Gruri dhe misri në pikiatë, vetëm elbi me rritje/ Drithërat pranë minimumit të 6 viteve, humbëm mesatarisht 12 mijë tonë në vit
Prodhimi i drithërave në vend ka vijuar rënien edhe gjatë vitit 2025. Sipas të dhënave për prodhimin e bimëve të arave, gjatë vitit të kaluar u prodhuan 624 mijë tonë drithëra, nga 649.9 mijë tonë në vitin 2024.
Brenda një viti, prodhimi është pakësuar me rreth 25.9 mijë tonë, ose 4%. Krahasuar me vitin 2023, kur prodhimi arriti në 701.3 mijë tonë, rënia është edhe më e fortë, me rreth 77 mijë tonë.
Peshën kryesore në këtë tkurrje e mban gruri. Në vitin 2025, prodhimi i grurit zbriti në 162.6 mijë tonë, nga 180.8 mijë tonë një vit më parë, duke shënuar një rënie prej 10.1%.
Ky është njëkohësisht niveli më i ulët i prodhimit të grurit gjatë periudhës 2020-2025. Në vitin 2020, vendi prodhonte 233.4 mijë tonë grurë, që do të thotë se brenda pesë viteve prodhimi është tkurrur me më shumë se 30%, ose me rreth 71 mijë tonë.
Edhe prodhimi i misrit, që zë pjesën më të madhe të prodhimit të drithërave, shënoi rënie. Në vitin 2025 u prodhuan 400.5 mijë tonë misër, rreth 9.9 mijë tonë më pak se në vitin 2024, ose një rënie prej 2.4%. Megjithatë, prodhimi i misrit mbetet thuajse në të njëjtat nivele me vitin 2020.
Në drejtim të kundërt ka lëvizur elbi. Prodhimi u rrit nga 23.8 mijë tonë në vitin 2024, në 27 mijë tonë në 2025, ose me 13.4%. Krahasuar me vitin 2020, prodhimi i elbit është më shumë se dyfishuar.
Prodhimi i thekrës u rrit lehtë, nga 2.9 në 3.1 mijë tonë, ndërsa tërshëra ra nga 31.9 në 30.8 mijë tonë.
Të dhënat tregojnë se pas nivelit më të lartë të regjistruar në vitin 2023, prodhimi i përgjithshëm i drithërave ka hyrë në një trajektore rënëse, duke zbritur në vitin 2025 në nivelin më të ulët të gjashtë viteve të fundit.
Kumbaro mbledh drejtuesit e arsimit parauniversitar - Viti i ri shkollor/ Risi shtrirja e programit “Pas Shkolle” në mbi 400 institucione arsimore
Ministrja e Arsimit Mirela Kumbaro, në prag të nisjes së vitit të ri shkollor, mblodhi në një takim të zgjeruar drejtuesit e Ministrisë së Arsimit, agjencive......
Regjistrimi në universitete, 7 faza në raundin e parë - Xhelaj: 25% e maturantëve u paraqitën që ditën e parë
Regjistrimet në universitete kanë nisur me ritëm të lartë. Vetëm në ditën e parë të fazës së parë, të hapur të mërkurën, rreth 25% e maturantëve janë......
Rritet prodhimi nga centralet diellore - 448 GWh në 3 muaj, pesha në prodhimin vendas arriti 19% për periudhën prill-qershor
Zgjerimi i shpejtë i kapaciteteve fotovoltaike po reflektohet gjithnjë e më shumë në bilancin energjetik të vendit. Të dhënat e Institutit të Statistikave......
Linjë e re energjetike 110 kV Sarandë–Xarrë/ OST hap garën për ndërtimin. Synohet më shumë siguri në furnizim
Operatori i Sistemit të Transmetimit ka shpallur garën për ndërtimin e linjës 110 kV Sarandë–Xarrë, një investim që synon rritjen e sigurisë së furnizimit me......
Luhatje në tregun valutor – Dobësohen Euro, Paundi e Dollari
Dollari amerikan ka pasur luhatje të ndjeshëm të kuotës këtë të enjte në raport me një ditë më parë pasi është blerë sot me 78.8 lekë dhe është shitur me......
Rritet tatimi i paguar mbi qiratë dhe pagat - 613 milionë euro në 7 muaj. 17% më shumë krahasuar me 2025-ën
Taksimi i punës dhe qirave afatshkurtër, apo afatgjatë, ka sjellë më shumë të ardhura në buxhetin e shtetit gjatë 7 muajve të parë të këtij viti. Sipas të......
Autostrada Kashar-Rrogozhinë, punimet nisin brenda vitit - Konçesioni 35-vjeçar, Karakaçi: ARRSH ka miratuar projektin e zbatimit
Punimet për autostradën Kashar–Rrogozhinë pritet të nisin brenda këtij viti. Autoriteti Rrugor Shqiptar ka miratuar projektin e zbatimit, ndërsa hapi i......
323 ATM të reja, shqiptarët vijojnë tërheqjen e cash-it - BSH: Depozitimet zënë vetëm 37% të numrit të transaksioneve
Ndërsa numri i bankomateve sa vjen e rritet, shqiptarët vijojnë t’i përdorin kryesisht për një funksion të vetëm: tërheqjen e parave cash. Sipas të dhënave......
