BE nënshkruan marrëveshjen me Azerbajxhanin për të dyfishuar eksportet e gazit deri në vitin 2027!
Komisioni Europian nënshkroi një marrëveshje me Azerbajxhanin të hënën për të dyfishuar importet e gazit natyror deri në vitin 2027. Njoftimi erdhi pasi presidentja e Komisionit Europian Ursula von der Leyen vizitoi Bakun të hënën në mëngjes për bisedime mbi rritjen e furnizimeve me energji në BE.
Marrëveshja, e cila synon të sjellë importet e gazit natyror azerbajxhanas në të paktën 20 miliardë metra kub në vit në 15 vjet, do të ndihmojë BE-në të reduktojë varësinë e saj nga energjia ruse.
"Sot, me këtë Memorandum të ri Mirëkuptimi, ne po hapim një kapitull të ri në bashkëpunimin tonë energjetik me Azerbajxhanin, një partner kyç në përpjekjet tona për t'u larguar nga karburantet fosile ruse," tha von der Leyen.
Njoftimi i së hënës është pjesë e një shtytjeje më të gjerë nga BE për të gjetur furnizues alternativë të energjisë që nga pushtimi i Ukrainës nga Rusia. Shqetësimet në Bruksel për një mbyllje të plotë të gazit rus u rritën javën e kaluar pasi gazsjellësi Nord Stream 1 filloi mirëmbajtjen e planifikuar, duke i ndalur furnizimet.
Puna në tubacionin nga Rusia në Gjermani do të vazhdojë deri në fund të kësaj jave, por Ministria e Jashtme ruse ka thënë se e ardhmja e gazsjellësit është e lidhur me sanksionet kundër Moskës. “Mes armatizimit të vazhdueshëm të Rusisë të furnizimeve të saj me energji, diversifikimi i importeve tona të energjisë është një prioritet kryesor për BE-në”, tha Komisioni Europian në një deklaratë të premten përpara udhëtimit.
Moska ka mohuar se po përdor gazin si armë kundër BE-së, megjithatë furnizimet ruse kanë rënë me më shumë se 60 % në javët e fundit. Mbyllja e Nord Stream 1, e cila është një lidhje thelbësore e furnizimit për gazin rus në Gjermani dhe më gjerë, ka shtuar shqetësimet se Moska mund t'i japë fund furnizimit të saj me gaz në bllok.
Sipas një dokumenti të parë nga Reuters, marrëveshja midis Baku dhe BE do të rrisë rrjedhën e gazit në bllok përmes tubacionit të Korridorit Jugor të Gazit.
"Palët aspirojnë të mbështesin tregtinë dypalëshe të gazit natyror, duke përfshirë eksportet në Bashkimin Europian, nëpërmjet Korridorit Jugor të Gazit, të paktën 20 miliardë metra kub gaz në vit deri në vitin 2027, në përputhje me qëndrueshmërinë tregtare dhe kërkesën e tregut", thuhet në dokument.
Vitin e kaluar, tubacioni transportoi 8 miliardë metra kub gaz në BE. Rritja do të kërkonte që Azerbajxhani të rrisë prodhimin vendas të gazit. Azerbajxhani tashmë po rrit dërgesat e gazit natyror në BE nga 8.1 miliardë metra kub (bcm) në 2021 në 12 miliardë metra kub në 2022, tha Komisioni.
Vendi, i cili kufizohet me Gjeorgjinë, Turqinë, Armeninë, Rusinë, Iranin dhe Detin Kaspik, filloi eksportin e gazit natyror në Europë përmes Gazsjellësit Trans Adriatik në fund të vitit 2020. Në atë kohë, Azerbajxhani tha se planifikonte të dërgonte 10 miliardë metra kub gaz në Europë çdo vit, kryesisht në Itali, por edhe në Greqi dhe Bullgari.
Edel Strazimiri / SCAN
Sondazh
Rikuperon Franga dhe Dollari ndërsa Euro dhe Paundi nuk luhaten!
Dollari amerikan e ka nisur këtë të martë pozitivisht teksa ka rikuperuar pikë në raport me ditën e djeshme duke u blerë sot me 114.6 lekë dhe duke u shitur me......
Çelja e negociatave – Von der Leyen vlerëson arritjet e Shqipërisë dhe Maqedonisë së Veriut
Shqipëria dhe Maqedonia e Veriut sot nisin një proces historik atë te hapjes se negociatave për pranim ne Bashkimin Evropian. Presidentja e Komisionit......
Serbia bëhet vendi i parë në rajon që nis fluturime direkt me Kinën - Nisjet të përcaktuara një herë në javë
Hainan Airlines me bazë në Kinë ka nisur fluturimet direkte midis Beogradit dhe Pekinit të shtunën, tha kompania. "Ne do të ofrojmë fluturime pa ndalesë çdo......
Sa mund të zgjasë emergjenca e e-Albania? - Rikthehen shërbimet publike me sportele fizike
Emergjenca e krijuar në ofrimin e shërbimeve publike pas mbylljes së portalit unik qeveritar, E-Albania ka detyruar Ministrinë e Brendshme që të rihapë......
Vonesa, radhë dhe kaos – Ja 10 aeroportet më të këqij në Europë për muajin korrik 2022
Në Heathrow të Londrës, kaosi është bërë intensiv, mes radhëve të pafundme të sigurisë, vonesave dhe anulimeve të fluturimeve dhe shumë pak mbajtëse të......
Tregtia e jashtme rritet në vlerë, por bie në peshë/ Eksport & Import në Qershor, 210 milionë euro më shumë se vjet, por 133 mijë ton më pak mallra
Rritja e çmimeve vijon të ketë ndikim të theksuar në shifrat e tregtisë së jashtme. Sipas Institutit të Statistikave, eksportet gjatë qershorit të këtij viti......
Europa në kërkim të gazit - Cilat janë vendet që do të mundësojnë furnizimin
Një alternativë për gazin rus ishte një nga pasojat e para për Europën pas pushtimit rus të Ukrainës. Udhëtimi në kërkim të furnizuesve të rinj nisi......
Nxjerrja e gazit në Adriatik - Kroacia investon 266 milionë euro
Kompania kroate e naftës INA, do të investojë 2 miliard kuna, rreth 266 milionë euro, për ndërtimin e platformave si dhe për shpime të reja në veri të......
