Çështja tatimore prej 870 milionë eurosh e Italisë kundër Metës shkon në shqyrtimin e BE-së!
Një pretendim tatimor italian ndaj Metës është përshkallëzuar në komisionin e TVSH-së të Komisionit Europian për vlerësim, thanë për Reuters tre burime me njohuri të drejtpërdrejta për këtë çështje. Kompania me bazë në SHBA, e cila zotëron Facebook, Instagram dhe WhatsApp, ndër të tjera, përballet me një faturë të mundshme tatimore prej rreth 870 milionë euro në Itali pasi prokurorët e Milanos nisën një hetim ndaj firmës bazuar në një kontroll të policisë tatimore.
Megjithëse është një shumë modeste për një kompani që solli më shumë se 32 miliardë dollarë (29 miliardë euro) të ardhura vitin e kaluar, rasti mund të ketë pasoja shumë më të gjera pasi varet nga mënyra se si Meta siguron akses në shërbimet e saj.
Auditimi, i ideuar dhe kryer nga policia financiare e Italisë, Guardia di Finanza, pretendoi se regjistrimet e përdoruesve të Meta mund të shiheshin si një transaksion i tatueshëm pasi ato nënkuptojnë shkëmbimin jomonetar të një llogarie anëtarësimi për të dhënat personale të përdoruesit. Kompania ka deklaruar vazhdimisht se nuk pajtohet fuqimisht me idenë që ofrimi i aksesit në platformat online për përdoruesit duhet t'i nënshtrohet tatimit mbi shitjet (TVSH - tatimin mbi vlerën e shtuar).
Të tre burimet, sipas Reuters, thanë se për shkak të ndjeshmërisë dhe natyrës së paprecedentë të çështjes, agjencia italiane e taksave dërgoi një kërkesë në shtator për një vlerësim teknik komitetit të TVSH-së të Komisionit Europian nëpërmjet Departamentit të Financave të qeverisë kombëtare.
Opinioni i kërkuar kishte të bënte me trajtimin me TVSH të shërbimeve online të ofruara nga rrjeti social në këmbim të dhënies së të dhënave të përdoruesve të tij.
Vlerësimi i komitetit të BE-së për TVSH-në - koha e të cilit nuk dihet do të jetë jo detyruese. Megjithatë, një "jo" nga ajo mund të shtyjë ministrinë dhe agjencinë e taksave të ndalojnë sfidimin e Metës dhe përfundimisht të heqin dorë nga hetimi penal edhe nga prokurorët e Milanos, thanë burimet.
Duke qenë se TVSH-ja është një taksë e harmonizuar në nivel evropian, nëse kjo do të konsiderohej se zbatohej në Itali, do të zbatohej automatikisht për të gjitha vendet e tjera anëtare të BE-së. Një trajtim i tillë tatimor mund të shtrihet gjithashtu në BE në të gjitha platformat e tjera shumëkombëshe të internetit që përdorin mënyrën e aksesit falas në këmbim të të dhënave të përdoruesit.
Një zëdhënës i Komisionit Europian nuk pranoi të komentojë drejtpërdrejt mbi këtë çështje, duke vënë në dukje se komiteti i TVSH-së ishte një grup i pavarur këshillimor. "Komiteti i TVSH-së rregullisht merret me çështjet e ngritura nga shtetet anëtare dhe si rezultati ashtu edhe afati kohor varen nga agjenda," tha zëdhënësi.
Guardia di Finanza llogariti një model sipas të cilit Metës do t'i duhej të paguante rreth 220 milionë euro TVSH në vend në vitin 2021. Ata llogaritën gjithashtu se TVSH-ja e paguar për 2015-2021 do të ishte një total prej 870 milionë euro. Italia ka ndjekur kompani të tjera teknologjike mbi taksat. Platforma e dhënies me qira të pronave Airbnb tha këtë muaj se do t'i paguajë 576 milionë euro Agjencisë Italiane të të Ardhurave për të shlyer detyrimet e papaguara të tatimit mbi të ardhurat për 2017-2021.
Edel Strazimiri / SCAN
Sondazh
Ethereum performon më mirë se bitcoin - Ngjitet pranë 2,300 dollarëve, analistët presin nivele më të larta
Bitcoin po tregtohet i qëndrueshëm në sesionin e sotëm, poshtë 44,000 dollarëve, ndërsa bie në sy rritja e ethereum me rreth 3% për shkak të një përditësimi,......
Bursat europiane vijojnë “qetësinë” - Investitorët presin “Rritjen e Santa Claus”, që ndodh çdo fundvit
Bursat europiane janë hapur me ndryshime të vogla në sesionin e sotëm, pavarësisht se indekset kryesore në Wall Street publikuan fitime të konsiderueshme të......
Dobësimi i dollarit mbështet metalet e çmuara - Ari ngjitet në 2,075 USD, prek nivelin më të lartë në 3 javë
Ari po qëndron në rritje edhe në sesionin e sotëm dhe po tregtohet në nivelin më të lartë në 3 javët e fundit, për shkak të dobësimi të dollarit amerikan.......
Dollari realizon humbje javore prej 0.8% - Prek nivelin më të ulët në katër muajt e fundit
Dollari po qëndron në rënie edhe në sesionin e sotëm, duke prekur sërish nivelin më të ulët në 4 muajt e fundit, ndërsa investitorët po presin të dhënat mbi......
Nafta ngjitet drejt 80 USD - Angola largohet nga OPEC, zbeh efektin e sulmeve në Detin e Kuq
Nafta i është rikthyer fitimeve në sesionin e sotëm, ndërsa vazhdojnë tensionet në Lindjen e Mesme pas sulmeve të grupit Houthi ndaj anijeve të transportit në......
PBB ngjitet me 3.46% në tremujorin e tretë - “Administrata Publike” dhe "Real Estate" stimuluan rritjen ekonomike
Produkti i Brendshëm Bruto vlerësohet më rritje përgjatë tremujorit të tretë të këtij viti, sipas të dhënave më të fundit nga “Instituti i Statatistikave”. Kjo......
Qeveria e Mbretërisë së Bashkuar rrit gradualisht pagën minimale për vizat familjare!
Qeveria britanike ka vendosur të rrisë gradualisht kërkesën për pagën minimale për vizat familjare, duke rrëzuar një vendim të diskutueshëm më parë. Qeveria......
Subvencioni për panelet e ngrohjes së ujit - Shteti paguan 70% të vlerës, ja kostot që duhet të paguhen nga familjet
Faza e dytë e programit të suybvencionimit të paneleve diellore për 2 mijë familje të tjera shqiptare pritet të nisë në fillim të vitit të ardhshëm. Por sa do......
