“Dalin në dritë” qiratë e pa deklaruara të apartamenteve - Bizneset, afat deri më 20 tetor të dorëzojnë kontratat, ose dokumentin e pronësisë
Elisabeta Dosku/ SCAN
Apartamentet e dhëna me qira për biznes, por nuk janë deklaruar si të tilla, tashmë do të hyjnë në regjim tatimor.
Brenda datës 20 tetor, bizneset duhet të deklarojnë pranë administratës tatimore statusin e pronësisë apo kontratën e qirasë të ambientit ku ushtrojnë aktivitetin ekonomik.
Administrata tatimore u ka dërguar një letër bizneseve duke u rikujtuar këtë detyrim, pasi në të kundërt do të përballen me penalitete.
Depozitimi apo përditësimi i këtyre të dhënave, nga llogaria personale ne e-filing, duhet të plotësohet nga çdo tatimpagues, pra nga çdo NIPT, si për adresen kryesore ashtu edhe për ato sekondare. Tatimpaguesit duhet të dorëzojnë dokumentacionin përkatës që e vërteton deklarimin siç është dokumenti i pronësisë, kontrata e qirarsë etj.
Sipas tatimeve, ky informacion shërben për përllogaritjen e saktë të Tatimit në Burim si dhe krijimin e mundësisë për parambushjen e Deklaratës së të ardhurave personale, për individët subjekt deklarimi.
Por nga ana tjetër është edhe një metodë e tërthortë për të “shënjestruar” ato apartamente që janë dhënë me qira për njësi biznesi por nuk janë deklaruar të tilla nga pronarët e tyre, me qëllim shmangien e tatimit mbi qiratë, i cili është në nivelin 15 %.
Duke qenë se tashmë bizneset do të jenë të detyruara të bëjnë këtë deklarim dhe do të duhet të kenë kontrata të rregullta me pronarët e këtyre njësive, automatikisht ato do të përfshihen në sistemin tatimor.
Qeveria parashikon që të ardhurat nga tatimi mbi qiratë të kenë një rritje progresive nga viti në vit, ku nga 487 milionë lekë të projektuara në vitin 2024, të kapërcejnë në 1 miliardë lekë në 2025, për të arritur në 1.5 miliardë lekë në 2027-ën.
Sondazh
BE mbështet zhvillimin digjital në Shqipëri - Gonzato: Gati një “zarf financiar” rreth 1 miliard euro
Diamila Leka/ SCAN Rritja e ndikimit të Shqipërisë në Ekonominë digjitale, inovacioni në biznese si dhe avancimi i strukturave digjitale ishin fokusi i......
Ilir Proda, në krye të Policisë së Shtetit - Vendimi i Qeverisë, Hoxha: Së shpejti hapet gara për drejtuesit në qarqe
Ilir Proda do të jetë drejtori i ri i Përgjithshëm i Policisë së Shtetit. Pas procesit të ndërmarrë për përzgjedhjen e kreut të bluve, qeveria ka firmosur......
Punimet në Unazën e Madhe/ Balluku: E aksesueshme në fund të këtij viti!
Punimet në Unazën e Madhe të Tiranës po vijojnë me ritme të shpejta në të gjitha kantieret. E gjithë kjo vepër e rëndësishme pritet të finalizohet në fund......
Zhvillohet në Tiranë takimi për Shpenzimet Publike dhe Përgjegjësinë Financiare (PEFA) në nivel vendor!
Nën drejtimin e Drejtoreshës së Përgjithshme të Buxhetit në Ministrinë e Financave, Mimoza Dhëmbi, dhe Zv.Ambasadorit të Zvicrës në Tiranë, Philipp......
Sulmi i Iranit ndaj Izraelit “turbullon” tregun e naftës - Çfarë do të ndodhë nëse mbyllet Ngushtica e Hormuzit?
Kristi Ceta/SCAN Sulmi me raketa i Iranit ndaj Izraelit po teston tregun e naftës, me sulmin që ngre shqetësime për ndërprerjet e mundshme të......
Rreth 77% e bizneseve në rajon deklarojnë se kostot e tyre janë rritur - Inflacioni dhe kriza energjitike po “godasin” edhe sipërmarrjet në vend
Armela Duka/SCAN Rreth 77% e bizneseve që operojnë në Ballkanin Perëndimor kanë vlerësuar se kostot e biznesit si qeraja, energjia dhe forca punëtore......
Si përkthehet “varësia” e ekonomisë nga ndërtimi e shërbimet? - Xhepa: Nuk është “shëndet”. Riorientim drejt sektorëve me vlerë të shtuar
Elisabeta Dosku/SCAN Ndërtimi dhe shërbimet janë motori kryesor i zhvillimit të ekonomisë shqiptare. Por si përkthehet “varësia” ndaj këtyre......
Çfarë ka ndodhur sot ë tregun valutor?
Dollari amerikan e ka nisur ditën në rritje teksa në raport me dje është blerë sot me 88.6 lekë dhe është shitur me 89.7 lekë sipas kursit të këmbimit......
