln euro dhe 14% më pak transaksione
Pavarësisht se pagesat në euro të realizuara brenda vendit me sistemin AIPS EURO po thyejnë rekorde nga viti në vit, gushti rezulton ta ketë frenuar vrullin e deritanishëm të rritjes.
Të dhënat më të fundit nga Banka e Shqipërisë tregojnë se në 8 muaj, pagesat në euro brenda vendit me AIPS kapën një vlerë prej 3.9 miliardë eurosh, ndërsa numri i transaksioneve ishte gati 250 mijë. E thënë ndryshe, rreth 21% veprime dhe 19% miliardë lekë më shumë se në të njëjtën periudhë të vitit 2024.
Nga fillimi i vitit e deri më tani, rezulton që korriku të ketë shënuar rekord për shumën e pagesave të realizuara brenda vendit nëpërmjet AIPS EURO, ndërsa edhe numri më i madh i transaksioneve ka qenë po atë muaj. Sipas statistikave zyrtare, gushti ka shërbyer si pikë kthese, pasi pagesat me AIPS EURO kanë marrë tatëpjetën. Konkretisht, në gusht janë kryer rreth 14% më pak veprime se në korrik, vetëm 31 mijë, teksa edhe shuma e tyre ka rënë me 15% duke zbritur në 472 milionë euro.
Sistemi AIPS Euro i Bankës së Shqipërisë, i cili operon që nga janari 2022, i ka kursyer tregut vendas rreth 140 milionë euro.
Në ndryshim nga mënyra joefikase e funksionimit të mëparshëm të tregut nëpërmjet bankave korrespondente jashtë vendit, operimi i Sistemit AIPS Euro i mundëson qytetarëve shqiptarë kryerjen e pagesave në euro brenda vendit me kosto shumë më të ulët dhe brenda një afati kohor shumë më të shkurtër nga procesi i mëparshëm i kryer nëpërmjet bankave korrespondente.
Banka e Shqipërisë uli së fundmi edhe komisionet për transaksionet që kryhen me AIPS EURO. Për transfertat në sistemin AIPS EURO, komisioni minimal që do të aplikohet nga bankat tregtare është 4 euro. Ky nivel minimal i komisioneve ishte më parë 6 euro. Për çdo transfertë me vlerë më të vogël ose të barabartë me 150 mijë euro, bankat nuk duhet të aplikojnë komisione me vlerë më të lartë se 0.02% e vlerës së transferuar.
Nga AIPS, te SEPA dhe së shpejti sistemi i pagesave të shpejta (instant payment), sistemi shqiptar i pagesave po modernizohet me ritme tepër të shpejta.
Ari “shkruan” historinë - Kalon për herë të parë vlerën e 4,000 dollarëve
Ari ka kaluar për herë të parë kufirin prej 4,000 dollarësh për ons, duke arritur një rekord të ri historik, i nxitur nga investitorët që kërkojnë siguri......
Mbrojtja e pronësisë intelektuale/ Administrata Doganore vijon kontrollet kundër kontrabandës dhe falsifikimit
Gjatë ditëve të fundit, Administrata Doganore informon se ka vijuar me intensitet kontrollet ndaj mjeteve të transportit dhe mallrave në qarkullim, në......
Mali i Zi nis pagesat me SEPA - Qytetarët mund të transferojnë deri në 200 euro pa asnjë tarifë
Të njëmbëdhjetë bankat tregtare në Mal të Zi u bënë pjesë e skemave të Zonës së Vetme të Pagesave në Euro (SEPA), duke u mundësuar qytetarëve dhe bizneseve......
Familjet e arsimuara po kursehen?! Rritja e konsumit vihet re tek familjet me kryefamiljar pa arsim të përfunduar
Konsumi i familjeve shqiptare është rritur gjatë vitit 2024, por jo për të gjithë. Sipas të dhënave të fundit të INSTAT, të analizuara nga “Scan Intel”,......
Cristiano Ronaldo, futbollisti i parë miliarder - Pasuria e yllit portugez ka arritur vlerën e 1.4 miliardë dollarëve
Cristiano Ronaldo, ish-sulmuesi i Manchester United, Real Madrid dhe Juventus, i cili aktualisht luan për ekipin saudit Al-Nassr, është bërë futbollisti i......
OBT rrit parashikimin për tregtinë globale - Por, tarifat priten të ngadalësojnë ekonominë vitin e ardhshëm
Organizata Botërore e Tregtisë (OBT) ka shtuar ndjeshëm parashikimin e saj për rritjen e tregtisë globale në vitin 2025, por njëkohësisht ka paralajmëruar se......
Sa këmbehen sot valutat kryesore?
Dollari amerikan ka regjistruar edhe këtë të mërkurë rritje të lehtë të kuotës në raport me fillimin e javës duke u blerë sot me 82.7 lekë dhe duke u shitur......
IA mund të “zhdukë” 100 mln vende pune në SHBA - Raporti i Senatit nënvizon rrezikun e teknologjisë inovatore
Një raport i Senatit të Shteteve të Bashkuara tregon se inteligjenca artificiale dhe automatizimi mund të zëvendësojnë gati 100 milionë vende pune në......
