57% e bizneseve do të aplikojnë për kredi - Vrojtimi i BSH, ulje e aftësisë paguese të ndërmarrjeve vitin e kaluar
Numri i kërkesave për kredi nga bizneset parashikohet të shënojë një rritje të ndjeshme deri në fund të gjysmës së parë të këtij viti. Sipas vrojtimit të Bankës së Shqipërisë lidhur me planifikimin për huamarrje, rreth 57% e ndërmarrjeve kanë pohuar se ka mundësi që të kërkojnë kredi bankare në 6 muajt e parë të 2024-ës, ndërkohë që vetëm 43% e tyre kanë deklaruar se nuk do të kërkojnë kredi dhe kjo peshë ka rënë për të tre grupet e ndërmarrjeve, të vogla, të mesme dhe të mëdha.
Pavarësisht nivelit të lartë të normave të interesit, gjatë vitit 2023 kredia bankare për ndërmarrjet u rrit me 2%, e mbështetur kryesisht nga nevoja e bizneseve për të realizuar investime fikse. Konkretisht rritja në kërkesën për kredi nga biznesi i vogël dhe i mesëm ishte disi më e ndjeshme në krahasim me rritjen në kërkesën nga biznesi i madh.
Niveli i lartë i kredive është raportuar si për portofolin në lekë, ashtu edhe për atë në valutë, por ndryshimi në nivelin e kursit të këmbimit ka pasur një efekt statistikor negativ në vlerat e raportuara në lekë të kredive në valutë. Kredia e bizneseve në lekë u rrit me 12% në bazë vjetore dhe kredia për bizneset në valutë u tkurr me 8%. Në zgjerimin e portofolit të kredisë për bizneset ka ndikuar rritja e kredisë për sektorin e transportit, akomodimit, aktiviteteve të pasurive të paluajtshme dhe shërbimeve të tjera.
Gjatë vitit të shkuar aftësia paguese e ndërmarrjeve për huatë rezultoi e ulët. Si rrjedhojë e rritjes së kostove të financimit në vend dhe gjendjes së mirë të likuiditetit të ndërmarrjeve, pesha e bizneseve që deklaruan se kishin një hua për të paguar ishte 36%, duke rënë me 3% në bazë vjetore.
Për rreth 87% të bizneseve, niveli i tyre i huamarrjes ishte i përshtatshëm, por ndërmarrjet e vogla shfaqën kërkesë më të lartë për financim. Huamarrja është realizuar vetëm në monedhën vendase për 61% të ndërmarrjeve të vogla, 58% të ndërmarrjeve të mesme dhe 43% të ndërmarrjeve të mëdha, ndërkohë që pjesa tjetër është në valutë ose e kombinuar.
Ledina Elezi/SCAN
Sondazh
Planifikimi i të ardhurave dhe pensioneve/ Çfarë është rregulli 30:30:30:10 dhe si duhet ta përdorni?
Rregulli 30:30:30:10 mund të zbatohet si për planifikimin e të ardhurave ashtu edhe për pensionet dhe mund t'ju ndihmojë shumë për të planifikuar buxhetin......
Kursi i këmbimit valutor/ Dobësohen sërish monedhat e huaja!
Dollari amerikan është dobësuar këtë mëngjes duke u blerë sot me 93.4 lekë dhe duke u shitur me 94.5 lekë sipas kursit të këmbimit lokal në raport me......
Agroturizmet po aplikojnë farërat autoktone - Denaj: Ruajtja e varieteteve lokale, vlerë e shtuar për tërheqjen e turistëve të huaj
Sipërmarrjet agroturistike po aplikojnë mbjelljen e farërave autoktone, duke ruajtur varietetet lokale të produkteve, sikurse janë perimet, frutat apo......
EKSKLUZIVE/“Paketa e Maleve”, 4 shtyllat e mbështetjes - Drafti në diskutim/ Nga bonuset direkte, te lehtësimi i kreditimit dhe privatizimi apo marrja me qira e tokave
Teksa qeveria po punon për paketën e re të mbështetjes për investime në zonat e veriut, TV SCAN ka zbardhur katër shtyllat kryesore, që janë në diskutim për......
Ekspertët propozojnë formulën: Si mund të rriten pensionet e ulëta?!
Qeveria prej muajsh është në proces vlerësimi të skemës aktuale të pensioneve duke dhënë sinjale vecc të tjerash edhe për ndryshim të mënyrës së indeksimit.......
Mineralet kryesore që nxjerr Shqipëria - Gati 75% e lejeve aktive dominohet nga kromi, guri gëlqeror e hekur nikeli
Aktiviteti minerar në vendin tonë dominohet nga nxjerrja e mineralit të kromit, me rreth 43% të lejeve aktive. Në total, sipas të dhënave të fundit të......
Specializimi i mjekëve propozohet për 3 vite - Projektligji, në Konsultime Publike. Cilat janë ndryshimet e parashikuara?
Ministria e Arsimit ka parashikuar disa ndryshime në ligjin “Për trajtimin e veçantë të studentëve që ndjekin programin e integruar të studimit të ciklit të......
22.5 mln lekë ilaçe për qendrat e zonave turistike - Hapet tenderi për 30 ambulanca verore dhe 74 qendra shëndetësore dimërore
Operatori i Shërbimeve të Kujdesit Shëndetësor ka hapur tenderin për blerjen e barnave dhe materiale të mjekimit për qendrat shëndetësore që mbulojnë me......
