“Vjelja” nga ndërtimet e reja prek kulmin - Cilat janë bashkitë që dyfishuan të ardhurat nga taksa e infrastrukturës?
Vërshimi i ndërtimeve të reja është furnizuesi më i mirë i buxheteve vendore në vend dhe gjysma e parë e këtij viti konsiderohet si një kulm në këtë drejtim. Të ardhurat nga taksa e ndikimit në infrastrukturë nga ndërtimet e reja në 6-mujorin e parë të 2022 përfaqësuan rreth 57% ndaj totalit të të ardhurave nga taksat vendore dhe rreth 34% ndaj totalit të të ardhurave nga burimet e veta vendore.
E thënë ndryshe, bashkitë mblodhën afro 6.4 miliardë lekë apo 54.3 milionë euro, në rritje me rreth 48% apo rreth 2.1 miliardë lekë më shumë krahasuar me të njëjtën periudhë të një viti më parë.
Përjashtuar të ardhurat për TNI nga bashkia Tiranë, 60 bashkitë e tjera në vend mblodhën rreth 1.4 miliardë lekë nga kjo taksë, në rritje me rreth 50% në terma vjetorë. Në analizën e bërë nga CO Plan, sipas bashkive rezulton se të ardhurat nga taksa e ndikimit në infrastrukturë janë rritur në 35/ 61 bashki.
Bashkia Tiranë arkëtoi rreth 5 miliardë lekë (në rritje me rreth 47% në terma vjetorë). Në bashkinë Durrës, të ardhurat nga taksa e ndikimit në infrastrukturë nga ndërtimet e reja rezultojnë të jetë zgjeruar me nga 59.8 milionë në rreth 151 milionë lekë në gjashtëmuajt e parë të vitit 2022. Në bashkinë Vlorë të ardhurat nga taksa e ndikimit në infrastrukturë shënuan rritje nga 105 milionë lekë në rreth 244 milionë lekë në gjysmën e parë të vitit 2022, çka përbën rreth 4% ndaj të ardhurave totale të gjeneruara nga kjo taksë.
Në të kundërt, në pjesën tjetër të bashkive të ardhurat nga kjo taksë kanë shënuar rënie (p.sh. në bashkitë Berat, Gjirokastër, Dimal, Tropojë, Elbasan, Lezhë, Roskovec etj.). Bazuar në të dhënat mbi lejet e ndërtimit sipas INSTAT, sektori i ndërtimit duket të ketë përshpejtuar ritmin e rritjes të nisur që prej vitit 2017.
Në gjashtë muajt e parë të vitit 2022 u dhanë rreth 736 leje ndërtimi nga 61 bashkitë në vend, në rritje me 23% në terma vjetorë apo rreth 138 leje më shumë krahasuar me të njëjtën periudhë të një viti më parë (që përkon me një rritje prej 48% të sipërfaqes së ndërtimit të miratuar për ndërtesa të reja).
Sipas numrit të lejeve të ndërtimit të dhëna, presioni zhvillimor rezulton të jetë i përqendruar kryesisht në bashkitë Tiranë (123 leje), Durrës (108 leje), Shijak (62 leje), Korçë (53 leje) etj.
Elisabeta Dosku / SCAN
Sondazh
Vetting-u bën kërdinë, nxjerr nga sistemi mbi 300 magjistratë - KPK shkarkon 125 gjyqtarë e 82 prokurorëve, 85 të tjerë largohen me dorëheqje
Nga shkurti i vitit 2018 e deri tani, Komisioni i Pavarur i Kualifikimit, shkalla e parë e Vetting-ut, ka boshatisur sistemin e drejtësisë me numrin shumë të......
Nisin shpronësimet te Bulevardi i ri, 31 milionë dollarë pronarëve - Këshilli i Ministrave publikon listën me 200 pronarët, procedurat brenda 3 muajve
Rishikimi i projektit për segmentin rrugor të vazhdimit të ‘Unazës së madhe’ Tiranë nga ‘Sheshi Shqiponja’–‘Bulevardi i Ri’ dhe ‘Rikualifikimi i ‘Unazës......
Exxon largohet duarbosh nga Rusia me projektin e naftës të 'përfunduar në mënyrë të njëanshme'!
Exxon Mobil Corp njoftoi se u largua plotësisht nga Rusia pasi Presidenti Vladimir Putin shpronësoi pronat e saj pas shtatë muajsh diskutime mbi një transferim......
100 më të pasurit e Indisë 2022 - Pasuria kolektive rritet në 800 miliardë dollarë, falë rritjes nga Gautam Adani, një nga manjatët më të pasur në botë
Ringjallja e kërkesës së Indisë pas pandemisë e fuqizoi ekonominë e saj të bëhej e pesta më e madhe në botë, duke tejkaluar Britaninë e Madhe. Por tregu i......
Australia sfidon Kinën me minierat e nxjerrjes së mineraleve të rrallë nga toka!
Në pluhurin e kuq të Australisë qendrore, firma minerare Arafura po planifikon të ndërtojë një minierë dhe një strukturë përpunimi për elementët shumë të......
Rubla ruse e qëndrueshme ndërsa eksportuesit konvertojnë valutën e huaj
Tregjet ruse e nisën ditën në mënyrë të qëndrueshme të martën pasi pagesat e taksave në fund të muajit ofruan mbështetje për një rubël të goditur nga......
Euro vijon forcimin përballë dollarit - Yellen siguron tregjet se SHBA nuk do të ndërhyjë për të dobësuar dollarin
Euro është forcuar lehtë përballë dollarit amerikan edhe në sesionin e sotëm, duke u ngjitur në mbi 0.98 dollarë, niveli më i lartë që nga 6 tetori.......
Brenti, i qëndrueshëm pranë 92 dollarë - Kompanitë në SHBA rrisin prodhimin e naftës argjilore
Nafta po tregtohet e qëndrueshme pranë 92 dollarëve edhe në sesionin e sotëm, ndërsa një mbështetje e ka gjetur nga dobësimi i dollarit amerikan. Por, rritja e......
