Cilat janë problematikat kryesore të biznesit? Anketa e RCC: Pandemia, korrupsioni dhe kriza e migrimit, sfidat e sipërmarrjes në Shqipëri
Pandemia COVID-19, korrupsioni dhe kriza e migrimit janë problemet kryesore me të cilat përballet biznesi shqiptar. Këtë tregojnë të dhënat më të fundit nga Barometri i Ballkanit për vitin 2022, i publikuar nga Këshilli i Bashkëpunimit Rajonal (RCC). Ky është publikimi i tetë i këtij barometri dhe vjen në nje moment kur Europa përballet me sfida të mëdha për sigurinë e saj, ndërkohë që ende ka nëpër këmbë rreziqet e krizës ekonomike në shkaktuar nga shpërthimi i pandemisë. Anketat e Barometrit të Ballkanit për vitin 2022 u kryen nga mesi i shkurtit deri në mes të marsit 2022 në Shqipëri, Bosnje dhe Hercegovinë, Kosovë, Mal të Zi, Maqedoninë e Veriut dhe Serbi. Anketa ndahet në sondazh i Opinion Publik i cili është i përbërë nga 109 pyetje për 6029 qytetarë dhe sondazhi për Opinionin e Biznesit i cili është i përbërë nga 177 pyetje për 1203 pronarë biznesi, menaxherë apo drejtues.
“Scan Intel” është ndalur në Anketën e Opinionit të Biznesit duke analizuar disa nga problematikat kryesore të biznesit në vendet e rajonit. Matja bëhet në një shkallë nga 1 deri në 4 ku 1 do të thotë pengesë e madhe, 2 pengesë e moderuar, 3 pengesë e vogël dhe 4 asnjë pengesë. Pandemia si problem ka një rezultat prej dy pikësh në vendin tonë duke u konsideruar si një pengesë e moderuar, por që sidoqoftë mbetet e tillë për rritjen e bizneseve. Anketa tregon se në Kosovë dhe në Mal të Zi ky problem ka një rezultat prej 1.9 pikësh. Një tjetër pengesë që vazhdon veçanërisht në Shqipëri dhe Kosovë me 2.1 dhe 2 pikë respektivisht është kriza e migracionit. Korrupsioni po ashtu konsiderohet problem dhe vlerësohet me 2.1 pikë. Të dhënat tregojnë se në të gjitha vendet e rajonit korrupsioni evidentohet si problem dhe varion nga 2.1 pikë deri në 2.7 pikë në Serbi.
Paqëndrueshmëria makroekonomike, vijon në renditje si një ndër problemet kryesore në vendin tonë e vlerësuar me 2.2 pikë. Anketa tregon se biznesi shqiptar evidenton probleme të tjera si kostot e financimit dhe paqëndrueshmëria politike apo edhe sociale, të cilat kanë një rezultat prej 2.3 pikë. Nga ana tjetër, ekonomia informale është një problem i rëndësishëm në të gjithë rajonin, me pjesëmarrjen e ekonomisë së padeklaruar në ekonominë totale. Megjithëse vlerësohet me 2.6 pikë, të dhënat tregojnë se në Shqipëri ky problem është më pak evident për biznesin se në vendet e rajonit. Krimi i organizuar, krimi i rrugës, vjedhjet dhe krimet e dhunshme shihen si probleme për biznesit shqiptar po ashtu, ndjekur nga disponueshmëria e punës dhe nga mungesa e aftësive apo arsimit të punëtorëve.
SA PROBLEMATIKE JANË KËTA FAKTORË PËR FUNKSIONIMIN DHE RRITJEN E BIZNESIT TUAJ?
(1 do të thotë pengesë e madhe, 2 pengesë e moderuar, 3 pengesë e vogël dhe 4 asnjë pengesë)
Klikoni këtu për të parë raportin e plotë
Sondazh
Kolapsi i Hekurudhës Shqiptare/ 55 mln euro humbje në një dekadë, vetëm një linjë në shërbim, dhe rreth 1 mijë të punësuar
“Hekurudha Shqiptare” është një kompani 100% nën zotërim të qeverisë shqiptare, më saktë, Ministrisë së Financave dhe Ekonomisë. Ndër vite, ka qenë një prej......
Makina, “hajduti” i shtëpisë/ Na kushton rreth €3400 në vit, ose sa 34% e pagës mesatare të një çifti
Rritja e çmimit të karburantit gjatë muajve të fundit, padiskutim që ka bërë shumë familje të marrin lapsin dhe letrën për të bërë llogaritë se sa ju kushton......
30% e aksidenteve rrugore ndodhin të premteve dhe të shtunave/Kujdes oraret 08:00-12:00 dhe 14:00-17:00.
210 është numri i aksidenteve rrugore në rang vendi shënuar të premteve, ndjekur nga e shtuna me 206 aksidente dhe e diela me 198 të tilla, çka përkthehet në......
Agroturizmi, sektori me potencial zhvillimi/ Renditja dhe analiza e të ardhurave dhe fitimeve për 20 ferma agroturistike të regjistruara, cila kryeson
Pavarësisht se agroturizmi konsiderohet në fazat e tij fillestare në Shqipëri, të dhënat e analizuara nga "Scan Intel" tregojnë se gjatë 5 viteve të fundit, të......
Kultura po zhvlerësohet/ Më pak spektatorë, dhe shpenzime publike. Çmimet janë rritur minimalisht në 6 vite
Të dhënat e "Institutit të Statistikave" referuar dimensionit ekonomik të kulturës, tregojnë se numri i shfaqjeve apo premierave gjatë vitit 2021 është rritur......
Vlera e banesave në Tiranë është rritur mbi 60%/ Pasuria individuale e një banori të kryeqytetit është shtuar me €10,000, ose €38,000 për familje, në 8 vite
Rreth 80% të pasurisë së familjeve shqiptare e zënë pikërisht pronat. Pra, pjesa dërrmuese e pasurisë së një familje mesatare shqiptare përfaqësohet pikërisht......
Çmimet, si ndryshojmë me Europën? Sa 60.9% e mesatares së Bashkimit Europian, jemi më të shtrenjtët në rajon
Në Shqipëri, gjatë vitit 2021, çmimet për kosumin final janë sa 60.9% e masatares së çmimeve në Bashkimin Europian. Këto të dhëna vijnë nga publikimi më i......
Një shqiptar konsumon 2.5 herë më pak se një europian/ Indeksi i konsumit individual në 2021, zgjerohet hendeku me BE, jemi të fundit në kontinent
Shqipëria ka zgjeruar më tej hendekun me Europën sa i përket një prej indikatorëve më të rëndësishëm të mirëqënies; konsumit. Të dhënat më të fundit të......
