“Gjobat për mjedisin nuk vilen” - Qirjo: 23 mln euro të paarkëtuara. Dëmet procedohen si kundravajtje, jo si krime
Shkeljet e ligjit që mbron mjedisin natyror, tokën, ujin, pyjet, ajrin etj., janë një realitet i përditshëm dhe flagrant, por vendosja e drejtësisë duket më shumë një mirazh juridik”.
Ky është konkluzioni i një serie prej pesë studimesh të thelluara, të prezantuara nga një koalicion organizatash të shoqërisë civile të udhëhequra nga Qendra Burimore e Mjedisit (REC Shqipëri), të cilat kanë skanuar çdo hallkë të sistemit, nga inspektorët e terrenit deri te gjyqtarët e Apelit.
Gjetjet zbulojnë se mbi 90% e dëmeve në mjedis janë proceduar si kundravajtje administrative, por edhe kur sistemi administrativ tenton të veprojë përmes gjobave, ato nuk vilen.
“Vetëm 11.4% e gjobave arkëtohen realisht, duke lënë miliona euro dëm financiar të parikuperuar dhe autorët të pandëshkuar. Llogaritet se mbi 10 milion Euro gjoba administrative dhe 13 milion vlerë dëmi të shkaktuar në fondin pyjor (2014-2017), janë të pa arkëtuara”, - u shpreh Mihallaq Qirjo, drejtor ekzekutiv i Qendra Burimore e Mjedisit (REC Shqipëri).
Seria e studimeve gjeti se Policia e Shtetit, duket se vuan nga varfëria teknike, teksa mungesa e ekspertëve të atashuar pranë organeve hetimore dhe laboratorëve shkencorë për kryerjen e akt-ekspertimit dhe përcaktimin e shkallës së dëmit mjedisor, bën që shpesh organet e hetimit të dështojnë në sigurimin e provave shkencore, vendimtare për fatin e procesit të hetimit dhe gjykimit.
Mungesa e provave, shpesh bën që prokuroria të shndërrohet në një “arkivë” për kallëzimet mjedisore, teksa paradoksi thellohet në dyert e gjykatave, ku drejtësia për mjedisin është e vonuar dhe pa prioritet, me çështje që zënë një volum të papërfillshëm prej 0.25% në Gjykatën e Apelit. Sipas Qirjos, për fat të keq, edhe media, e cila duhet të shërbente si rojtare e interesit publik, ka dështuar të ushtrojë presion, duke ofruar raportim sipërfaqësore.
“Ky raport vjen si një këmbanë alarmi për shoqërinë, ligjvënësit dhe ekzekutivin. Mjedisi nuk është dekor, por baza e jetës dhe e ekonomisë, dhe pa drejtësi mjedisore, funksionaliteti i shtetit ligjor mbetet i kompromentuar”, - tha ai.
Cilët shtetas erdhën më pak në Shqipëri këtë vit? Letonezët dhe bjellorusët. Izraeli, Egjipti dhe India shënojnë rekord hyrjesh
Shqipëria po regjistron një rritje të ndjeshme të vizitorëve të huaj gjatë periudhës Janar-Tetor 2025, duke shënuar një total prej 11.1 milionë hyrjesh, një......
Sistem performance për bashkitë - Demo: Granti, bazuar në zbatimin e planeve
Bashkitë kanë shënuar progres në menaxhimin financiar, shërbimet publike dhe mirëqeverisjen, duke u afruar me standardet europiane. Gjatë konferencës ku u......
Emergjencat civile, fondi të jepet sipas riskut - Çako: Ka nisur vlerësimi sipas bashkive. Mos të shpërndahet vetëm në bazë projektesh
Fondi për emergjencat civile duhet të shpërndahet sipas riskut që ka secila bashki dhe jo sipas projekteve. Në Komisionin Parlamentar për Çështjet e......
Pse bizneset shqiptare nuk përdorin financimin kolektiv? - Bajraktari: Mungon ligji dhe kultura e sipërmarrjeve
Crowdfunding, ose financimi kolektiv është një nga mënyrat më moderne të financimit të bizneseve dhe testimit të ideve të reja, po përdoret gjithnjë e më......
Cilat janë kërkesat e biznesit për qeverinë? - Jaka: TVSH për ushqimet 7%, ulje e tatimit për shitjen e pronave
Sipërmarrja kërkon një sërë lehtësisht fiskale të cilat do ta bënin atë konkurruese dhe do të ulnin ndjeshëm kostot. Gjatë dëgjesës në Komisionin e......
Serbi, rafineria e naftës NIS ndalon punën - Sanksionet amerikane rrezikojnë furnizimet dhe stabilitetin e tregut vendas
Operacionet në rafinerinë e naftës NIS, që është në pronësi ruse, janë ndërprerë për shkak të mungesës së furnizimeve me naftë të papërpunuar, raportuan......
11.1 mln vizitorë të huaj për 10 muaj/ Në tetor, fluksi më I madh erdhi nga Europa Jugore
Muaji tetor ka shënuar një tjetër rekord për turizmin dhe lëvizjet ndërkufitare, duke konfirmuar ritmin e qëndrueshëm të rritjes që Shqipëria ka njohur gjatë......
Bonusi i pensionistëve, kur nis shpërndarja? - Ibrahimaj: Do të jetë i njëjtë si i vitit të kaluar
Ministrja e Ekonomisë dhe Inovacionit, Delina Ibrahimaj, deklaroi se që nga 1 dhjetori, do të nis shpërndarja e bonusit të fundvitit për të gjithë......
