Arsimi, faturë 277 mln euro/ Shërbimet zënë rreth 3.3% të buxhetit të familjeve
Dita e parë e shkollës rikthen vëmendjen jo vetëm te bankat, librat dhe nxënësit, por edhe te fatura që arsimi përfaqëson për familjet shqiptare. “Scan Intel” ka analizuar të dhënat e Anketës së Buxhetit të Njësive Ekonomike Familjare për të përllogaritur faturën që arsimi përfaqëson në buxhetin e familjeve shqiptare.
Sipas INSTAT, gjatë vitit 2024 një familje shqiptare, e përbërë mesatarisht nga 3.1 persona, shpenzoi për konsum rreth 93 mijë lekë në muaj. Në strukturën e këtyre shpenzimeve, zëri “Arsim” përbën 3.3% të totalit. Nga një përllogaritje e thjeshtë rezulton se rreth 3 mijë lekë në muaj nga buxheti i një familjeje shkojnë për këtë zë.
Po sa bëhet kjo shumë gjatë gjithë vitit?
Duke shumëzuar shpenzimin mujor me 12 muaj, rezulton se një familje shqiptare shpenzon mesatarisht rreth 36.8 mijë lekë në vit për arsim. Nëse marrim në konsideratë rreth 756 mijë familje, sipas rezultateve të Censit të Popullsisë dhe Banesave 2023, fatura bëhet shumë më e madhe.
Sipas përllogaritjeve të “Scan Intel”, familjet shqiptare shpenzojnë në total rreth 27.9 miliardë lekë në vit për arsim. Me një kurs mesatar këmbimi prej 100.7 lekësh për euro gjatë vitit 2024, kjo shumë përkthehet në rreth 277 milionë euro mesatarisht.
Arsimi zë një peshë më të madhe në Shqipëri se në BE
Të dhënat bëhen edhe më interesante nëse pesha e arsimit në buxhetin e familjeve shqiptare vendoset përballë mesatares së Bashkimit Europian. Sipas Eurostat, në vitin 2024 shërbimet e arsimit përbënin 0.9% të totalit të shpenzimeve të familjeve në Bashkimin Europian. Në Shqipëri kjo peshë rezulton 3.3%, ose rreth 3.7 herë më e lartë.
Kjo nuk do të thotë se familjet shqiptare shpenzojnë më shumë para në vlerë absolute sesa familjet europiane, por treguesi paraqet se arsimi zë një pjesë dukshëm më të madhe të buxhetit familjar në Shqipëri.
Duhet pasur parasysh gjithashtu se zëri “Arsim” në klasifikimin e INSTAT përfshin vetëm shërbimet e arsimit, nga arsimi parashkollor dhe fillor, te arsimi i mesëm, i lartë dhe kurset.
Pra, në këtë shumë nuk përfshihet e gjithë fatura që familjet përballojnë me nisjen e shkollës, pasi shpenzime si veshjet, këpucët apo produkte të tjera llogariten në kategori të veçanta të konsumit.
“Të zgjedhim presidentin” - Kurti kërkon kompromis politik dhe kundërshton rikthimin në zgjedhje
Pas zhvillimeve të djeshme politike në Kosovë, çështja e zgjedhjes së presidentit mbetet ende pa zgjidhje. Kryeministri Albin Kurti u ka bërë thirrje liderëve......
Ulja e konsumit të energjisë - Plani Kombëtar deri në 2030. Në fokus, ndërtesat, bizneset dhe industria
Frenim i rritjes së konsumit të energjisë deri në fund të dekadës, përmes një sërë masash që prekin familjet, ndërtesat publike, bizneset dhe industrinë”.......
Konflikti për pronën - ERE: Energjia, jo mjet presioni në konfliktet civile
Një konflikt për pronën, qiranë apo përdorimin e një apartamenti nuk duhet të përfundojë me ndërprerjen e energjisë elektrike. Ky është qëndrimi i Bordit të......
“Zanati” fiton terren - 17 mijë nxënës në arsimin profesional
Për vite me radhë, arsimi profesional ka qenë një nga përgjigjet e kërkesës së tregut për punonjës të kualifikuar. Dhe shifrat tregojnë se zgjedhja për një......
Goditje e re për ushqimet - Çmimet rriten nga moti ekstrem dhe luftërat, sheqeri “kërcen” me 12%
Çmimet botërore të ushqimeve u rritën ndjeshëm gjatë gushtit, të ndikuara nga temperaturat e larta, kushtet e pafavorshme atmosferike, konfliktet dhe......
Ekonomia globale nuk ndalet - FMN pret rritje 3% në 2026, por energjia dhe borxhi mbeten shqetësim
Ekonomia botërore po tregohet më e qëndrueshme nga sa pritej përballë goditjes së energjisë të shkaktuar nga lufta në Lindjen e Mesme. Fondi Monetar......
Ekonomitë më të forta të BE - Portugalia kryeson punësimin, ndërsa Irlanda rritjen e PBB
Portugalia po renditet ndër ekonomitë më dinamike të Bashkimit Europian, veçanërisht sa i përket punësimit. Të dhënat më të fundit të Eurostat tregojnë se......
Kanadaja drejt BE-së/ Përplasja tregtare me SHBA-në shtyn Otavën të afrohet me Evropën
Kanadaja po shqyrton një afrim të paprecedentë me Bashkimin Evropian, ndërsa përplasja tregtare me Shtetet e Bashkuara po e shtyn Otavën të kërkojë partnerë......
