Danimarka, Suedia dhe Gjermania: Po vazhdojnë hetimet për shpërthimin e Nord Stream!
Hetimet nga Danimarka, Gjermania dhe Suedia për shpërthimet në tubacionet e gazit Nord Stream nuk kanë përfunduar ende, thanë të tre vendet ndërsa Këshilli i Sigurimit i OKB-së u mblodh për të diskutuar incidentin e shtatorit.
Rusia, e cila bëri thirrje për takimin, dëshiron që këshilli prej 15 anëtarësh të kërkojë një hetim të pavarur për shpërthimet në tubacionet që lidhin Rusinë dhe Gjermaninë, të cilat hodhën gaz në Detin Baltik dhe përkeqësuan mungesën e energjisë europiane.
Danimarka, Gjermania dhe Suedia i thanë Këshillit të Sigurimit në një letër të përbashkët se "autoritetet ruse janë informuar në lidhje me hetimet në vazhdim" nga autoritetet e tyre kombëtare, të cilat deri më tani kishin vërtetuar se dëmtimi i tubacioneve ishte shkaktuar nga "shpërthime të fuqishme për shkak të sabotim”.
“Këto hetime ende nuk kanë përfunduar. Për momentin nuk mund të thuhet se kur do të përfundojnë”, thuhet në letër. Autoritetet e Danimarkës, Gjermanisë dhe Suedisë kanë qenë në dialog për hetimin e rrjedhjeve të gazit dhe dialogu do të vazhdojë në masën përkatëse.
Ata thanë se pasojat nga rrjedhjet në lidhje me emetimet e gazeve serrë ishin "të konsiderueshme dhe shqetësuese".
Rusia ka kërkuar nga ekonomisti amerikan Jeffrey Sachs, i Qendrës për Zhvillim të Qëndrueshëm në Universitetin e Kolumbias, që të informojë Këshillin e Sigurimit në takimin e së martës. Moska ka pohuar, pa dhënë prova, se Perëndimi qëndron pas shpërthimeve që prekën tubacionet Nord Stream 1 dhe 2 - projekte infrastrukturore shumë miliarda dollarëshe që transportonin gazin rus në Gjermani.
Në fillim të këtij muaji, Shtëpia e Bardhë hodhi poshtë një postim në blog nga një gazetar hetues amerikan që pretendonte se Shtetet e Bashkuara qëndronin pas shpërthimeve si "trillim krejtësisht i rremë".
Zëvendës ambasadori i Rusisë në OKB, Dmitry Polyanskiy, ka thënë se qëllimi ishte që propozimi për një hetim të pavarur të vihej në votim në Këshillin e Sigurimit deri në fund të javës. Një rezolutë e këshillit ka nevojë për të paktën nëntë vota pro dhe asnjë veto nga Shtetet e Bashkuara, Britania, Franca, Kina ose Rusia për t'u miratuar.
Agjencia ruse e lajmeve TASS raportoi se përfaqësuesi i përhershëm i Kinës në Kombet e Bashkuara, Zhang Jun, i tha Këshillit të Sigurimit se Pekini mbështet thirrjen e Moskës për hetim.
Një votim mund të përkojë me mbledhjet e Asamblesë së Përgjithshme të OKB-së dhe Këshillit të Sigurimit për të shënuar përvjetorin e parë të pushtimit të Ukrainës nga Moska. Asambleja e Përgjithshme prej 193 anëtarësh ka të ngjarë të votojë të enjten për t'i kërkuar përsëri Moskës të tërheqë trupat e saj dhe të bëjë thirrje për ndalimin e armiqësive.
Edel Strazimiri / SCAN
Sondazh
Si rënia e kostove të gazit dhe rritja e çmimeve të karbonit po nxisin ndryshime në dinamikën e karburantit?!
Rënia e çmimeve të gazit gjatë javëve të fundit është shoqëruar me rritjen e kostove të qymyrit dhe karbonit për ta bërë prodhimin e energjisë europiane nga......
Turqia ‘gërmoi’ thellë në rezerva për të mbajtur lirën të qëndrueshme gjatë tërmetit!
Banka Qendrore e Turqisë përdori 7 miliardë dollarë rezerva në dy javët e fundit për të ndihmuar në mbajtjen e lirës pas tërmeteve shkatërruese dhe rezervat......
Shitjet e makinave elektrike në BE thyen rekorde në vitin 2022 - Cili vend në Europë është në krye?
Ndikimi zvarritës i pandemisë së koronavirusit i kombinuar me luftën në Ukrainë, rritjen e inflacionit dhe kostot e energjisë dhe karburantit e bëri vitin 2022......
Emetimet e metanit, IEA: Asnjë justifikim! - Kompanitë energjetike dështojnë në mbajtjen e premtimit
Sipas një raporti të Agjencisë Ndërkombëtare të Energjisë – IEA - industria e karburanteve fosile po dështon të trajtojë emetimet e metanit, pavarësisht......
Putin, elitës së biznesit rus: Mos “lypni” në Perëndim! - Presidenti i Rusisë, apel kompanive për të investuar në vend
Presidenti Vladimir Putin kritikoi ashpër elitën e biznesit në Rusi, duke iu kërkuar atyre që "lypnin" për para’ në Perëndim që të investonin në atdhe. Ai......
Turqia “mbush” kasafortat me ar - Më shumë se 58 ton nga Zvicra në muajin janar
Importet e arit të Turqisë nga Zvicra u rritën në nivelet më të larta të njëmbëdhjetë viteve të fundit, pasi inflacioni aktual në vend rriti kërkesën për......
“Na duhen të gjitha ngjyrat e hidrogjenit”! - Gjermania reagon për debatet në BE rreth energjisë bërthamore
“Kemi nevojë për të gjitha ngjyrat e hidrogjenit”, është kjo deklarata e ministrit gjerman të Financave, Christian Lindner, në një intervistë për agjencinë e......
FMN: Ekonomia e Ukrainës funksionon - Kievi kërkon 15 miliardë dollarë kredi për rimëkëmbjen
15 miliard dollarë është shuma që Ukraina kërkon të marrë kredi nga Fondi Monetar Ndërkombëtar për të rimëkëmbur ekonominë e saj, të gjunjëzuar nga pushtimi......
