IA mund të “zhdukë” 100 mln vende pune në SHBA - Raporti i Senatit nënvizon rrezikun e teknologjisë inovatore
Një raport i Senatit të Shteteve të Bashkuara tregon se inteligjenca artificiale dhe automatizimi mund të zëvendësojnë gati 100 milionë vende pune në industri të ndryshme gjatë dekadës së ardhshme.
Raporti, i hartuar nga stafi demokrat i Komisionit për Shëndetësinë, Arsimin, Punën dhe Pensionet (HELP), paraqet mënyrat se si teknologjia dhe automatizimi do të ndikojnë në ekonominë amerikane dhe fuqinë punëtore.
Komisioni ka paralajmëruar për pasojat e mundshme që mund të sjellë përdorimi i përhapur i teknologjisë së avancuar për punëtorët. Gjatë hetimit, stafi përdori edhe chatbot-in e OpenAI, ChatGPT, për të parashikuar ndikimin e inteligjencës artificiale dhe automatizimit në disa industri specifike.
Nga 20 sektorë që u identifikuan si më të prekurit nga zhvillimet teknologjike, në 15 prej tyre parashikohet që më shumë se gjysma e punonjësve do të zëvendësohen nga teknologjia në dekadën e ardhshme.
Fuqia punëtore më e prekur do të jenë punonjësit e ushqimit të shpejtë (fast food) dhe sporteleve. Sipas raportit, më shumë se 3 milionë punonjës në këtë fushë priten të eliminohen gjatë dhjetë viteve të ardhshme, që përbën 89% të totalit.
Sektorë të tjerë që do të preken ndjeshëm përfshijnë përfaqësuesit e shërbimit ndaj klientit, punëtorët fizikë që merren me transportin e mallrave, si dhe sekretarët dhe asistentët ekzekutivë, duke përjashtuar pozicionet ligjore, mjekësore dhe ekzekutive. Raporti thekson se, përkatësisht, 83%, 81% dhe 80% e punonjësve në këto fusha pritet të zëvendësohen nga teknologjia gjatë dekadës që vjen.
Raporti gjithashtu bën thirrje për ndryshime në politikat publike për të mbrojtur punonjësit gjatë tranzicionit teknologjik. Ndër propozimet, përfshihen vendosja e një jave pune standarde prej 32 orësh, vendosja e një page minimale prej të paktën 17 dollarësh në orë, si dhe eliminimi i lehtësimeve tatimore për korporatat që përdorin inteligjencën artificiale dhe automatizimin.
Energjia e rinovueshme tejkalon qymyrin - Kina dhe India kryesojnë rritjen globale të burimeve të gjelbra
Impiantet e erës dhe diellit në botë kanë gjeneruar më shumë energji elektrike sesa termocentralet e qymyrit për herë të parë këtë vit, duke shënuar një pikë......
PS zyrtarizon kandidatët për zgjedhjet e pjesshme në 6 bashki
Zgjedhjet e pjesshme të 9 nëntorit do të zhvillohen në gjashtë bashki të vendit: Tiranë, Vlorë, Tepelenë, Berat, Mat dhe Cërrik. Më shumë se 1 milion shqiptarë......
Walk 21, konferenca ndërkombëtare për politikat urbane - Rama: Vijon puna për lirimin e hapësirave publike
Walk21, është konferenca ndërkombëtare, e cila ka edicionin e saj të 25. Në këtë konferencë janë mbledhur ekspertë nga e gjithë bota, për të ndarë përvoja......
“Mur dronësh” për tu mbrojtur nga Rusia - Udhëheqësit e BE mbështesin planin, asetet ruse do ti jepen Ukrainës
Udhëheqësit e Bashkimit Evropian dhe të vendeve të tjera që aspirojnë integrimin në BE, u mblodhën në kryeqytetin e Danimarkës për të diskutuar forcimin e......
Shqipëria e 15-ta në botë për sigurinë kibernetike/ Vengu: Rrisim kapacitetet në fushën e sigurisë së informacionit!
Ministri i Mbrojtjes, Pirro Vengu, njoftoi se Shqipëria është renditur e 15-ta në Indeksin Kombëtar të Sigurisë Kibernetike. Ai theksoi se kjo arritje shton......
Dhuna ndaj grave, fokus tek fuqizimi ekonomik - Drafti i ri, për konsultim publik. Ngrihet një rrjet i koordinuar shërbimesh
Drafti i ri i hedhur për konsultim publik “Për parandalimin dhe mbrojtjen ndaj dhunës ndaj grave dhe dhunës në familje”, një dokument që përveç mbrojtjes......
Ulje e çmimit të energjisë? - Kreu i ERE, Ahmeti: Nuk përjashtohet mundësia, varet nga performanca e OSHEE
Kreu i Entit Rregullator të Energjisë, Petrit Ahmeti nuk përjashton mundësinë e uljes së çmimit të energjisë elektrike, në varësi të performancës financiare......
Çmimet Nobel në Fizikë/ Shkencëtarët amerikanë shpallen fitues për zbulimet në teknologjinë kuantike
Shkencëtarët John Clarke, Michel Devoret dhe John Martinis fituan Çmimin Nobel në Fizikë për vitin 2025, për “zbulimin e tunelimit kuantik makroskopik dhe......
