64.5% e mallrave transportohen përmes detit - Porti i Durrësit shënon volumin më të madh të produkteve
Mallrat e hyrë dhe të dalë nëpërmjet transportit detar zënë përqindjen më të madhe të mallrave të transportuara gjithsej në Shqipëri, krahasuar me transportin hekurudhor dhe atë ajror. Të dhënat e publikuara nga Instituti i Statistikave tregojnë që volumi i mallrave të transportuara nëpërmjet detit është 1.673 mijë ton, përmes hekurudhës janë transportuar 127 mijë ton mallra dhe 499,5 ton janë transportuar në rrugë ajrore.
Në tre muajt e parë të këtij viti eksportet arritën vlerën 95 mld lekë, duke u ulur me 22,3 %, ndërkohë që importet kapën shifrën 209 mld lekë, duke u rritur me 0,4 % krahasuar me të njëjtën periudhë të një viti më parë. Mallrat e eksportuara me det zënë 40% të të gjithë volumit të mallrave të eksportuara në tremujorin e parë 2024 dhe ato të eksportuara me hekurudhë vetëm 0,1 %. Volumi i mallrave të importuara nëpërmjet rrugëve detare në këtë tremujor zë 64,5 % ndaj totalit të mallrave të importuara ndërsa ato përmes transportit ajor vetëm 0,02%.
Krahasuar me tremujorin e parë të vitit 2023, volumi i mallrave të transportuara në rrugë ajrore ka shënuar një rritje prej 11,1%. Në transportin ajror, mallrat e transportuara me postë kanë regjistruar ulje vlerësuar me të njëjtën periudhë të një viti më parë.
Sa i takon detit, portet e Durrësit, Vlorës, Shëngjinit dhe Limjonit në Sarandë janë të vetmit që bëjnë transportin e mallrave. Porti i Durrësit është porti më i madh në vend prej të cilit janë transportuar 96% e volumit të mallrave të transportuar me det, ose 1.606 mijë ton mallra, duke shënuar një rritje me 3,4 % krahasuar me të njëjtën periudhë të një viti më parë. Ndërsa sasia e mallrave të transportuara nga portet e tjera mbetet shumë e vogël.
Në lidhje me llojet kryesore të grup-mallrave të transportuara nëpërmjet rrugëve detare, metalet bazë, makineritë, pajisjet dhe produkte metalike të fabrikuara zënë peshën më të madhe me 17,1% në total. Koksi dhe produktet e rafinuara të naftës përbëjnë 14,7 % të mallrave të transportuara, ndërsa grupi i mallrave produkte të tjera minerale (jo metalike) përbëjnë vetëm 10,5%. Nga të dhënat rezulton se mallrat janë transportuar nëpërmjet 304 anijeve gjithsej, 178 prej tyre kanë qenë të huaja dhe 126 anije vendase.
Nga ana tjetër, volumi i mallrave të transportuara nëpërmjet rrugëve hekurudhore ka shënuar ulje me 15,0 % në krahasim me tremujorin e parë 2023. Qymyri dhe linjiti, nafta bruto dhe gazi natyror, përfshijnë 98,5 % të mallrave të transportuar me hekurudhë.
Ledina Elezi/SCAN
Sondazh
Cili qark ka kursyer më shumë në tre muaj? - Lezhjanët më kursimtarët, korçarët "thyejnë" mitin
“Scan Intel” ka analizuar shifrat zyrtare nga Banka e Shqipërisë si dhe të dhënat historike për të kuptuar ecurinë e nivelit të depozitave sipas rretheve. Kjo......
Investimet në Evropë në inteligjencën artificiale - Studimi/ Italia dhe Spanja kryesojnë me 71% të totalit
Inteligjenca Artificiale po riformëson peisazhin ekonomik global, duke u shfaqur si një forcë kryesore në domenin digjital dhe nxitur inovacionin në sektorë të......
“Profesionistët e lirë fitojnë më shumë se bankat” - Ministri i Financave nxjerr shifra: Tatimi 15-23 % u jep sërish avantazh
Në një kohë kur profesionistët e lirë po reagojnë çdo ditë kundër ligjit të ri që i takson nga 15-23 për qind dhe po presin një përgjigje nga Gjykata......
Raporti: Europa mund të ketë nevojë të vendosë tarifa deri në 55% për të frenuar importet kineze të automjeteve elektrike!
Bashkimi Europian do të duhet të vendosë tarifa më të larta se sa pritej deri në 55% për automjetet elektrike kineze për të frenuar importet e tyre në bllok,......
Shefja e FMN-së paralajmëron për rrezikun e tregut në zhvillim!
Kristalina Georgieva, drejtoresha menaxhuese e Fondit Monetar Ndërkombëtar, hodhi poshtë perspektivën e ndonjë ndikimi negativ nga një divergjencë e politikës......
G7 arrin marrëveshje për “daljen” nga qymyri - Pas vitit 2035 nuk do të prodhohet energji nga lëndët fosile
Ministrat e Energjisë të shtatë ekonomive më të industrializuara të botës arritën një marrëveshje për mbylljen e termocentraleve të tyre me qymyr në gjysmën e......
Cilat janë pasojat e pastrimit të parave në Shqipëri? - Ternova: Ligjet janë të forta për t’i luftuar, mungon vullneti
Vitin që lamë pas Shqipëria ka dalë nga lista gri e pastrimit të parave. Por çfarë duhet të bëjë shteti shqiptar që të vijoj gjurmimin e parave të......
Kryeministri britanik: Britania nuk do të pranojë kthimin e azilkërkuesve nga Irlanda!
Ministrat britanikë dhe irlandezë po përpiqen të zbusin tensionet midis qeverive të tyre pasi Londra refuzon të pranojë kthimin e azilkërkuesve që mbërrijnë në......
