Cilat janë objektivat për Strategjinë e Arsimit? - Nga kurrikula te digjitalizimi, përafrimi me standardin europian
Qeveria ka miratuar nisjen e hartimit të Strategjisë Kombëtare të Arsimit 2027–2032, që do të përcaktojë drejtimin e zhvillimit të sektorit në vitet e ardhshme dhe përafrimin e tij me standardet e Bashkimit Europian.
Strategjia e re do të ndërtohet mbi dy shtylla kryesore: arsimin parauniversitar dhe arsimin e lartë së bashku me kërkimin shkencor. Një nga prioritetet kryesore do të jetë modernizimi i kurrikulës, për arsimin parauniversitar dhe që do të shtrihet gradualisht deri në vitin 2032. Ky ndryshim vjen si pasojë e rezultateve të dobta të nxënësve shqiptarë në testimet ndërkombëtare. Në të njëjtën kohë do të vijojë edhe digjitalizimi i sistemit arsimor, përmes zgjerimit të platformës së menaxhimit të informacionit në arsim.
Sa i përket arsimit të lartë, fokusi do të jetë rritja e cilësisë dhe ndërkombëtarizimi i universiteteve, përmes rishikimit të ligjit për arsimin e lartë dhe hapjes së sistemit universitar shqiptar ndaj bashkëpunimit me universitete ndërkombëtare.
Reformat në arsim lidhen drejtpërdrejt edhe me procesin e integrimit europian. Politikat për arsimin dhe kulturën trajtohen në Kapitullin 26 të negociatave, pjesë e grup-kapitullit “Konkurrueshmëria dhe rritja gjithëpërfshirëse”. Ky kapitull kërkon që vendet kandidate të përmirësojnë cilësinë e arsimit, të forcojnë kërkimin shkencor, të rrisin mobilitetin e studentëve dhe të harmonizojnë sistemin e diplomave me hapësirën europiane të arsimit.
Po ashtu, objektivat europiane synojnë uljen e braktisjes së shkollës, rritjen e përqindjes së të rinjve me arsim të lartë dhe forcimin e lidhjes mes universiteteve dhe tregut të punës.
Pas hapjes së kapitullit, në piketat përmbyllëse, Shqipëria duhet të dëshmojë se ka kuadrin institucional, politikat dhe burimet financiare për të zbatuar standardet e BE-së në arsim, trajnim, rini, sport dhe kulturë, si dhe të marrë masa kundër korrupsionit në këto sektorë.
Gjithashtu kërkohet afrim me objektivat e Zonës Europiane të Arsimit, krijimi i një sistemi të besueshëm monitorimi dhe politika që nxisin arsim gjithëpërfshirës dhe përfshirjen e grupeve vulnerabël.
Në këtë kuadër, strategjia e re e arsimit synon të garantojë vazhdimësinë e reformave të nisura, duke e orientuar sistemin arsimor shqiptar drejt standardeve të Bashkimit Europian dhe kërkesave të tregut europian të punës në vitet e ardhshme.
Elektrifikimi i hekurudhës Tiranë-Durrës-Rinas/ 46 mln lekë për spostimin e linjave elektrike. Projekti do garantojë funksionimin e linjës
Me një fond limit prej rreth 46 mln lekë, Operatori i Sistemit të Shpërndarjes ka hapur tenderin për spostimin e linjave elektrike përgjatë segmentit......
Qeverisja online në rritje, Shqipëria mbi mesataren europiane/ Pothuajse e gjithë popullsia përdor platformën e-Albania për shërbimet publike
Shërbimet publike po bëhen gjithnjë e më të digjitalizuara, duke bërë që qytetarët të largohen nga sportelet tradicionale dhe të marrin shërbimet e nevojshme......
Rikthehet Liceu Francez i Korçës - Mësimdhënia me tre gjuhë dhe diplomë të dyfishtë
Qeveria ka hedhur për konsultim publik projektligjin për ngritjen dhe funksionimin e institucionit publik të arsimit të mesëm të lartë “Liceu Francez i......
Shtrenjtimi i karburanteve në rajon - Çfarë masash po marrin vendet për frenimin e çmimeve?
Ndërsa konflikti në Lindjen e Mesme po shkakton paqëndrueshmëri në tregjet globale të naftës, duke ngritur shqetësime mbi inflacionin dhe presionin ekonomik......
Transporti i mallrave drejt digjitalizimit - Projektligj për informacionin elektronik, në harmonizim me BE
Qeveria ka propozuar një projektligj të ri për përdorimin e informacionit elektronik në transportin e mallrave, një hap që synon modernizimin e proceseve dhe......
Aksion në pikat e karburanteve deri më 30 Qershor - Plani i kontrollit/ Nga çmimet, tek regjistrimi i punonjësve
Pikat e shitjes më shumicë dhe pakicë të karburanteve në të gjithë Shqipërinë do të jenë objekt i një aksioni disa mujor që synon të parandalojë abuzimet e......
Si është mbyllur kjo javë e ‘trazuar’ për valutat kryesore?
Dollari amerikan pas luhatjesh te vazhdueshme qe pësoi përgjatë kësaj kohe e ka mbyllur këtë javë pozitivisht duke u blerë sot me 83.3 lekë dhe duke u shitur......
Doganat bllokojnë mallra të dyshuara për shkelje të pronësisë intelektuale
Drejtoria e Antikontrabandës dhe Drejtoria e Monitorimit, njofton se në bashkëpunim dhe koordinim intensiv me degët doganore në Kakavijë dhe në Durrës, kanë......
