BE planifikon procedura më të shpejta për azilkërkuesit
27 ministrat e brendshëm të BE-së negociuan të enjten gjatë gjithë ditës në takimin e Këshillit në Luksemburg, në mënyrë që të mund të miratonin një reformë gjithëpërfshirëse të procedurave të azilit dhe menaxhimit të imigracionit, të përgatitur prej vitesh.
Më pas, më në fund, vendet e mëdha anëtare të BE si Gjermania dhe Italia ishin në bord, por jo ato më të voglat. Vendimi në fund nuk u mor unanimisht, por nga shumica e kualifikuar e shteteve anëtare që përfaqësojnë të paktën 65% të popullsisë së BE-së. Polonia dhe Hungaria, të cilat ende nuk duan të respektojnë rregullat e përbashkëta të BE-së për migracionin, votuan kundër.
Për vite me radhë, shtetet anëtare të BE-së kanë luftuar për reformën e azilit por ministrat e Brendshëm të Bashkimit Europian kanë arritur një marrëveshje në Luksemburg, megjithëse nuk arritën të arrijnë unanimitet.
Planet kërkojnë trajtim dukshëm më kufizues të emigrantëve pa asnjë perspektivë qëndrimi pasi marrëveshja lejon procedurat e azilit në kufijtë e jashtëm të Europës për herë të parë, në mënyrë që njerëzit me pak mundësi për të qëndruar në BE as mos të hyjnë as në BE. Për këtë do të krijohen qendra azili pranë kufijve dhe nga atje, emigrantët do të dëbohen drejtpërdrejt.
Ministri polak i Brendshëm, nacional-konservatori Mariusz Kaminski, për shembull, njoftoi se Polonia nuk do t'i paguajë kompensim një fondi të BE-së për azilkërkuesit që nuk pranohen. Ky kompensim, 20000 euro për azilkërkues, është i detyrueshëm sipas rregullave të reja të solidaritetit, nëse një vend nuk mirëpret aq azilkërkues sa duhet sipas popullsisë së tij.
Pavarësisht kundërshtimit masiv ndaj "solidaritetit të detyrueshëm" me vendet shumë të ngarkuara të hyrjes së parë si Greqia, Italia, Qiproja dhe Malta, Ministrja e Brendshme gjermane Nancy Faeser beson se vendimi i marrë në Luksemburg është një vendim "historik" që nuk ishte i lehtë për askënd.
Procedurat në kufijtë e jashtëm fillimisht do të zbatohen vetëm për emigrantët nga vendet, shkalla e njohjes së të cilëve është nën 20% mesatarisht në BE; pra kërkesa e të cilëve është haptazi e pabazuar, sepse ata vijnë nga një vend relativisht i sigurt. Kjo ka të bëjë, për shembull, për njerëz nga Turqia, India, Tunizia, Serbia apo Shqipëria. Procedurat duhet të zgjasin maksimumi dymbëdhjetë javë.
Shumica e refugjatëve - për shembull nga Siria, Afganistani apo Sudani - pritet të vazhdojnë të kenë të drejtën për një procedurë normale. Vitin e kaluar, rreth 966.000 kërkesa për azil u depozituan në BE, nga të cilat më shumë se një në katër - 252.000 - u bënë në Gjermani. Personat, kërkesa për azil e të cilëve është refuzuar gjatë procedurës kufitare, sipas rregullave të reja, mund të kthehen shpejt në vendin e tyre të origjinës ose në vende të tjera të treta.
Në të ardhmen, shtetet dëbuese, pra Greqia dhe Italia, mund të vendosin vetë nëse një vend i tretë është i përshtatshëm për riatdhesim dhe nuk do të ketë më një listë në mbarë BE. Italia, Greqia dhe Austria këmbëngulin që emigrantët e refuzuar të deportohen në të ashtuquajturat vende të treta të sigurta si Tunizia ose Shqipëria.
Gjermania donte ta parandalonte këtë nëse të dëbuarit nuk kishin lidhje të ngushta me këto vende të treta, për shembull nëpërmjet familjes së tyre por sipas Komisionit Evropian dhe Presidencës suedeze të Këshillit, mjafton që emigrantët thjesht të kenë kaluar tranzit nëpër një vend.
Hungaria dhe Polonia duan ta rikthejnë këtë temë në agjendën e samitit evropian më 29 dhe 30 qershor në Bruksel. Përveç kësaj, vendet e BE ende duhet të arrijnë një marrëveshje me Parlamentin Evropian. Kjo konsiderohet shumë e vështirë, pasi pozicionet ndryshojnë "me kilometra" sipas diplomatëve. Qeveria gjermane po bën presion që reforma e azilit të përfundojë përpara zgjedhjeve evropiane në qershor 2024.
E . S / SCAN
Sondazh
Marrëveshja për energjinë e gjelbër në BE - Objektivi, zgjerimi i shpejtë i burimeve të rinovueshme si era dhe dielli
Vendet e Bashkimit Europian do të përpiqen përsëri këtë javë të miratojnë një marrëveshje për objektivat e reja të energjisë së rinovueshme, të cilat janë......
Franca ul çmimet e ushqimeve - Qeveria detyron kompanitë e mëdha të vendosin një kufi
Blerësit francezë duhet të paguajnë më pak për ushqimin e tyre duke filluar nga muaji i ardhshëm, tha ministri i Financave Bruno Le Maire, pasi ai siguroi një......
UBS përfundon blerjen e rivalit Credit Suisse - Banka zvicerane zyrtarizoi procedurat: Jemi gati për sfidat!
Banka zvicerane UBS konfirmoi zyrtarisht blerjen e rivales së saj Credit Suisse. Në një letër të hapur, kryetari i bordit të UBS dhe drejtori Ekzekutiv u......
Mali i Zi: Partia e re "Europa tani" kryeson pas zgjedhjeve!
Partia e re e reformave, "Europa tani" të dielën ka marrë sipas llogaritjeve të fundit në zgjedhjet parlamentare në Mal të Zi 26% të votave. Kjo parti merr......
Si ka nisur kjo javë për valutat kryesore?!
Dollari amerikan edhe këtë jave e ka nisur negativisht teksa ka regjistruar sërish rënie në raport me javën që lamë pas duke u blerë sot me 98 lekë dhe duke u......
Miliarderi George Soros zgjedh pasuesin - Dorëzon kontrollin e perandorisë te djali i tij Alex
Financieri miliarder George Soros po ia dorëzon kontrollin e perandorisë së tij masive djalit të tij Aleksandrit, tha një zëdhënës i Soros të......
Nafta zbret pranë 74 USD për fuçi - Ndikohet nga ngadalësimi i kërkesës dhe rritja e prodhimit
Nafta po qëndron në rënie në sesionin e parë të kësaj jave, pasi investitorët kanë ende paqartësi në lidhje me vendimet që do të marrin bankat qendrore në vonë......
Tregu monetar e nis javën në qëndrueshmëri - Investitorët presin takimet e bankave qendrore gjatë javës
Tregu monetar e ka nisur këtë javë në qëndrueshmëri, pranë nivelit më të ulët në disa javë, pasi investitorët po presin takimet e bankave qendrore më të mëdha......
